Remifentanil hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ការប្រុងប្រយ័ត្នជាពិសេស

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖

      - ប្រើនៅក្នុងការចាប់ផ្ដើមនិងរក្សាស្ថានភាពសណ្ដំរាងកាយទាំងមូល (General anesthesia) ចំពោះមនុស្សពេញវ័យ

      - ប្រើនៅក្នុងការរក្សាស្ថានភាពសណ្ដំរាងកាយទាំងមូល (General anesthesia) ចំពោះកុមារ។

    • កម្រិតប្រើប្រាស់

      ថ្នាំចាក់：

      ・ចំពោះមនុស្សពេញវ័យ ត្រូវប្រើឱសថនេះរួមជាមួយឱសថសណ្ដំផ្សេងទៀតជានិច្ច ដោយប្រើក្នុងកម្រិតដូចខាងក្រោម៖

      - ករណីប្រើនៅក្នុងការចាប់ផ្ដើមការសណ្ដំ: ជាទូទៅ ប្រើដោយបញ្ចូលឱសថនេះក្នុងសរសៃវ៉ែនលក្ខណៈជាប់ឥតដាច់ក្នុងល្បឿន0.5μg/kg/នាទី (កម្រិតនៃRemifentanil)។ ករណីដែលគេអាចស្មានដឹងថាមានការភ្ញោចខ្លាំង ដោយសារការប្រើDouble-lumen tube (DLT) ការលំបាកក្នុងការស៊កបំពង់ ឬ នៅពេលត្រូវស៊កបំពង់ខ្យល់ គេត្រូវបញ្ចូលឱសថនេះក្នុងល្បឿន1.0μg/kg/នាទី (កម្រិតនៃRemifentanil)។ ម្យ៉ាងទៀត ប្រសិនបើចាំបាច់ អាចប្រើឱសថនេះក្នុងកម្រិត 1.0μg/kg (កម្រិតនៃRemifentanil) ចាក់បញ្ចូលក្នុងសរសៃវ៉ែនយឺតៗរយៈពេល30~60វិនាទី(ការចាក់មួយដង) មុននឹងអនុវត្តការបញ្ចូលឱសថនេះលក្ខណៈជាប់ឥតដាច់។ ប៉ុន្តែ ករណីអនុវត្តការស៊កបំពង់ខ្យល់នៅក្រោយពេលចាប់ផ្ដើមប្រើឱសថនេះចាប់ពី10នាទីឡើងទៅ គឺមិនចាំបាច់ប្រើឱសថនេះចាក់បញ្ចូលក្នុងសរសៃវ៉ែនជាការចាក់មួយដងនោះទេ។

      - ករណីប្រើនៅក្នុងការរក្សាស្ថានភាពសណ្ដំ: ជាទូទៅ ប្រើដោយបញ្ចូលឱសថនេះក្នុងសរសៃវ៉ែនលក្ខណៈជាប់ឥតដាច់ក្នុងល្បឿន0.25μg/kg/នាទី (កម្រិតនៃRemifentanil)។ សម្រាប់ល្បឿននៃការបញ្ចូលឱសថនេះ ត្រូវតាមដានស្ថានភាពរាងកាយទាំងមូលរបស់អ្នកជំងឺ ដោយអាចបង្កើនល្បឿនក្នុងចន្លោះ 25~100% ឬ បន្ថយល្បឿនក្នុងចន្លោះ 25~50% រៀងរាល់2~5នាទី ប៉ុន្តែ មិនត្រូវអោយលើសពី 2.0μg/kg/នាទីនោះទេ។ ករណីការសណ្ដំកម្រិតស្រាល អាចបន្ថែមការចាក់ឱសថនេះក្នុងកម្រិត0.5~1.0μg/kg (កម្រិតនៃRemifentanil) ក្នុងសរសៃវ៉ែន រៀងរាល់2~5នាទី។

      ・ចំពោះកុមារអាយុចាប់ពី1ឆ្នាំឡើងទៅ ត្រូវប្រើឱសថនេះរួមជាមួយឱសថសណ្ដំផ្សេងទៀតជានិច្ច ដោយប្រើក្នុងកម្រិតដូចខាងក្រោម៖

      - ប្រើនៅក្នុងការរក្សាស្ថានភាពសណ្ដំ: ជាទូទៅ ប្រើដោយបញ្ចូលឱសថនេះក្នុងសរសៃវ៉ែនលក្ខណៈជាប់ឥតដាច់ក្នុងល្បឿន0.25μg/kg/នាទី (កម្រិតនៃRemifentanil)។ សម្រាប់ល្បឿននៃការបញ្ចូលឱសថនេះ ត្រូវតាមដានស្ថានភាពរាងកាយទាំងមូលរបស់អ្នកជំងឺ ដោយអាចបង្កើនល្បឿនក្នុងចន្លោះ 25~100% ឬ បន្ថយល្បឿនក្នុងចន្លោះ 25~50% រៀងរាល់2~5នាទី ប៉ុន្តែ មិនត្រូវអោយលើសពី 1.3μg/kg/នាទីនោះទេ។ ករណីការសណ្ដំកម្រិតស្រាល អាចបន្ថែមការចាក់ឱសថនេះក្នុងកម្រិត 1.0μg/kg (កម្រិតនៃRemifentanil) ក្នុងសរសៃវ៉ែន រៀងរាល់2~5នាទី។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ សារធាតុប្រភេទFentanyl។

    • ការប្រុងប្រយ័ត្នជាពិសេស

      ・ករណីមានការបន្ថែមសារធាតុGlycineនៅក្នុងឱសថនេះ មិនត្រូវប្រើទៅលើEpidural spaceឬSubarachnoid spaceនោះទេ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល