Rabeprazole sodium + Metronidazole + Amoxicillin hydrate

ជាទូទៅ ឱសថនេះប្រើនៅក្នុងការកម្ចាត់បាក់តេរីហេលីកូបាក់ធើភីឡូរី(Helicobacter pylori) ដែលជាមូលហេតុនៃជំងឺដូចខាងក្រោម៖

ជំងឺដំបៅក្រពះឬគល់ពោះវៀនតូច(Duodenal ulcer) ជំងឺមហារីកកោសិកាទឹករងៃMALTនៅក្រពះ(Gastric MALT lymphoma) ជំងឺស្នាមជាំស្វាយលើស្បែកដោយសារប្លាកែតថយចុះលក្ខណៈមិនដឹងមូលហេតុ(Idiopathic Thrombocytopenic Purpura, ITP) ជំងឺរលាកក្រពះដោយសារបាក់តេរីហេលីកូបាក់ធើភីឡូរី(Helicobacter pylori) និង ជំងឺឆ្លងបាក់តេរីហេលីកូបាក់ធើភីឡូរី(Helicobacter pylori)នៅក្រោយពេលព្យាបាលជំងឺមហារីកក្រពះដំណាក់កាលដំបូងដោយប្រើអង់ដូស្កុប។

ថ្នាំលេប：

មនុស្សពេញវ័យ：ប្រើក្នុងកម្រិតដូចខាងក្រោមសម្រាប់1ដង 1ថ្ងៃ2ដង រយៈពេល7ថ្ងៃ：

- Rabeprazole sodium 10mg

- Metronidazole 250mg

- Amoxicillin hydrate 750mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថដូចខាងក្រោម: Atazanavir sulfate, Rilpivirine hydrochloride។

・អ្នកដែលមានជំងឺ Infectious mononucleosis។

・អ្នកដែលមានបញ្ហាតម្រងនោមកម្រិតធ្ងន់ធ្ងរ។

・អ្នកដែលមានជំងឺទាក់ទងនឹងសរីរាង្គខួរក្បាលឬខួរឆ្អឹង។

・ស្ត្រីដែលស្ថិតក្នុងអំឡុងពេល3ខែនៃការមានផ្ទៃពោះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលធ្លាប់កើតមានរោគប្រតិកម្មជាមួយនឹងឱសថប្រឆាំងបាក់តេរីប្រភេទពេនីស៊ីលីន។

・ផលរំខាននៃ Rabeprazole sodium ：ចំនួនប្លាកែតធ្លាក់ចុះ ប៉ះពាល់មុខងារថ្លើម ឡើងកន្ទួលក្រហម រាករូសឬទល់លាមក ។ល។

・ផលរំខាននៃ Amoxicillin hydrate ：រាករូស ជីវ្ហាវិញាណខុសប្រក្រតី ក្ដៅខ្លួន។ល។

・ផលរំខាននៃ Metronidazole：ឡើងកន្ទួលក្រហម ច្រាំងអណ្ដាត ចង់ក្អួត គ្រាប់ឈាមសធ្លាក់ចុះ ក្ដៅខ្លួន ។ល។

・ប្រើនៅក្នុងការកម្ចាត់បាក់តេរី ហេលីកូបាក់តា ភីឡូរី (Helicobacter pylori) ក្នុងក្រពះ ជាលើកទីពីរ។

ក្រៅពីសកម្មភាពទប់ស្កាត់ដំណើរការសំយោគភ្នាសក្រៅនៃកោសិកាបាក់តេរី ឱសថនេះក៏មានសកម្មភាពទប់ស្កាត់ការបញ្ចេញអាស៊ីតក្រពះ ធ្វើអោយpHនៅក្នុងក្រពះកើនឡើង។ ម្យ៉ាងទៀត ឱសថនេះក៏មានសកម្មភាពសម្លាប់មេរោគភីឡូរីដោយផ្ទាល់ផងដែរ។