Praziquantel

ជាទូទៅ ឱសថនេះប្រើនៅក្នុងការព្យាបាលជំងឺបណ្ដាលមកពីប៉ារ៉ាស៊ីតTrematodaឬFlukeប្រភេទផ្សេងៗ រួមមាន：

- ជំងឺថ្លើមបណ្ដាលមកពីប៉ារ៉ាស៊ីតClonorchis sinensis ហៅថាជំងឺClonorchiasis

- ជំងឺសួតបណ្ដាលមកពីប៉ារ៉ាស៊ីតLung flukes ហៅថាជំងឺParagonimiasis

- ជំងឺពោះវៀនបណ្ដាលមកពីប៉ារ៉ាស៊ីតMetagonimus yokogawai ហៅថាជំងឺMetagonimosis។

ថ្នាំលេប：

- ជំងឺClonorchiasis ជំងឺParagonimiasis：លេប1ដង 20mg/kg 1ថ្ងៃ2ដង រយៈពេល2ថ្ងៃ។

- ជំងឺMetagonimosis：លេប1ដង 20mg/kg 1ថ្ងៃ1～2ដង រយៈពេល1ថ្ងៃ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺបណ្ដាលមកពីតេញ៉ា(Tapeworm) - អាចបង្កផលប៉ះពាល់ដល់សរសៃប្រសាទក្នុងខួរក្បាលនិងភ្នែក

​・អ្នកដែលកំពុងប្រើប្រាស់ឱសថRifampicin។

ផលរំខានរួមមាន ក្អួតចង្អោរ រាករូស ឈឺក្បាល ឈឺពោះ។ល។

・ឱសថRifampicin - អាចធ្វើអោយកំហាប់ក្នុងឈាមនៃPraziquantelថយចុះខ្លាំង ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថDexamethasone, Phenytoin, Carbamazepine, Hydroxychloroquine - អាចធ្វើអោយកំហាប់ក្នុងឈាមនៃPraziquantelថយចុះ

・ឱសថCimetidine, Itraconazole - អាចធ្វើអោយកំហាប់ក្នុងឈាមនៃPraziquantelកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះនិងក្រោយប្រើឱសថនេះរយៈពេល72ម៉ោង។

・ឱសថនេះអាចផ្ដល់ផលរំខានដូចជាងងុយគេង ដូច្នេះ គួរប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

ជាឱសថប្រឆាំងប៉ារ៉ាស៊ីតTrematodaឬFluke ដោយមានប្រសិទ្ធិភាពធ្វើអោយភ្នាសកោសិការបស់ប៉ារ៉ាស៊ីតមានលក្ខណៈប្រែប្រួល នាំអោយអ៊ីយ៉ុងកាល់ស្យូមកើនឡើងខ្ពស់នៅក្នុងកោសិកា ធ្វើអោយកោសិកាប៉ារ៉ាស៊ីតមិនអាចរស់រានបាន។