Rivaroxaban

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បង្ការការកើតឡើងនៃជំងឺត្បៀតសរសៃឈាមក្នុងខួរក្បាលនិងជំងឺស្ទះកំណកឈាមពេញរាងកាយ ចំពោះអ្នកជំងឺញ័រថតលើនៃបេះដូងមិនទាក់ទងនឹងប្រឹស(Non-valvular atrial fibrillation, NVAF)។

- ព្យាបាលនិងបង្ការការកើតឡើងវិញនៃជំងឺស្ទះកំណកឈាមក្នុងសរសៃឈាមវ៉ែននៅផ្នែកជ្រៅនៃរាងកាយនិងជំងឺស្ទះកំណកឈាមក្នុងសួត។

ថ្នាំលេប：

・ករណីប្រើនៅក្នុងការបង្ការការកើតឡើងនៃជំងឺត្បៀតសរសៃឈាមក្នុងខួរក្បាលនិងជំងឺស្ទះកំណកឈាមពេញរាងកាយ ចំពោះអ្នកជំងឺញ័រថតលើនៃបេះដូងមិនទាក់ទងនឹងប្រឹស(Non-valvular atrial fibrillation, NVAF)：

មនុស្សពេញវ័យ：លេប1ថ្ងៃ1ដង 15mg ក្រោយបរិភោគអាហារ។ ចំពោះអ្នកជំងឺដែលមុខងារតម្រងនោមធ្លាក់ចុះ អាចបន្ថយកម្រិតមកត្រឹម1ថ្ងៃ1ដង10mg។

・ករណីប្រើនៅក្នុងការព្យាបាលនិងបង្ការការកើតឡើងវិញនៃជំងឺស្ទះកំណកឈាមក្នុងសរសៃឈាមវ៉ែននៅផ្នែកជ្រៅនៃរាងកាយនិងជំងឺស្ទះកំណកឈាមក្នុងសួត：

មនុស្សពេញវ័យ：នៅ3សប្ដាហ៍នៃដំណាក់កាលដំបូងបន្ទាប់ពីកើតមានអាការៈ លេប1ដង15mg 1ថ្ងៃ2ដង ក្រោយបរិភោគអាហារ។ បន្ទាប់ពីនោះ លេប1ថ្ងៃ1ដង15mg ក្រោយបរិភោគអាហារ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងមានអាការៈហូរឈាម (ហូរឈាមនៅក្នុងក្បាល ឬ ហូរឈាមនៅសរីរាង្គសំខាន់ៗផ្សេងទៀត)។

・អ្នកដែលមានជំងឺថ្លើមនិងមានបញ្ហាទាក់ទងនឹងដំណើរការនៃកំណកឈាម។

・អ្នកដែលមានបញ្ហាថ្លើមចាប់ពីកម្រិតមធ្យមឡើងទៅ (Child-Pugh：កម្រិតBឬC)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងប្រើប្រាស់ឱសថប្រឆាំងវីរុសហ៊ីវប្រភេទHIV protease inhibitors (Ritonavir, Lopinavir/Ritonavir, Atazanavir, Indinavir, Saquinavir, Darunavir, Fosamprenavir, Nelfinavir, Ombitasvir/Paritaprevir/Ritonavir)។

・អ្នកដែលកំពុងប្រើប្រាស់ឱសថដែលមានផ្ទុកសារធាតុCobicistat។

・អ្នកដែលកំពុងប្រើប្រាស់ឱសថប្រឆាំងមេរោគផ្សិតប្រភេទAzole(Itraconazole, Voriconazole, Miconazole, Ketoconazole)ជាថ្នាំលេបឬថ្នាំចាក់។

・អ្នកដែលមានជំងឺរលាកភ្នាសខាងក្នុងនៃបេះដូងដោយសារបាក់តេរី(Bacterial Endocarditis)លក្ខណៈស្រួចស្រាវ។

ក្នុងករណីបង្ការការកើតឡើងនៃជំងឺត្បៀតសរសៃឈាមក្នុងខួរក្បាលនិងជំងឺស្ទះកំណកឈាមពេញរាងកាយ ចំពោះអ្នកជំងឺញ័រថតលើនៃបេះដូងមិនទាក់ទងនឹងប្រឹស(Non-valvular atrial fibrillation, NVAF)៖

・អ្នកដែលមានជំងឺតម្រងនោមចុះខ្សោយ(Ccrក្រោម15mL/min)។

ក្នុងករណីព្យាបាលនិងបង្ការការកើតឡើងវិញនៃជំងឺស្ទះកំណកឈាមក្នុងសរសៃឈាមវ៉ែននៅផ្នែកជ្រៅនិងស្ទះកំណកឈាមក្នុងសួត៖

・អ្នកដែលមានបញ្ហាតម្រងនោមធ្ងន់ធ្ងរ(Ccrក្រោម30mL/min)។

ផលរំខានរួមមាន ឈាមច្រមុះ ហូរឈាមក្រោមស្បែក(ស្នាមជាំស្វាយ) ឈាមតាមអញ្ចាញធ្មេញ ហូរឈាមពីមុខរបួស នោមលាយឈាម ភ្នែកក្រហម ក្អកឈាម អាការៈខ្វះឈាម ឈាមក្នុងមាត់ ឈាមឬសដូងបាត លាមកពណ៌ខ្មៅ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្អួតឈាម លាមកពណ៌ខ្មៅ លាមកមានឈាម ឈឺពោះ បាត់បង់ចំណង់អាហារ (ហូរឈាមនៅក្រពះពោះវៀន)

- ចង់ក្អួត វិលមុខ ស្ពឹក ញាណដឹងខុសប្រក្រតី (ហូរឈាមនៅក្នុងក្បាល)

- អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមមានបញ្ហា ខាន់លឿង)

- ស្លេស្មមានលាយឈាម ក្អកស្ងួត ដង្ហក់ ពិបាកដកដង្ហើម ក្ដៅខ្លួន (រលាកសួតប្រភេទInterstitial pneumonia)

- ឈាមច្រមុះ ឈាមតាមអញ្ចាញធ្មេញ ស្នាមជាំស្វាយលើស្បែក ឈាមក្រកក (រោគសញ្ញានៃការថយចុះចំនួនប្លាកែត)។

・ឱសថប្រឆាំងវីរុសហ៊ីវប្រភេទHIV protease inhibitors (Ritonavir, Lopinavir/Ritonavir, Atazanavir, Indinavir, Saquinavir, Darunavir, Fosamprenavir, Nelfinavir, Ombitasvir/Paritaprevir/Ritonavir) ឱសថដែលមានផ្ទុកសារធាតុCobicistat ឱសថប្រឆាំងមេរោគផ្សិតប្រភេទAzole(Itraconazole, Voriconazole, Miconazole, Ketoconazole)ជាថ្នាំលេបឬថ្នាំចាក់ - អាចធ្វើអោយកំហាប់ក្នុងឈាមនៃRivaroxabanកើនឡើង នាំអោយហានិភ័យនៃការហូរឈាមកើនឡើង។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងកំណកឈាម(Heparin, Warfarin, Enoxaparin sodium, Fondaparinux sodium, Dabigatran etexilate methanesulfonate ជាដើម), ឱសថដែលទប់ស្កាត់ប្រតិកម្មនៃការផ្ដុំប្លាកែត(Aspirin, Dipyridamole, Ticlopidine, Clopidogrel, NSAIDs ជាដើម), ឱសថរំលាយកំណកឈាម(Urokinase, t-PA ជាដើម), ឱសថប្រភេទSSRIឬSNRI, ឱសថFluconazole, ឱសថFosfluconazole, ឱសថClarithromycin, ឱសថErythromycin - អាចធ្វើអោយហានិភ័យនៃការហូរឈាមកើនឡើង។

・ឱសថRifampicin, ឱសថPhenytoin, ឱសថCarbamazepine, ឱសថPhenobarbital, អាហារបំប៉នដែលមានផ្ទុកសារធាតុSt. Johnʼs

Wort - អាចធ្វើអោយកំហាប់ក្នុងឈាមនៃRivaroxabanថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះផលរំខាននៃការហូរឈាមធ្ងន់ធ្ងរ ព្រោះអាចមានគ្រោះថ្នាក់ដល់ជីវិតរបស់អ្នកជំងឺ។ ដោយសារការពិនិត្យសមត្ថភាពកំណកឈាមតាមរយៈការវាស់PT-INR រយៈពេលAPTT ជាដើម នឹងមិនបង្ហាញភាពសុក្រិតនោះទេ ដូច្នេះ គួរកត់សម្គាល់ទៅលើរោគសញ្ញានៃការហូរឈាមផ្សេងៗដែលកើតមាននៅលើអ្នកជំងឺជាជាងលទ្ធផលនៃការពិនិត្យទាំងនេះ។

・នៅពេលប្រើប្រាស់ឱសថនេះរួមជាមួយការចាក់បញ្ចូលថ្នាំស្ពឹកតាមឆ្អឹងខ្នងឬខាងក្រៅភ្នាសរឹង ត្រូវប្រុងប្រយ័ត្នជាពិសេសចំពោះការកើតមានដុំឈាមដែលសង្កត់ទៅលើសរសៃប្រសាទធ្វើអោយកើតមានអាការៈស្ពឹករយៈពេលវែងឬជារៀងរហូត។ សូមពិនិត្យមើលព័ត៌មានបន្ថែមដើម្បីចៀសវាងការកើតមានបញ្ហាធ្ងន់ធ្ងរនេះ។

・ឱសថនេះនឹងធ្វើអោយឈាមក្រកក ដូច្នេះ ត្រូវប្រុងប្រយ័ត្ននៅពេលអ្នកជំងឺត្រូវទទួលការវះកាត់ឬការព្យាបាលធ្មេញជាដើម។ ម្យ៉ាងទៀត ត្រូវសង្កេតមើលរោគសញ្ញានៃការហូរឈាមខុសប្រក្រតីផ្សេងៗជាប្រចាំ។

・ងាយស្រួលប្រើចំពោះអ្នកដែលមានមុខងារតម្រងនោមធ្លាក់ចុះឬអ្នកជំងឺដែលមានវ័យចំណាស់ ជាងឱសថDabigatran etexilate methanesulfonate។

ឱសថនេះមានប្រសិទ្ធិភាពទប់ស្កាត់សកម្មភាពនៃកត្តាកំណកឈាមXa ដើម្បីបង្អាក់ដំណើរការនៃការកកើតកំណកឈាមខុសប្រក្រតីដែលអាចបង្កជាជំងឺផ្សេងៗ។