Pyridoxal phosphate hydrate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺដែលអាចទាក់ទងនឹងការខ្វះឬមេតាបូលីសខុសប្រក្រតីនៃវីតាមីនបេ6នៅក្នុងរាងកាយ រួមមាន ៖ រលាកគែមបបូរមាត់ រលាកបបូរមាត់ រលាកអណ្ដាត ដំបៅក្នុងមាត់ រលាកស្បែកដោយសារការប៉ះពាល់ ស្បែកឡើងកន្ទួលក្រហមលក្ខណៈស្រួចស្រាវឬរ៉ាំរ៉ៃ ស្បែកឡើងកន្ទួលក្រហមដោយសារការបញ្ចេញខ្លាញ់ច្រើន(Seborrheic eczema) ជំងឺរលាកស្បែកអាតូភី(Atopic dermatitis) រលាកសរសៃប្រសាទនៅតាមអវៈយវៈ មុនលើស្បែក រោគសញ្ញានៃផលប៉ះពាល់ពីវិទ្យុសកម្ម។

- បំពេញតម្រូវការវីតាមីនបេ6 (Vitamin B6)នៅក្នុងរាងកាយ សម្រាប់អ្នកដែលស្ថិតក្នុងស្ថានភាពដូចជា មានជំងឺដែលធ្វើអោយរាងកាយអស់ថាមពលច្រើន ស្ត្រីមានផ្ទៃពោះ ស្ត្រីបំបៅដោះកូន។ល។

- ជំងឺដែលពឹងផ្អែកលើវីតាមីនបេ6 (ជំងឺខ្វះឈាមដោយសារកង្វះវីតាមីនបេ6 ជាដើម)

- បង្ការ និង ព្យាបាលជំងឺខ្វះវីតាមីនបេ6 (Vitamin B6) រួមទាំងករណីជាផលរំខាននៃការប្រើប្រាស់ឱសថផ្សេងៗ ដូចជា ឱសថIsoniazidជាដើមផងដែរ។

ករណីថ្នាំលេប：

មនុស្សពេញវ័យ：លេប1ថ្ងៃ10～60mg បែងចែកជា1～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

មនុស្សពេញវ័យ：ប្រើ1ដង 5～60mg បែងចែកជា1～2ដងក្នុង1ថ្ងៃ ចាក់ក្រោមស្បែក ឬ ក្នុងសាច់ដុំ ឬ តាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ផលរំខានរួមមាន អាការៈប្រតិកម្មដូចជាឡើងកន្ទួលក្រហម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺសាច់ដុំនៅដៃជើង ស្មា ចង្កេះជាដើម សាច់ដុំស្ពឹករឹង រួយខ្លួន គ្មានកម្លាំងនៅដៃជើង ទឹកនោមមានពណ៌ក្រហមត្នោត ( ជំងឺRhabdomyolysis)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថLevodopa - អាចធ្វើអោយសកម្មភាពនៃLevodopaថយចុះ។

ឱសថនេះមានតួនាទីជាកូអង់ស៊ីម(Coenzyme) ដែលចូលរួមធ្វើសកម្មភាពជាមួយនឹងអង់ស៊ីមជាច្រើននៅក្នុងរាងកាយ មានដូចជា អង់ស៊ីមTransaminase, អង់ស៊ីមKynureninase, អង់ស៊ីមAminoacid decarboxylase, អង់ស៊ីមDehydrase, អង់ស៊ីមMonoamine oxidase, អង់ស៊ីមHistaminase ជាដើម។