Progesterone

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺរាំងរដូវ

- អាការៈឈឺចាប់និងរោគសញ្ញាផ្សេងៗនៅពេលមករដូវ

- ជំងឺធ្លាក់ឈាមពីស្បូនដោយសារអតុល្យភាពអរម៉ូន

- ជំងឺគ្មានកូនដោយសារខ្សោយមុខងារអង្គលឿង

- អាការៈងាយរលូតកូន(Threatened miscarriage)ឬកូនកើតមុនខែ

- ជំងឺរលូតកូនឬកូនកើតមិនគ្រប់ខែជាបន្តបន្ទាប់។

ករណីថ្នាំសុលតាមទ្វារមាស：

ជាទូទៅ ឱសថនេះប្រើដើម្បីជួយបំពេញមុខងារអង្គលឿងនៅក្នុងការអនុវត្តបច្ចេកទេសបង្កកំណើតក្រៅស្បូន(Assisted ReproductiveTechnology, ART) ។

ករណីថ្នាំចាក់：

មនុស្សពេញវ័យ：ប្រើ1ថ្ងៃ10～50mg ដោយបែងចែកជា1～2ដងក្នុង1ថ្ងៃ ចាក់ក្នុងសាច់ដុំ។

ករណីសុលតាមទ្វារមាស：

ប្រើ1ដង100mg 1ថ្ងៃ2~3ដង សុលតាមទ្វារមាស ចាប់ពីថ្ងៃបញ្ចេញមេជីវិតញី ( ឬ នៅពេលដែលភ្នាសក្នុងស្បូនឡើងក្រាស់គ្រប់គ្រាន់ដោយសារការប្រើឱសថEstrogenនៅក្នុងបច្ចេកទេសបញ្ចូលស៊ុតបង្កកំណើត) រហូតដល់រយៈពេល10សប្ដាហ៍យ៉ាងយូរ(ឬការមានផ្ទៃពោះរយៈពេល12សប្ដាហ៍)។

ករណីថ្នាំចាក់：

・អ្នកដែលមានជំងឺថ្លើមឬបញ្ហាថ្លើមធ្ងន់ធ្ងរ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ (លើកលែងអ្នកដែលមានអាការៈឬជំងឺរលូតកូនឬកូនកើតមិនគ្រប់ខែ)។

・អ្នកដែលធ្លាប់កើតជំងឺរើមនៅពេលមានផ្ទៃពោះ។

ករណីថ្នាំសុលតាមទ្វារមាស：：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលធ្លាប់មានឬកំពុងសង្ស័យថាមានជំងឺមហារីកសុដន់ឬជំងឺមហារីកនៅសរីរាង្គបន្តពូជ។

・អ្នកដែលកំពុងមានអាការៈធ្លាក់ឈាមនៅប្រដាប់ភេទខុសប្រក្រតីដែលមិនទាន់ដឹងអំពីមូលហេតុពិតប្រាកដ។

・អ្នកដែលកំពុងឬធ្លាប់មានជំងឺស្ទះសរសៃឈាមវ៉ែនឬអាកទែរដោយសារកំណកឈាម ឬ ជំងឺរលាកសរសៃវ៉ែនដោយសារកំណកឈាម(Thrombophlebitis)ធ្ងន់ធ្ងរ។

・ស្ត្រីមានផ្ទៃពោះដែលកូនស្លាប់ក្នុងផ្ទៃ ឬ កូនក្រៅស្បូន។

・អ្នកដែលមានបញ្ហាថ្លើមធ្ងន់ធ្ងរ។

・អ្នកដែលមានជំងឺប៉ូហ្វីរីន(Porphyria)។

ករណីថ្នាំចាក់：

ផលរំខានរួមមាន ឡើងកន្ទួលក្រហម ហើមខ្លួន កើនទម្ងន់ ក្អួតចង្អោរ រាករូស ឈឺក្បាល ងងុយគេង ក្រហមឬឈឺចាប់ឬរឹងនៅកន្លែងចាក់។ល។

ករណីថ្នាំសុលតាមទ្វារមាស：：

ផលរំខានរួមមាន ធ្លាក់ឈាម រមាស់នៅទ្វារមាស ជំងឺឆ្លងមេរោគផ្សិតCandida ងងុយគេង ឈឺក្បាល វិលមុខ ឈឺពោះ ឡើងកន្ទួលក្រហម រមាស់ស្បែក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ហើមនិងឈឺនៅជើង ដង្ហក់ ឈឺទ្រូង ឈឺក្បាល (ជំងឺកំណកឈាម(Thrombosis))។

ករណីថ្នាំសុលតាមទ្វារមាស：：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ថ្នាំសុលតាមទ្វារមាសផ្សេងៗ (ឱសថប្រឆាំងមេរោគ ជាដើម) - អាចធ្វើអោយប្រសិទ្ធិភាពនៃឱសថProgesteroneប្រែប្រួល។

ករណីថ្នាំចាក់：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះនោះទេ លើកលែងករណីស្ត្រីដែលមានអាការៈឬជំងឺរលូតកូនឬកូនកើតមិនគ្រប់ខែ។

ករណីថ្នាំសុលតាមទ្វារមាស：：

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។

ករណីថ្នាំចាក់：

・ជាទូទៅ គេចាក់បញ្ចូលឱសថនេះតាមសាច់ដុំ។

ករណីថ្នាំសុលតាមទ្វារមាស：：

・ឱសថនេះអាចផ្ដល់ផលរំខាន ដូចជា ងងុយគេង វិលមុខ ជាដើម ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

ឱសថនេះមានទម្រង់និងសកម្មភាពដូចទៅនឹងអរម៉ូនស្ត្រីប្រូជេស្តេរ៉ូន(Progesterone)នៅក្ហុងរាងកាយ ដោយរួមមានសកម្មភាពដូចខាងក្រោម ៖

- ចូលរួមបង្កើតភ្នាសនៅខាងក្នុងស្បូនដែលឡើងក្រាស់ដោយសារអរម៉ូនស្ត្រីអេស្រ្តូជេន(Estrogen)

- ទប់ស្កាត់ការកន្ត្រាក់នៃស្បូន និង កាត់បន្ថយប្រតិកម្មនៃសាច់ដុំស្បូនទៅនឹងឥទ្ធិពលនៃអរម៉ូនOxytocin។