Propranolol hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

＜ប្រភេទរយៈពេលសកម្មភាពវែង (LA)＞

- ជំងឺលើសសម្ពាធឈាមដែលគ្មានជំងឺផ្សេងជាដើមហេតុ (កម្រិតស្រាល～កម្រិតមធ្យម)

- ជំងឺត្បៀតសរសៃឈាមក្នុងបេះដូង(Angina pectoris)

＜ប្រភេទរយៈពេលសកម្មភាពធម្មតា＞

- ជំងឺលើសសម្ពាធឈាមដែលគ្មានជំងឺផ្សេងជាដើមហេតុ (កម្រិតស្រាល～កម្រិតមធ្យម)

- ជំងឺត្បៀតសរសៃឈាមក្នុងបេះដូង(Angina pectoris)

- នៅពេលធ្វើការវះកាត់ជំងឺមហារីកPheochromocytoma

- ជំងឺបេះដូងកន្ត្រាក់ខុសចង្វាក់(Extrasystole) (នៅផ្នែកខាងលើថតក្រោម ឬ នៅថតក្រោមនៃបេះដូង)

- បង្ការអាការៈកន្ត្រាក់ញាប់នៃបេះដូងដែលកើតឡើងម្ដងៗ(Paroxysmal tachycardia)

- ជំងឺញ័រថតខាងលើនៃបេះដូង(Atrial fibrillation)លក្ខណៈចង្វាក់បេះដូងកើនឡើង

- ជំងឺចង្វាក់បេះដូងកើនឡើងដោយសារបញ្ហាបញ្ជូនសញ្ញា(Sinus tachycardia)

- អាការៈញ័រថតខាងលើនៃបេះដូងដែលទើបកើតឡើងថ្មីៗ

- បង្ការអាការៈញ័រថតខាងលើនៃបេះដូងដែលកើតឡើងម្ដងៗ(Paroxysmal atrial fibrillation)

- បង្ការការកើតមានអាការៈប្រកាំង(Migraine)

- បង្ការការកើតមានអាការៈខ្វះអុកស៊ីសែនដោយសារការត្បៀតនៃផ្លូវចេញពីថតក្រោមខាងស្ដាំ។

- ជំងឺហើមសរសៃឈាមនៅទារក (Infantile haemangiomaឬCherry hemangioma)។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺត្បៀតសរសៃឈាមក្នុងបេះដូង(Angina pectoris)

- នៅពេលធ្វើការវះកាត់ជំងឺមហារីកPheochromocytoma

- ជំងឺបេះដូងកន្ត្រាក់ខុសចង្វាក់(Extrasystole) (នៅផ្នែកខាងលើថតក្រោម ឬ នៅថតក្រោមនៃបេះដូង)

- អាការៈកន្ត្រាក់ញាប់នៃបេះដូងដែលកើតឡើងម្ដងៗ(Paroxysmal tachycardia)

- ជំងឺញ័រថតខាងលើនៃបេះដូង(Atrial fibrillation)លក្ខណៈចង្វាក់បេះដូងកើនឡើង

- ជំងឺចង្វាក់បេះដូងកើនឡើងដោយសារបញ្ហាបញ្ជូនសញ្ញា(Sinus tachycardia)

- អាការៈញ័រថតខាងលើនៃបេះដូងដែលទើបកើតឡើងថ្មីៗ

-អាការៈនៃចង្វាក់បេះដូងខុសប្រក្រតីដោយសារការអនុវត្តការសណ្ដំឬធ្វើអោយស្ពឹក។

ករណីថ្នាំលេប：

＜ប្រភេទរយៈពេលសកម្មភាពវែង (LA)＞

ករណីប្រើឱសថនេះក្នុងកម្រិត1ថ្ងៃក្រោម60mg មិនមានប្រសិទ្ធិភាព អាចប្រើក្នុងកម្រិតដូចខាងក្រោម：

・ ជំងឺលើសសម្ពាធឈាមដែលគ្មានជំងឺផ្សេងជាដើមហេតុ (កម្រិតស្រាល～កម្រិតមធ្យម)：

មនុស្សពេញវ័យ：លេប1ថ្ងៃ1ដង60mg។ អាចបង្កើនកម្រិតដល់1ថ្ងៃ1ដង120mg ទៅតាមរោគសញ្ញា។

・ជំងឺត្បៀតសរសៃឈាមក្នុងបេះដូង(Angina pectoris)：

មនុស្សពេញវ័យ：លេប1ថ្ងៃ1ដង60mg។

＜ប្រភេទរយៈពេលសកម្មភាពធម្មតា＞

・ករណីជំងឺលើសសម្ពាធឈាមដែលគ្មានជំងឺផ្សេងជាដើមហេតុ(កម្រិតស្រាល～មធ្យម)：

មនុស្សពេញវ័យ：ចាប់ផ្ដើមលេបពី1ថ្ងៃ30～60mg បែងចែកជា3ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ថ្ងៃ120mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីជំងឺត្បៀតសរសៃឈាមបេះដូង និង ករណីប្រើនៅពេលធ្វើការវះកាត់ជំងឺមហារីកPheochromocytoma：

មនុស្សពេញវ័យ：ចាប់ផ្ដើមលេបពី1ថ្ងៃ30mg បែងចែកជា3ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ថ្ងៃ60mgឬ90mg បែងចែកជា3ដងក្នុង1ថ្ងៃ។

・ករណីជំងឺទាក់ទងនឹងចង្វាក់បេះដូង：

- មនុស្សពេញវ័យ：ចាប់ផ្ដើមលេបពីកម្រិត1ថ្ងៃ30mg បែងចែកជា3ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតបន្តិចម្ដងៗ រហូតដល់1ថ្ងៃ60mgឬ90mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：ចាប់ផ្ដើមលេបពីកម្រិត1ថ្ងៃ0.5～2mg/kg បែងចែកជា3～4ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតបន្តិចម្ដងៗ រហូតដល់1ថ្ងៃ4mg/kg ប៉ុន្តែ កម្រិតអតិបរមាប្រើក្នុង1ថ្ងៃគឺ90mg។

・ករណីបង្ការការកើតមានអាការៈប្រកាំង(Migraine)：

មនុស្សពេញវ័យ：ចាប់ផ្ដើមលេបពីកម្រិត 1ថ្ងៃ 20～30mg បែងចែកជា2～3ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតបន្តិចម្ដងៗរហូតដល់60mg បែងចែកជា2～3ដងក្នុង1ថ្ងៃ។

・ករណីបង្ការការកើតមានអាការៈខ្វះអុកស៊ីសែនដោយសារការត្បៀតនៃផ្លូវចេញពីថតក្រោមខាងស្ដាំ：

ទារក：ចាប់ផ្ដើមលេបពីកម្រិត 1ថ្ងៃ0.5～2mg/kg បែងចែកជា3～4ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតបន្តិចម្ដងៗរហូតដល់1ថ្ងៃ4mg/kg បែងចែកជា3～4ដងក្នុង1ថ្ងៃ។

・ករណីជំងឺហើមសរសៃឈាមនៅទារក (Infantile haemangiomaឬCherry hemangioma)：

ទារក：លេប1ថ្ងៃ 1mg/kg～3mg/kg បែងចែកជា2ដងក្នុង1ថ្ងៃ ចៀសវាងប្រើនៅពេលពោះទទេ។។ ចាប់ផ្ដើមប្រើពីកម្រិត1ថ្ងៃ 1mg/kg រយៈពេល2ថ្ងៃឬច្រើនជាងនេះ មុននឹងបង្កើនកម្រិតបន្តិចម្ដងៗ រហូតដល់កម្រិតប្រើជាប្រចាំគឺ1ថ្ងៃ3mg/kg ប៉ុន្តែ អាចបន្ថយកម្រិតប្រើប្រាស់ទៅតាមរោគសញ្ញា។

ករណីថ្នាំចាក់：

មនុស្សពេញវ័យ：ប្រើ1ដង2～10mg ចាក់តាមសរសៃវ៉ែនដោយយឺតៗ។ នៅពេលអនុវត្តការសណ្តំ ប្រើ1ដង1～5mg ចាក់តាមសរសៃវ៉ែនដោយយឺតៗ។ អាចបង្កើនឬបន្ថយកម្រិតប្រើប្រាស់ទៅតាមអាយុរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺហឺត ឬ អ្នកដែលអាចនឹងកើតមានអាការៈកន្ត្រាក់ទងសួត។

・អ្នកដែលកំពុងមានរោគសញ្ញានៃការកើនឡើងសារធាតុកេតូននៅក្នុងរាងកាយ(Ketosis)ដោយសារជំងឺទឹកនោមផ្អែម ឬ រោគសញ្ញានៃការកើនឡើងកម្រិតអាស៊ីតនៅក្នុងឈាមដោយសារមេតាបូលីស(Metabolic acidosis)។

・អ្នកដែលកំពុងមានរោគសញ្ញានៃជីពចរចុះខ្សោយឬមានបញ្ហាទាក់ទងនឹងការបញ្ជូនសញ្ញាក្នុងបេះដូង។

・អ្នកដែលកំពុងមានអាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock)។

・អ្នកដែលមានជំងឺខ្សោយមុខងារថតខាងស្ដាំនៃបេះដូងដោយសារជំងឺលើសសម្ពាធឈាមក្នុងអាកទែរសួត។

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​។

・អ្នកដែលមានជំងឺសម្ពាធឈាមទាប។

・អ្នកដែលស្ថិតក្នុងស្ថានភាពមិនបរិភោគអាហាររយៈពេលវែង។

・អ្នកដែលមានបញ្ហាទាក់ទងនឹងចរន្តឈាមធ្ងន់ធ្ងរ (អាការៈរលួយដោយសារការស្លាប់កោសិកា ជាដើម)។

・អ្នកជំងឺមហារីកPheochromocytomaដែលមិនទាន់ទទួលការព្យាបាល។

・ជំងឺត្បៀតសរសៃឈាមក្នុងបេះដូងទម្រង់ខុសប្លែក(Variant angina)។

・អ្នកដែលកំពុងប្រើប្រាស់ឱសថRizatriptan benzoate។

ផលរំខានរួមមាន ជីពចរដើរយឺត វិលមុខ ស្រវាំងភ្នែក មិនសូវមានទឹកភ្នែក ឡើងកន្ទួលក្រហម រមាស់ស្បែក ស្នាមក្រហមលើស្បែក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ដង្ហក់ ពិបាកដកដង្ហើម ឈឺទ្រូង ថប់ទ្រូង ហើមពេញខ្លួន (ជំងឺខ្សោយបេះដូង(Heart failure))

- ជីពចរខ្សោយ ចង្វាក់បេះដូងខុសប្រក្រតី វិលមុខ បាត់បង់ស្មារតី (ជំងឺស្ទះការបញ្ជូនសញ្ញារវាងថតលើនិងថតក្រោមនៃបេះដូង(Atrioventricular block))

- ងងឹតមុខ វិលមុខ បាត់បង់ស្មារតី (ជំងឺសម្ពាធឈាមធ្លាក់ចុះទាបពេលក្រោកឈរ)

- ដង្ហក់ ពិបាកដកដង្ហើម សម្លេងដកដង្ហើមខុសប្រក្រតី (ទងសួតកន្ត្រាក់ ។ល។)

- ឈាមច្រមុះឬតាមអញ្ចាញធ្មេញ ស្នាមជាំស្វាយលើស្បែក (រោគសញ្ញានៃការថយចុះចំនួនប្លាកែត)។

・ឱសថRizatriptan benzoate - អាចធ្វើអោយសកម្មភាពនៃឱសថRizatriptan benzoateកើនឡើង។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលមានសកម្មភាពទប់ស្កាត់ប្រព័ន្ធភ្ញោចសរសៃប្រសាទ(The sympathetic nervous system) (ឱសថReserpine, ឱសថប្រភេទBeta-blockersរួមទាំងថ្នាំបន្តក់ភ្នែក ជាដើម) - អាចបង្កើនសកម្មភាពទប់ស្កាត់ប្រព័ន្ធភ្ញោចសរសៃប្រសាទ ធ្វើអោយប៉ះពាល់ដល់មុខងារបេះដូង។

・ឱសថបញ្ចុះជាតិស្ករក្នុងឈាម - អាចបង្កើនសកម្មភាពបញ្ចុះជាតិស្ករក្នុងឈាម។

・ឱសថប្រភេទCalcium antagonists (Verapamil, Diltiazem, Nifedipine ជាដើម) - អាចធ្វើអោយប៉ះពាល់ដល់មុខងារបេះដូង។

・ឱសថClonidine - អាចកើតមានអាការៈដូចជាសម្ពាធឈាមកើនឡើង ឈឹក្បាលបន្ទាប់ពីឈប់ប្រើឱសថClonidine។

・ឱសថព្យាបាលជំងឺទាក់ទងនឹងចង្វាក់បេះដូង(Disopyramide, Procainamide, Ajmaline, Amiodarone ជាដើម) - អាចធ្វើអោយប៉ះពាល់ដល់មុខងារបេះដូង។

・ឱសថដែលមានសកម្មភាពភ្ញោចប្រព័ន្ធសរសៃប្រសាទ(Adrenalin ជាដើម) - អាចធ្វើអោយប្រសិទ្ធិភាពនៃឱសថទាំងសងខាងថយចុះ។

・ថ្នាំស្ពឹក(Sevoflurane ជាដើម) - អាចធ្វើអោយសម្ពាធឈាមធ្លាក់ចុះទាប។

・ឱសថLidocaine - អាចធ្វើអោយកំហាប់ក្នុងឈាមនៃLidocaineកើនឡើង។

・ឱសថDigoxin, ឱសថDigitoxin - អាចធ្វើអោយប៉ះពាល់ដល់មុខងារបេះដូង។

・ឱសថCimetidine, ឱសថHydralazine, ឱសថQuinidine, ឱសថPropafenone - អាចធ្វើអោយកំហាប់ក្នុងឈាមនៃPropranololកើនឡើង បង្កជាផលរំខានផ្សេងៗ។

・ឱសថChlorpromazine - អាចធ្វើអោយសកម្មភាពនៃឱសថទាំងសងខាងកើនឡើង។

・ឱសថប្រភេទErgotamine - អាចធ្វើអោយកើតមានផលរំខានដូចជាឈឺ ត្រជាក់នៅជើង ជាដើម។

・ឱសថបញ្ចុះកម្ដៅនិងបំបាត់ការឈឺចាប់ប្រភេទNSAIDs(Indometacin ជាដើម) - អាចធ្វើអោយប្រសិទ្ធិភាពបញ្ចុះសម្ពាធឈាមថយចុះ។

・គ្រឿងស្រវឹង - អាចធ្វើអោយកំហាប់ក្នុងឈាមនៃPropranololប្រែប្រួល។

・ឱសថRifampicin - អាចធ្វើអោយកំហាប់ក្នុងឈាមនៃPropranololថយចុះ។

・ឱសថWarfarin - អាចធ្វើអោយកំហាប់ក្នុងឈាមនៃWarfarinកើនឡើង បង្កជាផលរំខានផ្សេងៗ។

・ឱសថFingolimod - អាចធ្វើអោយប៉ះពាល់ដល់មុខងារបេះដូង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះសារធាតុឱសថអាចធ្វើអោយប៉ះពាល់ដល់ការលូតលាស់របស់ទារក។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះអាចធ្វើអោយសម្ពាធឈាមធ្លាក់ចុះបង្កជាអាការៈវិលមុខជាដើម ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

・គ្រឿងស្រវឹងអាចធ្វើអោយប្រសិទ្ធិភាពនៃឱសថនេះប្រែប្រួល ដូច្នេះ គួរចៀសវាងពិសាគ្រឿងស្រវឹងក្នុងអំឡុងពេលប្រើប្រាស់ឱសថនេះ។

ឱសថនេះមានប្រសិទ្ធិភាពភ្ជាប់ទៅនឹងគ្រឿងទទួលបេតា(Beta receptor)ដើម្បីទប់ស្កាត់ការភ្ញោចពីសារធាតុCatecholamineនៅក្នុងបេះដូងធ្វើអោយបរិមាណឈាមនិងចំនួនដងនៃការច្របាច់បេះដូងថយចុះ ជាលទ្ធផល ឱសថនេះមានប្រសិទ្ធិភាពបញ្ចុះសម្ពាធឈាមនិងបន្ថយបន្ទុកទៅលើបេះដូង។