Procarbazine hydrochloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺមហារីកMalignant lymphoma (ជំងឺHodgkin's lymphoma ជំងឺReticulosarcoma ជំងឺLymphosarcoma)

- ប្រើរួមជាមួយឱសថប្រឆាំងមហារីកផ្សេងទៀតនៅក្នុងការព្យាបាលជំងឺមហារីកMalignant astrocytoma និង ជំងឺមហារីកOligodendroglioma។

ថ្នាំលេប：

・ជាទូទៅ មនុស្សពេញវ័យ ចាប់ផ្ដើមលេបពីកម្រិត1ថ្ងៃ50～100mg ដោយបែងចែកជា1～2ដងក្នុង1ថ្ងៃ។ បន្ទាប់ពីនោះ បង្កើនកម្រិតប្រើប្រាស់បន្តិចម្ដងៗក្នុងរយៈពេលប្រហែល1សប្ដាហ៍ រហូតដល់កម្រិត1ថ្ងៃ150～300mg បែងចែកជា3ដងក្នុង1ថ្ងៃ និង បន្តប្រើប្រាស់ក្នុងកម្រិតនេះរហូតដល់ឃើញប្រសិទ្ធិភាពនៃឱសថនេះច្បាស់លាស់។ បរិមាណសរុបនៃឱសថនេះដែលត្រូវប្រើប្រាស់នៅក្នុងការកាត់បន្ថយរោគសញ្ញានៃជំងឺមហារីកMalignant lymphoma ជាទូទៅគឺ5～7g។

・ករណីប្រើរួមជាមួយឱសថប្រឆាំងមហារីកផ្សេងទៀតនៅក្នុងការព្យាបាលជំងឺមហារីកMalignant astrocytoma និង ជំងឺមហារីកOligodendroglioma：

ជាទូទៅ ប្រើក្នុងកម្រិត1ថ្ងៃ60～70mg/m² រយៈពេល14ថ្ងៃ។ អនុវត្តបែបនេះរៀងរាល់6～8សប្ដាហ៍។

+ ករណីកម្រិតប្រើប្រាស់គណនាតាមផ្ទៃក្រឡារាងកាយតិចជាង75mg：លេបក្នុងកម្រិត1ថ្ងៃ50mg បែងចែកជា1～3ដងក្នុង1ថ្ងៃ។

+ ករណីកម្រិតប្រើប្រាស់គណនាតាមផ្ទៃក្រឡារាងកាយ75mg～ក្រោម125mg：លេបក្នុងកម្រិត1ថ្ងៃ100mg បែងចែកជា1～3ដងក្នុង1ថ្ងៃ។

+ ករណីកម្រិតប្រើប្រាស់គណនាតាមផ្ទៃក្រឡារាងកាយ125mg～ក្រោម175mg：លេបក្នុងកម្រិត1ថ្ងៃ150mg បែងចែកជា1～3ដងក្នុង1ថ្ងៃ។

・អ្នកដែលធ្លាប់មានរោគប្រតិកម្មធ្ងន់ធ្ងរដោយសារសារធាតុនៅក្នុងឱសថនេះ។

・អ្នកដែលកំពុងប្រើប្រាស់គ្រឿងស្រវឹង។

ផលរំខានរួមមាន ចង់ក្អួត មិនឃ្លានអាហារ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ដកដង្ហើមដង្ហក់ ពិបាកដកដង្ហើម ក្ដៅខ្លួន ក្អកគ្មានស្លេស្ម (ជំងឺរលាកសួតប្រភេទInterstitial pneumonia)

- រួយខ្លួន ក្ដៅខ្លួន ដង្ហក់ មានស្នាមជាំ ឈាមក្រកក ងាយហូរឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- រមួលក្រពើ ញ័រដៃជើង បាត់បង់ស្មារតី (ជំងឺប្រកាច់)។

・គ្រឿងស្រវឹង - អាចធ្វើអោយរាងកាយរបស់អ្នកជំងឺមិនអាចទប់ទល់នឹងគ្រឿងស្រវឹងបាន ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថក្នុងស្រឡាយPhenothiazine ឱសថក្នុងស្រឡាយBarbiturate ឱសថព្យាបាលជំងឺបាក់ទឹកចិត្តប្រភេទត្រាយសាយឃ្លីក(Tricyclic antidepressant) ឱសថដែលភ្ញោចប្រព័ន្ធស៊ីមប៉ាទិច(Sympathomimetic drugs) - ករណីប្រើឱសថProcarbazine hydrochlorideក្នុងកម្រិតខ្ពស់ អាចធ្វើអោយសកម្មភាពនៃឱសថទាំងនេះកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅដោះកូន។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

・ឱសថនេះអាចប៉ះពាល់ដល់មុខងារផលិតគ្រាប់ឈាមរបស់ខួរឆ្អឹងធ្ងន់ធ្ងរ ដូច្នេះ ក្នុងអំឡុងពេលប្រើឱសថនេះ អ្នកជំងឺត្រូវទទួលការពិនិត្យឈាម មុខងារថ្លើម មុខងារតម្រងនោមជាដើម ជាញឹកញាប់ដើម្បីតាមដានស្ថានភាពរាងកាយរបស់អ្នកជំងឺ។

・អ្នកជំងឺត្រូវចៀសវាងប្រើប្រាស់គ្រឿងស្រវឹង ក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពបង្អាក់ដំណើរការសំយោគអាស៊ីតនុយក្លេអ៊ិច(DNAឬRNA)និងប្រូតេអ៊ីន។