Pregabalin

ជាទូទៅ ឱសថនេះប្រើនៅក្នុងការបំបាត់អាការៈឈឺចាប់ដោយសារបញ្ហាសរសៃប្រសាទ(Neuropathic pain) និង អាការៈឈឺចាប់នៅក្នុងជំងឺសាច់ដុំFibromyalgia។

ថ្នាំលេប：

・អាការៈឈឺចាប់ដោយសារបញ្ហាសរសៃប្រសាទ(Neuropathic pain)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ150mg បែងចែកជា2ដងក្នុង1ថ្ងៃ។ បន្ទាប់ពីនោះ បង្កើនកម្រិតប្រើប្រាស់បន្តិចម្ដងៗរហូតដល់1ថ្ងៃ300mg(បែងចែកជា2ដងក្នុង1ថ្ងៃ) ដោយប្រើរយៈពេលយ៉ាងហោចណាស់1សប្ដាហ៍ក្នុងការបង្កើន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែកម្រិតអតិបរមាប្រើក្នុង1ថ្ងៃគឺ600mg។

・អាការៈឈឺចាប់នៅក្នុងជំងឺសាច់ដុំFibromyalgia：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ150mg បែងចែកជា2ដងក្នុង1ថ្ងៃ។ បន្ទាប់ពីនោះ បង្កើនកម្រិតប្រើប្រាស់បន្តិចម្ដងៗរហូតដល់1ថ្ងៃ300mg(បែងចែកជា2ដងក្នុង1ថ្ងៃ) ដោយប្រើរយៈពេលយ៉ាងហោចណាស់1សប្ដាហ៍ក្នុងការបង្កើន។ បន្ទាប់ពីនោះ អាចប្រើជាប្រចាំក្នុងកម្រិត 300～450mg (បែងចែកជា2ដងក្នុង1ថ្ងៃ)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែកម្រិតអតិបរមាប្រើក្នុង1ថ្ងៃគឺ450mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន វិលមុខ ងងុយគេង ហើម កើនទម្ងន់។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- វិលមុខ ងងុយគេង បាត់បង់ស្មារតី

- ពិបាកដកដង្ហើម ហើមពេញខ្លួន បេះដូងលោតញាប់ពេលធ្វើចលនា (មុខងារបេះដូងចុះខ្សោយ ទឹកដក់ក្នុងសួត)

- ឈឺសាច់ដុំ អស់កម្លាំង ទឹកនោមមានពណ៌ក្រហមត្នោត (ជំងឺរលាយសាច់ដុំ(Rhabdomyolysis))

- បរិមាណទឹកនោមថយចុះ ហើមដៃជើង អស់កម្លាំង (មុខងារតម្រងនោមចុះខ្សោយ)

- ហើមមុខ អណ្ដាត បបូរមាត់និងបំពង់ក កន្ទាលត្រអាក ពិបាកដកដង្ហើម (រោគប្រតិកម្មធ្ងន់ធ្ងរ រោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema))

- អស់កម្លាំង បែកញើសទាំងត្រជាក់ អារម្មណ៍ឃ្លានខ្លាំង (កម្រិតជាតិស្ករក្នុងឈាមធ្លាក់ចុះ)

- ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia)

- ក្ដៅខ្លួន ភ្នែកក្រហម កន្ទួលក្រហមលើស្បែក (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndromeឬStevens-Johnson syndrome) ជំងឺErythema multiforme)

- អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង រមាស់ ក្អួតចង្អោរ (រលាកថ្លើម មុខងារថ្លើមចុះខ្សោយ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបំបាត់ការឈឺចាប់ប្រភេទOpioid analgesic - អាចធ្វើអោយកើតមានអាការៈពិបាកដកដង្ហើមឬបាត់បង់ស្មារតី។

・ឱសថOxycodone, Lorazepam, គ្រឿងស្រវឹង - អាចធ្វើអោយប៉ះពាល់ដល់មុខងារចងចាំនិងការបញ្ជាចលនារបស់ខួរក្បាល។

・ឱសថដែលអាចធ្វើអោយកើតមានការរោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema)(ACE inhibitorsជាដើម) - អាចធ្វើអោយហានិភ័យនៃការកើតមានផលរំខាននេះកើនឡើង។

・ឱសថដែលអាចធ្វើអោយកើតមានអាការៈហើមដៃជើង (ឱសថប្រភេទThiazolidine ជាដើម) - អាចធ្វើអោយហានិភ័យនៃការកើតមានផលរំខាននេះកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះអាចផ្ដល់ផលរំខានដូចជា ងងុយគេង វិលមុខ ឬ ស្រវាំងភ្នែក ដូច្នេះ គួរចៀសវាងការបើកបរឬការបញ្ជាម៉ាស៊ីនដែលមានគ្រោះថ្នាក់ ក្នុងអំឡុងពេលប្រើប្រាស់ឱសថនេះ។ ជាពិសេសចំពោះមនុស្សចាស់ដែលងាយនឹងកើតមានអាការៈបែបនេះ ធ្វើអោយដួលបង្កជាការបាក់ឆ្អឹងជាដើម។ ម្យ៉ាងទៀត គ្រឿងស្រវឹងអាចធ្វើអោយសកម្មភាពនៃឱសថនេះកើនឡើង។

・ការប្រើប្រាស់ឱសថនេះអាចធ្វើអោយមានការកើនទម្ងន់។ ករណីបែបនោះ គួរអនុវត្តការគ្រប់គ្រងរបបអាហារនិងការហាត់ប្រាណអោយបានសមស្រប។

・ករណីត្រូវបញ្ឈប់ការប្រើឱសថនេះ គួរបន្ថយកម្រិតប្រើប្រាស់បន្តិចម្ដងៗ ដើម្បីកុំអោយកើតមានអាការៈក្អួតចង្អោរ ឈឺក្បាល រាករូស គេងមិនលក់ ជាដើម។

ឱសថនេះមានប្រសិទ្ធិភាពបន្ថយចំនួនគ្រឿងចម្លងអ៊ីយ៉ុងកាល់ស្យូមចូលទៅក្នុងកោសិកានៃប្រព័ន្ធសរសៃប្រសាទ ព្រមទាំង ទប់ស្កាត់ដំណើរការនៃការហូរចូលនោះ ធ្វើអោយមិនមានការបញ្ចេញសារធាតុភ្ញោចសរសៃប្រសាទដូចជាគ្លុយតាមីន(Glutamine)ជាដើម។ ជាលទ្ធផល ឱសថនេះអាចកាត់បន្ថយអាការៈឈឺចាប់នៅតាមសរសៃប្រសាទដែលកើតឡើងដោយសារការភ្ញោចហួសហេតុ។