Rilpivirine hydrochloride

ជាទូទៅ ឱសថនេះប្រើនៅក្នុងការព្យាបាលជំងឺឆ្លងវីរុសហ៊ីវប្រភេទទី1 (HIV-1) ដោយប្រើរួមជាមួយឱសថប្រឆាំងវីរុសហ៊ីវផ្សេងទៀត។

ថ្នាំលេប：

មនុស្សពេញវ័យ：លេប1ថ្ងៃ1ដង 25mg ក្នុងពេលកំពុងបរិភោគអាហារ ឬ ក្រោយពេលបរិភោគអាហាររួចភ្លាម។ ត្រូវប្រើរួមជាមួយឱសថប្រឆាំងHIVផ្សេងទៀត។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថដូចខាងក្រោម：

　Rifampicin, Carbamazepine, Phenobarbital, Phenytoin, Fosphenytoin, Dexamethasone(ថ្នាំបញ្ចូលក្នុងរាងកាយ លើកលែងករណីប្រើតែម្ដង), ឱសថបញ្ចុះជាតិអាស៊ីតក្នុងក្រពះប្រភេទProton pump inhibitor(Omeprazole, Lansoprazole, Rabeprazole, Esomeprazole, Vonoprazan fumarate) និង អាហារបំប៉នដែលមានសារធាតុSt.John’s Wort។

ផលរំខានរួមមាន ឈឺក្បាល ចង់ក្អួត គេងមិនលក់ វិលមុខ យល់សប្ដិចម្លែក។ល។

・ឱសថដូចខាងក្រោម：Rifampicin, Carbamazepine, Phenobarbital, Phenytoin, Fosphenytoin, Dexamethasone(ថ្នាំបញ្ចូលក្នុងរាងកាយ លើកលែងករណីប្រើតែម្ដង), ឱសថបញ្ចុះជាតិអាស៊ីតក្នុងក្រពះប្រភេទProton pump inhibitor(Omeprazole, Lansoprazole, Rabeprazole, Esomeprazole, Vonoprazan fumarate) និង អាហារបំប៉នដែលមានសារធាតុSt.John’s Wort - អាចធ្វើអោយប្រសិទ្ធិភាពឱសថRilpivirineថយចុះ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថRifabutin - អាចធ្វើអោយប្រសិទ្ធិភាពឱសថRilpivirine ថយចុះ។

・ឱសថបញ្ចុះជាតិអាស៊ីតក្នុងក្រពះប្រភេទH2 Blockers (Famotidine, Cimetidine, Nizatidine, Ranitidine) - អាចធ្វើអោយប្រសិទ្ធិភាពឱសថRilpivirine ថយចុះ។ ដូច្នេះ គួរប្រើឱសថទាំងនេះនៅ12ម៉ោងយ៉ាងតិចមុនពេលប្រើឱសថRilpivirineឬនៅ4ម៉ោងយ៉ាងតិចក្រោយពេលប្រើឱសថRilpivirine។

・ឱសថបន្សាបជាតិអាស៊ីតក្នុងក្រពះ(Aluminium hydroxide, Calcium carbonate) - អាចធ្វើអោយប្រសិទ្ធិភាពឱសថRilpivirine ថយចុះ។ ដូច្នេះ គួរប្រើឱសថទាំងនេះនៅ2ម៉ោងយ៉ាងតិចមុនពេលប្រើឱសថRilpivirineឬនៅ4ម៉ោងយ៉ាងតិចក្រោយពេលប្រើឱសថRilpivirine។

・ឱសថប្រឆាំងបាក់តេរីClarithromycin, Erythromycin - អាចធ្វើអោយប្រសិទ្ធិភាពឱសថRilpivirineកើនឡើង។ អាចជំនួសបានដោយប្រើAzithromycin។

・ឱសថបំបាត់ការឈឺចាប់Methadone - អាចធ្វើអោយកំហាប់ក្នុងឈាមនៃMethadoneថយចុះ។

・ឱសថដែលមានឥទ្ធិពលអូសបន្លាយQTនៃចង្វាក់បេះដូង (Amiodarone, Sotalol) - អាចធ្វើអោយងាយកើតឡើងនូវផលប៉ះពាល់ដល់មុខងារនៃបេះដូង។

・ឱសថប្រឆាំងវីរុសហ៊ីវប្រភេទNNRTIផ្សេងទៀត - ការប្រើឱសថប្រភេទNNRTIដូចគ្នាលើសពី2 មិនបានបង្ហាញប្រសិទ្ធិភាពបន្ថែមនោះទេ ដូច្នេះ គួរចៀសវាងប្រើរួមគ្នា។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះមានប្រសិទ្ធិភាពត្រឹមទប់ទល់នឹងការកើនឡើងនៃវីរុសហ៊ីវក្នុងរាងកាយ ប៉ុន្តែមិនអាចកម្ចាត់វីរុសហ៊ីវអស់ទាំងស្រុងនោះទេ។

・អាហារបំប៉នដែលមានសារធាតុ St.John's Wort អាចធ្វើអោយប្រសិទ្ធិភាពនៃឱសថនេះថយចុះ ដូច្នេះត្រូវចៀសវាងការប្រើប្រាស់រួមគ្នា។

ជាឱសថប្រឆាំងវីរុសហ៊ីវ(HIV)ប្រភេទNNRTI ដោយមានប្រសិទ្ធិភាពបង្អាក់សកម្មភាពរបស់អង់ស៊ីម HIV-1 Reverse transcriptaseរបស់វីរុស ធ្វើអោយវីរុសមិនអាចកើនចំនួនបាន។