Prazosin hydrochloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺលើសសម្ពាធឈាម (ដោយគ្មានជំងឺផ្សេងជាដើមហេតុ ឬ ដោយសារជំងឺតម្រងនោម)។

- រោគសញ្ញាពិបាកនោម ដែលកើតមាននៅក្នុងជំងឺក្រពេញប្រូស្តាតរីកធំ(Prostatomegaly)។

ថ្នាំលេប：

・ករណីជំងឺលើសសម្ពាធឈាម (ដោយគ្មានជំងឺផ្សេងជាដើមហេតុ ឬ ដោយសារជំងឺតម្រងនោម)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ1～1.5mg (1ដង0.5mg 1ថ្ងៃ2～3ដង)។ ករណីប្រសិទ្ធិភាពមិនគ្រប់គ្រាន់ ក្រោយប្រើក្នុងកម្រិតខាងលើរយៈពេល1～2សប្ដាហ៍ អាចបង្កើនកម្រិតបន្តិចម្ដងៗដល់1ថ្ងៃ1.5～6mg បែងចែកជា2～3ដងក្នុង1ថ្ងៃ។ អាចមានករណីកម្រដែលបង្កើនកម្រិតប្រើប្រាស់បន្តិចម្ដងៗដល់1ថ្ងៃ15mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីរោគសញ្ញាពិបាកនោម ដែលកើតមាននៅក្នុងជំងឺរីកក្រពេញប្រូស្តាត(Prostatomegaly)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ1～1.5mg (1ដង0.5mg 1ថ្ងៃ2～3ដង)។ ករណីប្រសិទ្ធិភាពមិនគ្រប់គ្រាន់ ក្រោយប្រើក្នុងកម្រិតខាងលើរយៈពេល1～2សប្ដាហ៍ អាចបង្កើនកម្រិតបន្តិចម្ដងៗដល់1ថ្ងៃ1.5～6mg បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ឡើងកន្ទួលក្រហម កន្ទាលត្រអាក រមាស់ស្បែក រលាកសរសៃប្រសាទ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បាត់បង់ស្មារតី

- អារម្មណ៍ថប់ក្នុងទ្រូង ឈឺក្បាល បែកញើសទាំងត្រជាក់ (ជំងឺត្បៀតសរសៃឈាមក្នុងទ្រូង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះទឹកនោម, ឱសថបញ្ចុះសម្ពាធឈាមផ្សេងទៀត(Nifedipine ជាដើម) - អាចធ្វើអោយសកម្មភាពនៃឱសថទាំងពីរកើនឡើង។

・ឱសថដែលមានសកម្មភាពទប់ស្កាត់អង់ស៊ីមPhosphodiesterase 5 (PDE 5 inhibitors) (ឱសថSildenafil citrate, Vardenafil hydrochloride hydrate ជាដើម) - អាចធ្វើអោយកើតមានរោគសញ្ញាផ្សេងៗដោយសារសម្ពាធឈាមចុះទាប។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា វិលមុខ ជាដើម ដោយសារសម្ពាធឈាមធ្លាក់ចុះទាប ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・ដោយឱសថនេះមានសកម្មភាពទៅលើប្រព័ន្ធសរសៃឈាមអាកទែរនិងវ៉ែន គេប្រើឱសថនេះចំពោះអ្នកជំងឺដែលរួមមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)។

・ភាគច្រើនប្រើរួមជាមួយឱសថប្រឆាំងអរម៉ូនបុរសអង់ដ្រូជេន (Anti-androgen drugs) និងមិនប្រើឱសថនេះចំពោះអ្នកជំងឺដែលមានបញ្ហាតម្រងនោមទេ។

ឱសថនេះមានសកម្មភាពទប់ស្កាត់ការភ្ញោចគ្រឿងទទួលα1(α1 receptor)ដែលស្ថិតនៅតាមសាច់ដុំសរសៃឈាម ដើម្បីពង្រីកសរសៃឈាម ធ្វើអោយសម្ពាធឈាមធ្លាក់ចុះ។ ម្យ៉ាងទៀត ឱសថនេះក៏មានសកម្មភាពទប់ស្កាត់ការភ្ញោចគ្រឿងទទួលα1(α1 receptor)ដែលស្ថិតនៅតាមបង្ហួរនោម ក្រពេញប្រូស្តាត និងប្លោកនោម ដើម្បីបញ្ចុះសម្ពាធនៅក្នុងបង្ហួរនោមនិងទប់ស្កាត់ការកន្ត្រាក់នៃប្លោកនោម ធ្វើអោយប្លោកនោមអាចផ្ទុកទឹកនោមបានច្រើនជាងមុខ។