Ropinirole hydrochloride

ជាទូទៅ ឱសថនេះប្រើនៅក្នុងការព្យាបាលជំងឺប៉ាឃីនសុន(Parkinson's disease)។

ថ្នាំលេប：

＜ប្រភេទរយៈពេលសកម្មភាពធម្មតា＞

មនុស្សពេញវ័យ：ចាប់ផ្ដើមលេបពីកម្រិត1ដង0.25mg 1ថ្ងៃ3ដង រួចបង្កើនកម្រិតម្ដង0.75mg រៀងរាល់1សប្ដាហ៍ រហូតដល់នៅសប្ដាហ៍ទី4 ប្រើក្នុងកម្រិត1ថ្ងៃ3mg បែងចែកជា3ដងក្នុង1ថ្ងៃ។ បន្ទាប់ពីនោះ អាចបង្កើនកម្រិតម្ដង1.5mg/ថ្ងៃ រៀងរាល់1សប្ដាហ៍ឬយូរជាងនេះ ដើម្បីកំណត់កម្រិតដែលអាចប្រើជាប្រចាំ (ជាទូទៅគឺ1ថ្ងៃ3～9mg បែងចែកជា3ដងក្នុង1ថ្ងៃ)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ មិនត្រូវប្រើលើសពី15mgក្នុង1ថ្ងៃនោះទេ។

＜ប្រភេទរយៈពេលសកម្មភាពវែង (CR)＞

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ1ដង2mg រយៈពេល1សប្ដាហ៍។ នៅសប្ដាហ៍ទី2 លេបក្នុងកម្រិត1ថ្ងៃ1ដង4mg។ បន្ទាប់ពីនោះ អាចបង្កើនកម្រិតម្ដង2mg/ថ្ងៃ រៀងរាល់1សប្ដាហ៍ឬយូរជាងនេះ ដើម្បីកំណត់កម្រិតដែលអាចប្រើជាប្រចាំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ មិនត្រូវប្រើលើសពី16mgក្នុង1ថ្ងៃនោះទេ។ គួរប្រើឱសថនេះក្រោយបរិភោគអាហារដើម្បីចៀសវាងអាការៈចង់ក្អួតឬក្អួតដែលអាចកើតមាននៅពេលប្រើឱសថនេះនៅពោះទទេ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ចង់ក្អួត ក្អួត បាត់បង់ចំណង់អាហារ សម្ពាធឈាមចុះទាបពេលក្រោកឈរ វិលមុខ រវើរវាយ ។ល។

・សកម្មភាពនៃឱសថទាំងនេះមានលក្ខណៈខ្សោយជាងឱសថប្រភេទL-ដូប៉ា (L-dopa) ប៉ុន្តែ ការកើតមានការប្រែប្រួលរោគសញ្ញាចុះឡើងក្នុង1ថ្ងៃមានលក្ខណៈតិចតួចជាង។

・រោគសញ្ញាក្រពះពោះវៀនច្រើនកើតឡើងនៅពេលចាប់ផ្ដើមប្រើប្រាស់ឱសថនេះ ប៉ុន្តែ វានឹងបាត់ទៅវិញក្រោយរយៈពេលប៉ុន្មានថ្ងៃ។

ភ្ជាប់ទៅនឹងគ្រឿងទទួលដូប៉ាមីន និង បង្ហាញសកម្មភាពដូចទៅនឹងសារធាតុដូប៉ាមីនដែរ គឺធ្វើអោយការបញ្ជូនសញ្ញាតាមសរសៃប្រសាទមានលក្ខណៈរលូន។