Purified sodium hyaluronate

ករណីថ្នាំចាក់ក្នុងសន្លាក់：

ជាទូទៅ ឱសថនេះប្រើនៅក្នុងការបំបាត់អាការៈនៅក្នុងជំងឺដូចខាងក្រោម៖

- ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis)

- ជំងឺរលាកនៅជុំវិញសន្លាក់ស្មា(Shoulder periarthritis)

- អាការៈឈឺចាប់នៅសន្លាក់ជង្គង់នៅក្នុងជំងឺរលាកសន្លាក់រូម៉ាទីស (Rheumatoid arthritis) (ក្នុងករណីមានគ្រប់ល័ក្ខខ័ណ្ឌដូចខាងក្រោមតែប៉ុណ្ណោះ):

(1) ករណីដែលគេអាចគ្រប់គ្រងស្ថានភាពរោគសញ្ញាពេញរាងកាយនៃជំងឺនេះបានដោយប្រើឱសថប្រឆាំងជំងឺរូម៉ាទីស លើកលែងតែអាការៈឈឺសន្លាក់ជង្គង់។

(2) ករណីដែលរោគសញ្ញារលាកក្នុងរាងកាយបង្ហាញកម្រិតCRPចាប់ពី10mg/dLចុះ។

(3) រោគសញ្ញានៅសន្លាក់ជង្គង់មានកម្រិតស្រាលទៅកម្រិតមធ្យម។

(4) សន្លាក់ជង្គង់ស្ថិតក្នុងស្ថានភាពពីកម្រិត I ដល់កម្រិត III យោងទៅតាមវិធីបែងចែកកម្រិតLarsen grade ផ្អែកលើការថតកាំរស្មីអ៊ិច។

ករណីថ្នាំបន្តក់ភ្នែក：

ជាទូទៅ ឱសថនេះប្រើនៅក្នុងការព្យាបាលបញ្ហាខូចខាតនៅស្រទាប់លើនៃកញ្ចក់ភ្នែក(Corneal epithelium)ដែលកើតមាននៅក្នុងជំងឺដូចខាងក្រោម៖

- ជំងឺដែលមានមូលហេតុពីខាងក្នុងរាងកាយ ដូចជា បណ្ដុំរោគសញ្ញាសេហ្គ្រេន(Sjogren's syndrome) បណ្ដុំរោគសញ្ញាស្ទេវិនចនសាន់(Stevens-Johnson syndrome, SJS) បណ្ដុំរោគសញ្ញាស្ងួតគ្រាប់ភ្នែក(Xerophthalmia) ជាដើម។

- ជំងឺដែលមានមូលហេតុពីខាងក្រៅរាងកាយ ដូចជា ក្រោយការវះកាត់ ឬ បណ្ដាលមកពីការប្រើឱសថ ឬ ដោយសាររបួសពីខាងក្រៅ ឬ ដោយសារការប្រើកញ្ចក់ភ្នែកសិប្បនិម្មិត(Contact lens) ជាដើម។

ករណីថ្នាំប្រើក្នុងពេលវះកាត់ភ្នែក：

ជាទូទៅ គេប្រើឱសថនេះជាជំនួយនៅក្នុងពេលវះកាត់ភ្នែក ដូចជា ការវះកាត់ភ្នែកឡើងបាយ ការវះកាត់បញ្ចូលកែវក្នុងភ្នែក(Intraocular lens implantation) និង ការវះកាត់ផ្លាស់ប្ដូរកញ្ចក់ភ្នែកគ្រប់ស្រទាប់(Penetrating keratoplasty)។

ករណីថ្នាំចាក់ក្នុងសន្លាក់：

・ករណីជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) និង ជំងឺរលាកនៅជុំវិញសន្លាក់ស្មា(Shoulder periarthritis):

មនុស្សពេញវ័យ ប្រើក្នុងកម្រិត1ដង25mg ដោយចាក់ចូលទៅក្នុងចន្លោះនៃសន្លាក់ជង្គង់ឬសន្លាក់ស្មា(ផ្នែកShoulder joint cavity ឬ ផ្នែកSubacromial bursa ឬ ផ្នែកLong head of biceps tendon (LHB)) រៀងរាល់1សប្ដាហ៍ម្ដង រយៈពេល5ដងជាប់ៗគ្នា។ អាចបង្កើនឬបន្ថយចំនួនដងនៃការចាក់ទៅតាមរោគសញ្ញា។ ចំពោះជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) បន្ទាប់ពីនោះ អាចប្រើរៀងរាល់2～4សប្ដាហ៍ ដើម្បីរក្សាស្ថានភាពជំងឺ។

・ករណីអាការៈឈឺចាប់នៅសន្លាក់ជង្គង់នៅក្នុងជំងឺរលាកសន្លាក់រូម៉ាទីស (Rheumatoid arthritis):

មនុស្សពេញវ័យ ប្រើក្នុងកម្រិត1ដង25mg ដោយចាក់ចូលទៅក្នុងចន្លោះនៃសន្លាក់ជង្គង់ រៀងរាល់1សប្ដាហ៍ម្ដង រយៈពេល5ដងជាប់ៗគ្នា។

ករណីថ្នាំបន្តក់ភ្នែក (0.1% និង 0.3%)：

ប្រើ1ដង1តំណក់ 1ថ្ងៃ5～6ដង ដោយបន្តក់ចូលទៅក្នុងភ្នែក។ អាចបង្កើនឬបន្ថយការប្រើប្រាស់ទៅតាមរោគសញ្ញា។ ជាទូទៅ គេប្រើក្នុងកំហាប់0.1% ហើយចំពោះករណីប្រសិទ្ធិភាពមិនគ្រប់គ្រាន់ដោយសាររោគសញ្ញាធ្ងន់ធ្ងរជាដើម គេប្រើក្នុងកំហាប់0.3%។

ករណីថ្នាំប្រើក្នុងពេលវះកាត់ភ្នែក：

ចំពោះឱសថកំហាប់1%：

・ករណីអនុវត្តការវះកាត់ភ្នែកឡើងបាយនិងការវះកាត់បញ្ចូលកែវក្នុងភ្នែក(Intraocular lens implantation)បន្តបន្ទាប់គ្នា ជាទូទៅ គេចាក់បញ្ចូលបរិមាណ0.4～1.0mLទៅក្នុងផ្នែកAnterior chamber។ ហើយប្រើបរិមាណប្រហែល0.1mLដើម្បីគ្របដណ្ដប់(Coating)លើកែវភ្នែក។

・ករណីអនុវត្តការវះកាត់ភ្នែកឡើងបាយ ឬ ការវះកាត់បញ្ចូលកែវក្នុងភ្នែក(Intraocular lens implantation)តែមួយមុខ ត្រូវប្រើតាមរបៀបដូចខាងក្រោម៖

- ការវះកាត់ភ្នែកឡើងបាយ: ជាទូទៅ គេចាក់បញ្ចូលបរិមាណ0.1～0.6mLទៅក្នុងផ្នែកAnterior chamber។

- ការវះកាត់បញ្ចូលកែវក្នុងភ្នែក(Intraocular lens implantation):ជាទូទៅ គេចាក់បញ្ចូលបរិមាណ0.1～0.5mLទៅក្នុងផ្នែកAnterior chamber មនុវនឹងបញ្ចូលកែវក្នុងភ្នែក។ ហើយប្រើបរិមាណប្រហែល0.1mLដើម្បីគ្របដណ្ដប់(Coating)លើកែវភ្នែក។

・ករណីអនុវត្តការវះកាត់ផ្លាស់ប្ដូរកញ្ចក់ភ្នែកគ្រប់ស្រទាប់(Penetrating keratoplasty): ជាទូទៅ គេចាក់បញ្ចូលបរិមាណ0.1～0.5mLទៅក្នុងផ្នែកAnterior chamber បន្ទាប់ពីយកចេញនូវបន្ទះកញ្ចក់ភ្នែកនៅភ្នែកដែលត្រូវវះកាត់។ បន្ទាប់មក គេដាក់កញ្ចក់ភ្នែកថ្មីសម្រាប់ផ្លាស់ប្ដូរនៅពីលើឱសថនេះ រួចធ្វើការដេរភ្ជាប់។ ហើយប្រើបរិមាណប្រហែល0.1mLដើម្បីគ្របដណ្ដប់(Coating)លើកញ្ចក់ភ្នែកដែលទើបផ្លាស់ប្ដូររួច។

ចំពោះឱសថកំហាប់2.3%：

・ករណីអនុវត្តការវះកាត់ភ្នែកឡើងបាយនិងការវះកាត់បញ្ចូលកែវក្នុងភ្នែក(Intraocular lens implantation)បន្តបន្ទាប់គ្នា ជាទូទៅ គេចាក់បញ្ចូលបរិមាណ0.3～0.6mLទៅក្នុងផ្នែកAnterior chamber។ ហើយប្រើបរិមាណប្រហែល0.1mLដើម្បីគ្របដណ្ដប់(Coating)លើកែវភ្នែក ប្រសិនបើចាំបាច់។

・ករណីអនុវត្តការវះកាត់ភ្នែកឡើងបាយ ឬ ការវះកាត់បញ្ចូលកែវក្នុងភ្នែក(Intraocular lens implantation)តែមួយមុខ ត្រូវប្រើតាមរបៀបដូចខាងក្រោម៖

- ការវះកាត់ភ្នែកឡើងបាយ: ជាទូទៅ គេចាក់បញ្ចូលបរិមាណ0.1～0.3mLទៅក្នុងផ្នែកAnterior chamber។

- ការវះកាត់បញ្ចូលកែវក្នុងភ្នែក(Intraocular lens implantation):ជាទូទៅ គេចាក់បញ្ចូលបរិមាណ0.1～0.4mLទៅក្នុងផ្នែកAnterior chamber មនុវនឹងបញ្ចូលកែវក្នុងភ្នែក។ ហើយប្រើបរិមាណប្រហែល0.1mLដើម្បីគ្របដណ្ដប់(Coating)លើកែវភ្នែក ប្រសិនបើចាំបាច់។

ករណីថ្នាំចាក់ក្នុងសន្លាក់：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំប្រើក្នុងពេលវះកាត់ភ្នែក：

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រភេទប្រូតេអ៊ីន។

・អ្នកដែលមានជំងឺក្លូកូម(Glaucoma) ឬ រោគសញ្ញានៃសម្ពាធក្នុងភ្នែកកើនឡើងខ្ពស់។ (ចំពោះករណីឱសថកំហាប់2.3%ប៉ុណ្ណោះ)។