Pyridoxal phosphate hydrate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ផលរំខាន
    • អន្តរប្រតិកម្ម
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - ជំងឺដែលអាចទាក់ទងនឹងការខ្វះឬមេតាបូលីសខុសប្រក្រតីនៃវីតាមីនបេ6នៅក្នុងរាងកាយ រួមមាន ៖ រលាកគែមបបូរមាត់ រលាកបបូរមាត់ រលាកអណ្ដាត ដំបៅក្នុងមាត់ រលាកស្បែកដោយសារការប៉ះពាល់ ស្បែកឡើងកន្ទួលក្រហមលក្ខណៈស្រួចស្រាវឬរ៉ាំរ៉ៃ ស្បែកឡើងកន្ទួលក្រហមដោយសារការបញ្ចេញខ្លាញ់ច្រើន(Seborrheic eczema) ជំងឺរលាកស្បែកអាតូភី(Atopic dermatitis) រលាកសរសៃប្រសាទនៅតាមអវៈយវៈ មុនលើស្បែក រោគសញ្ញានៃផលប៉ះពាល់ពីវិទ្យុសកម្ម។

      - បំពេញតម្រូវការវីតាមីនបេ6 (Vitamin B6)នៅក្នុងរាងកាយ សម្រាប់អ្នកដែលស្ថិតក្នុងស្ថានភាពដូចជា មានជំងឺដែលធ្វើអោយរាងកាយអស់ថាមពលច្រើន ស្ត្រីមានផ្ទៃពោះ ស្ត្រីបំបៅដោះកូន។ល។

      - ជំងឺដែលពឹងផ្អែកលើវីតាមីនបេ6 (ជំងឺខ្វះឈាមដោយសារកង្វះវីតាមីនបេ6 ជាដើម)

      - បង្ការ និង ព្យាបាលជំងឺខ្វះវីតាមីនបេ6 (Vitamin B6) រួមទាំងករណីជាផលរំខាននៃការប្រើប្រាស់ឱសថផ្សេងៗ ដូចជា ឱសថIsoniazidជាដើមផងដែរ។

    • កម្រិតប្រើប្រាស់

      ករណីថ្នាំលេប:

      មនុស្សពេញវ័យ:លេប1ថ្ងៃ10~60mg បែងចែកជា1~3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំចាក់:

      មនុស្សពេញវ័យ:ប្រើ1ដង 5~60mg បែងចែកជា1~2ដងក្នុង1ថ្ងៃ ចាក់ក្រោមស្បែក ឬ ក្នុងសាច់ដុំ ឬ តាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ផលរំខាន

      ផលរំខានរួមមាន អាការៈប្រតិកម្មដូចជាឡើងកន្ទួលក្រហម។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ឈឺសាច់ដុំនៅដៃជើង ស្មា ចង្កេះជាដើម សាច់ដុំស្ពឹករឹង រួយខ្លួន គ្មានកម្លាំងនៅដៃជើង ទឹកនោមមានពណ៌ក្រហមត្នោត ( ជំងឺRhabdomyolysis)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថLevodopa - អាចធ្វើអោយសកម្មភាពនៃLevodopaថយចុះ។

    • សកម្មភាពឱសថ

      ឱសថនេះមានតួនាទីជាកូអង់ស៊ីម(Coenzyme) ដែលចូលរួមធ្វើសកម្មភាពជាមួយនឹងអង់ស៊ីមជាច្រើននៅក្នុងរាងកាយ មានដូចជា អង់ស៊ីមTransaminase, អង់ស៊ីមKynureninase, អង់ស៊ីមAminoacid decarboxylase, អង់ស៊ីមDehydrase, អង់ស៊ីមMonoamine oxidase, អង់ស៊ីមHistaminase ជាដើម។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp