Regorafenib hydrate

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម៖

- ជំងឺមហារីកផ្នែកColonនៃពោះវៀនធំដែលកំពុងវិវត្តឬរើឡើងវិញ និង ដែលមិនអាចវះកាត់អោយជាសះស្បើយបាន។

- ជំងឺមហារីកចុងពោះវៀនធំ(Rectum)ដែលកំពុងវិវត្តឬរើឡើងវិញ និង ដែលមិនអាចវះកាត់អោយជាសះស្បើយបាន។

- ជំងឺមហារីកនៅក្រពះពោះវៀនប្រភេទGastrointestinal stromal tumor ដែលស្ថានភាពកាន់តែធ្ងន់ធ្ងរក្រោយអនុវត្តការព្យាបាលដោយគីមី។

- ជំងឺមហារីកកោសិកាថ្លើមដែលស្ថានភាពកាន់តែធ្ងន់ធ្ងរក្រោយអនុវត្តការព្យាបាលដោយគីមី និង ដែលមិនអាចវះកាត់បាន។

ថ្នាំលេប：

មនុស្សពេញវ័យ：លេប1ថ្ងៃ1ដង160mg ក្រោយបរិភោគអាហារ ជារៀងរាល់ថ្ងៃ រយៈពេល3សប្ដាហ៍។ បន្ទាប់ពីនោះ ផ្អាកការប្រើប្រាស់រយៈពេល1សប្ដាហ៍។ អនុវត្តវដ្ដនេះម្ដងហើយម្ដងទៀត។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ ។

ផលរំខានរួមមាន បណ្ដុំរោគសញ្ញាដៃនិងជើង(ឈឺក្រហមនិងហើមនៅបាតដៃនិងបាតជើង របកស្បែក ពងទឹក) រាករូស បាត់បង់ចំណង់អាហារ អស់កម្លាំង សម្លេងស្អក សម្ពាធឈាមកើនឡើង ឡើងកន្ទួលក្រហម ជ្រុះរោមឬសក់ ដំបៅក្នុងមាត់ អាការៈឈឺចាប់។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺក្រហមនិងហើមនៅបាតដៃនិងបាតជើង របកស្បែក (ពងទឹកលើស្បែកបណ្ដុំរោគសញ្ញាដៃនិងជើង)

- ភ្នែកនិងស្បែកប្រែពណ៌លឿង ក្អួតចង្អោរ (រលាកថ្លើម មុខងារថ្លើមចុះខ្សោយ ជាដើម)

- លាមកមានឈាម ក្អួតឈាម (ហូរឈាមនៅតាមប្រព័ន្ធរំលាយអាហារ ហូរឈាមក្នុងសួត ជាដើម)

- ក្ដៅខ្លួន ឈឺក្បាល ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia)

- ឈឺទ្រូង ថប់ទ្រូង ពិបាកដកដង្ហើម (ជំងឺស្ទះដោយសារកំណកឈាម ដូចជា ស្ទះឬត្បៀតសរសៃឈាមក្នុងបេះដូង)

- សម្ពាធឈាមឡើងខ្ពស់ ស្មារតីដឹងខ្លួនធ្លាក់ចុះ ឈឺក្បាល (សម្ពាធឈាមឡើងខ្ពស់ខុសប្រក្រតី(Hypertensive crisis))

- ភ្នែកក្រហម រលាត់ស្បេកនៅក្នុងមាត់ បបូរមាត់ជាដើម ឡើងកន្ទួលក្រហមនិងពងទឹកលើស្បេក ក្ដៅខ្លួន(ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(Toxic Epidermal Necrolysis, TEN) ជាដើម)

- សាច់ដុំកន្ត្រាក់ឬប្រកាច់ គំហើញរបស់ភ្នែកមានបញ្ហា បាត់បង់ស្មារតី (ជំងឺPosterior reversible encephalopathy syndrome)

- បត់ជើងឈាម ក្អួតឈាម ឈឺពោះ ហើមពោះ អាការៈខ្វះឈាម (ធ្លាយក្រពះឬពោះវៀន ជាដើម)

- ឈាមច្រមុះ តាមអញ្ចាញធ្មេញ ឬ ក្រោមស្បែក (រោគសញ្ញានៃការថយចុះចំនួនប្លាកែត)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលបង្កើនសកម្មភាពអង់ស៊ីមCYP3A4 (Phenytoin, Carbamazepine, Rifampicin, Phenobarbital, Dexamethasoneជាដើម), អាហារបំប៉នដែលមានផ្ទុកសារធាតុSt.John's Wort - អាចធ្វើអោយកំហាប់ក្នុងឈាមនៃRegorafenibថយចុះ។

・ឱសថដែលទប់ស្កាត់សកម្មភាពអង់ស៊ីមCYP3A4 (ឱសថប្រឆាំងមេរោគផ្សិតប្រភេទAzole(Ketoconazole, Fluconazole, Itraconazole, Miconazole), ឱសថប្រឆាំងបាក់តេរីប្រភេទMacrolide(Erythromycin, Clarithromycin ជាដើម), ឱសថRitonavir, ឱសថIndinavir ជាដើម), ផ្លែក្រូចថ្លុង - អាចធ្វើអោយកំហាប់ក្នុងឈាមនៃRegorafenibកើនឡើង បង្កជាផលរំខានផ្សេងៗ។

・ឱសថIrinotecan - អាចធ្វើអោយកំហាប់ក្នុងឈាមនៃIrinotecanកើនឡើង

・ឱសថដែលប្រតិកម្មជាមួយBCRP (Rosuvastatin ជាដើម) - អាចធ្វើអោយកំហាប់ក្នុងឈាមនៃឱសថទាំងនេះកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងការប្រើឱសថនេះ ត្រូវប្រុងប្រយ័ត្នជាពិសេសចំពោះផលប៉ះពាល់ទៅលើថ្លើម ព្រោះវាអាចបណ្ដាលអោយមានគ្រោះថ្នាក់ដល់ជីវិតរបស់អ្នកជំងឺ។

・ជាទូទៅ ការពិសាឱសថនេះនៅពោះទទេឬជាមួយអាហារដែលមានជាតិខ្លាញ់ច្រើនអាចធ្វើអោយកម្រិតក្នុងឈាមក៏ដូចជាប្រសិទ្ធិភាពនៃឱសថថយចុះ ដូច្នេះ គួរចៀសវាងការពិសាឱសថនៅពោះទទេនិងចៀសវាងពិសាអាហារដែលមានជាតិខ្លាញ់ច្រើនមុនពេលប្រើប្រាស់ឱសថនេះ។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

ឱសថនេះមានប្រសិទ្ធិភាពបង្អាក់សកម្មភាពរបស់អង់ស៊ីមkinaseនៅលើគ្រឿងទទួល(Receptor)និងម៉ូលេគុលផ្សេងៗនៅក្នុងកោសិកាមហារីករួមទាំង VEGFR និង PDGFR ដើម្បីទប់ស្កាត់ដំណើរការកើនចំនួននៃកោសិកាមហារីកនិងការកកើតសរសៃឈាមថ្មីៗសម្រាប់ការពង្រីកជាលិកាមហារីក។