Rifampicin

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・ជំងឺរបេងសួតនិងរបេងផ្សេងទៀត

・ជំងឺឆ្លងបាក់តេរីម៉ៃកូមិនមែនរបេង(Nontuberculous mycobacterial infection)រួមទាំងជំងឺMAC(Mycobacterium avium complex)

・ជំងឺហង់សិន (Hansen's diseaseឬLeprosy)។

ករណីជំងឺរបេងសួតនិងរបេងផ្សេងទៀត：

មនុស្សពេញវ័យ：លេប1ថ្ងៃ1ដង 450mg រៀងរាល់ថ្ងៃ។ ប៉ុន្តែ ករណីប្រើរួមជាមួយឱសថផ្សេងទៀត អាចប្រើ1សប្ដាហ៍2ថ្ងៃ។ ជាទូទៅ ត្រូវប្រើឱសថនេះនៅមុនពេលបរិភោគអាហារពេលព្រឹក(ពោះទទេ)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ គួរប្រើរួមជាមួយឱសថព្យាបាលជំងឺរបេងផ្សេងទៀត។

ករណីជំងឺឆ្លងបាក់តេរីម៉ៃកូមិនមែនរបេង(Nontuberculous mycobacterial infection)រួមទាំងជំងឺMAC(Mycobacterium avium complex)：

មនុស្សពេញវ័យ：លេប1ថ្ងៃ1ដង 450mg រៀងរាល់ថ្ងៃ។ ជាទូទៅ ត្រូវប្រើឱសថនេះនៅមុនពេលបរិភោគអាហារពេលព្រឹក(ពោះទទេ)។ អាចបង្កើនឬបន្ថយកម្រិតប្រើប្រាស់ទៅតាមការចាំបាច់ ប៉ុន្តែ កម្រិតអតិបរមាប្រើក្នុង1ថ្ងៃគឺ600mg។

ករណីជំងឺហង់សិន (Hansen's diseaseឬLeprosy)：

មនុស្សពេញវ័យ：លេប1ដង 600mg 1ខែ1～2ដង ឬ លេប1ថ្ងៃ1ដង450mgរៀងរាល់ថ្ងៃ។ ជាទូទៅ ត្រូវប្រើឱសថនេះនៅមុនពេលបរិភោគអាហារពេលព្រឹក(ពោះទទេ)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា និងគួរប្រើរួមជាមួយឱសថព្យាបាលជំងឺហង់សិនផ្សេងទៀត។

・អ្នកដែលមានជំងឺស្ទះប្រព័ន្ធទឹកប្រម៉ាត់ ឬ ជំងឺថ្លើមធ្ងន់ធ្ងរ - អាចធ្វើអោយស្ថានភាពជំងឺកាន់តែធ្ងន់ធ្ងរ។

・អ្នកដែលកំពុងប្រើប្រាស់ឱសថដូចខាងក្រោម៖

Tadalafil, Macitentan, Pemafibrate, Ticagrelor, Voriconazole, ឱសថព្យាបាលជំងឺអេដសន៍(Indinavir Sulfate Ethanolate, Saquinavir mesilate, Nelfinavir mesilate, Fosamprenavir calcium hydrate, Atazanavir sulfate, Rilpivirine hydrochloride, ឱសថដែលមានផ្ទុកElvitegravirឬCobicistat), Telaprevir, Simeprevir sodium, Daclatasvir Hydrochloride, Asunaprevir, Daclatasvir hydrochloride/Asunaprevir/Beclabuvir hydrochloride, Vaniprevir, Sofosbuvir, Ledipasvir acetonate/Sofosbuvir, Glecaprevir hydrate/Pibrentasvir, Ombitasvir hydrate/Paritaprevir hydrate/Ritonavir, Elbasvir, Grazoprevir hydrate, Amenamevir, Artemether/lumefantrine, Praziquantel - អាចធ្វើអោយឱសថទាំងនេះថយចុះប្រសិទ្ធិភាពព្យាបាល

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន បញ្ហាក្រពះ ឡើងកន្ទួលក្រហម ក្ដៅខ្លួន បញ្ហាថ្លើម ឈឺក្បាល ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អស់កម្លាំង បាត់បង់ចំណង់អាហារ ភ្នែកនិងស្បែកឡើងពណ៌លឿង(បញ្ហាថ្លើមធ្ងន់ធ្ងរ)

- រងាញាក់ មុខក្រហម ពិបាកដកដង្ហើម (រោគប្រតិកម្មធ្ងន់ធ្ងរ)

- ក្ដៅខ្លួន អស់កម្លាំង បរិមាណទឹកនោមថយចុះ ហើមដៃជើងនិងមុខ (រលាកតម្រងនោម មុខងារតម្រងនោមថយចុះជាដើម)

- អស់កម្លាំង បេះដូងលោតញាប់ វិលមុខ (ជំងឺខ្វះឈាមប្រភេទHemolytic anemia)

- ឈាមច្រមុះ ចេញឈាមតាមអញ្ចាញធ្មេញ ចេញឈាមក្រោមស្បែក ក្ដៅខ្លួន ឈឺបំពង់ក ឈឺសាច់ដុំ (ជំងឺគ្រាប់ឈាមសថយចុះប្រភេទAgranulocytosis រោគសញ្ញប្លាកែតថយចុះ)

- ឈឺពោះ រាករូសច្រើនដង ចង់ក្អួត (រលាកពោះវៀនធំធ្ងន់ធ្ងរ)

- ក្តៅខ្លួន ស្នាមក្រហមលើស្បែក ពងទឹកលើស្បែក ដំបៅ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)ជាដើម)

- ក្ដៅខ្លួន ក្អកស្ងួត ពិបាកដកដង្ហើម (រលាកសួតប្រភេទInterstitial pneumonia)

・ឱសថដូចខាងក្រោម៖ Tadalafil, Macitentan, Pemafibrate, Ticagrelor, Voriconazole, ឱសថព្យាបាលជំងឺអេដសន៍(Indinavir Sulfate Ethanolate, Saquinavir mesilate, Nelfinavir mesilate, Fosamprenavir calcium hydrate, Atazanavir sulfate, Rilpivirine hydrochloride, ឱសថដែលមានផ្ទុកElvitegravirឬCobicistat), Telaprevir, Simeprevir sodium, Daclatasvir Hydrochloride, Asunaprevir, Daclatasvir hydrochloride/Asunaprevir/Beclabuvir hydrochloride, Vaniprevir, Sofosbuvir, Ledipasvir acetonate/Sofosbuvir, Glecaprevir hydrate/Pibrentasvir, Ombitasvir hydrate/Paritaprevir hydrate/Ritonavir, Elbasvir, Grazoprevir hydrate, Amenamevir, Artemether/lumefantrine, Praziquantel - អាចធ្វើអោយឱសថទាំងនេះថយចុះប្រសិទ្ធិភាពព្យាបាល ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថព្យាបាលជំងឺផ្នែកស្មារតី (Diazepam, Midazolam, Triazolam, Zolpidem tartrate, Zopiclone, Haloperidol, Bromperidol, Olanzapine, Quetiapine fumarate, Clozapine, Nortriptyline, Mirtazapine ជាដើម) - អាចធ្វើអោយសកម្មភាពឱសថទាំងនេះថយចុះ។

・ឱសថព្យាបាលជំងឺប្រកាច់ (Phenytoin, Carbamazepine, Lamotrigineជាដើម)- អាចធ្វើអោយសកម្មភាពឱសថទាំងនេះថយចុះ។

・ឱសថបំបាត់ការឈឺចាប់និងបញ្ចុះកំដៅAcetaminophenឬParacetamol - អាចធ្វើអោយមានផលប៉ះពាល់ដល់ថ្លើម

・ឱសថបំបាត់ការឈឺចាប់Buprenorphine hydrochloride - អាចធ្វើអោយសកម្មភាពឱសថនេះថយចុះ

・ឱសថព្យាបាលជំងឺParkinson (Istradefylline) - អាចធ្វើអោយសកម្មភាពឱសថនេះថយចុះ

・ឱសថដែលមានសកម្មភាពនៅក្នុងប្រព័ន្ធខួរក្បាល (Donepezil hydrochloride, Suvorexant) - អាចធ្វើអោយសកម្មភាពឱសថនេះថយចុះ

・ឱសថបន្ធូរសាច់ដុំTizanidine hydrochloride - អាចធ្វើអោយសកម្មភាពឱសថនេះថយចុះ

・ឱសថព្យាបាលជំងឺបេះដូង (Digitalis, Quinidine, Mexiletine hydrochloride, Disopyramide, Propafenone hydrochloride, Pilsicainide hydrochloride hydrate, Beta blockers(Metoprolol tartrate, Propranolol hydrochloride ជាដើម)) - អាចធ្វើអោយសកម្មភាពឱសថទាំងនេះថយចុះ

ក្រៅពីនេះ នៅមានឱសថជាច្រើនទៀតដែលត្រូវប្រុងប្រយ័ត្ននៅពេលប្រើជាមួយឱសថRifampicin។ សូមពិនិត្យព័ត៌មានបន្ថែម។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ស្ត្រីបំបៅដោះកូនគួរប្រើប្រាស់ឱសថនេះក្នុងករណីចាំបាច់តែប៉ុណ្ណោះ ព្រោះសារធាតុឱសថអាចជ្រៀតចូលក្នុងទឹកដោះម្តាយ។

・ក្នុងអំឡុងពេលប្រើប្រាស់ឱសថនេះ ទឹកនោម លាមក ទឹកមាត់ ស្លេស្ម ញើស ទឹកភ្នែក ជាដើម អាចប្រែទៅជាពណ៌ក្រហមទឹកក្រូច។ ដូច្នេះ សម្លៀកបំពាក់ឬកែវដាក់ភ្នែកក៏អាចប្រែពណ៌ទៅតាមនោះដែរ។

・ករណីប្រើឱសថនេះរួមជាមួយឱសថព្យាបាលជំងឺរបេងផ្សេងទៀត គួរតាមដានមុខងារថ្លើមរបស់អ្នកជំងឺជាប្រចាំ។

ជាឱសថប្រឆាំងបាក់តេរីរបេង ដោយមានប្រសិទ្ធិភាពបង្អាក់សកម្មភាពបង្កើតRNA ធ្វើអោយបាក់តេរីមិនអាចរស់រានឬកើនចំនួនបាន។