Polidocanol

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បញ្ឈប់អាការៈហូរឈាមដោយសារការប៉ោងសរសៃវ៉ែននៅបំពង់អាហារ (Esophageal varix)

- ធ្វើអោយសរសៃវ៉ែនដែលប៉ោងឡើងនៅបំពង់អាហារប្រែជារឹងនិងរួញទៅវិញ

- ធ្វើអោយសរសៃវ៉ែនដែលប៉ោងឡើងនៅជើង(Primary Varicose vein of lower extremity)ប្រែជារឹងនិងរួញទៅវិញ។

ថ្នាំចាក់

ករណីឱសថប្រើនៅក្នុងការព្យាបាលជំងឺប៉ោងសរសៃវ៉ែននៅបំពង់អាហារ：

នៅក្នុងឱសថនេះ30mL រួមមាន សារធាតុPolidocanol 0.3g។

ប្រើឱសថនេះនៅក្នុងការព្យាបាលដោយEndoscopic injection sclerotherapy(EIS)ចំពោះបំពង់អាហារ។

ជាទូទៅ ចំពោះមនុស្សពេញវ័យ ប្រើឱសថនេះបរិមាណ1~3mLសម្រាប់ការចាក់1ម្ជុល ដោយចាក់បញ្ចូលទៅក្នុងផ្នែកជុំវិញដែលកើតមានការប៉ោងនៃសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពនៃការប៉ោងសរសៃនិងស្ថានភាពរបស់អ្នកជំងឺ ប៉ុន្តែ កម្រិតប្រើសរុបជាអតិបរមាសម្រាប់ប្រើនៅក្នុងការព្យាបាលដោយអង់ដូស្កូប1ដងគឺ 30mL។

ករណីឱសថប្រើនៅក្នុងការព្យាបាលជំងឺប៉ោងសរសៃវ៉ែននៅជើង：

ប្រើឱសថនេះនៅក្នុងការព្យាបាលដោយបច្ចេកទេសLiquid sclerotherapy ឬ Foam sclerotherapy។ សូមពិនិត្យព័ត៌មានលម្អិតនៅក្នុងបរិយាយប័ណ្ណនៃឱសថនីមួយៗ។

ករណីឱសថប្រើនៅក្នុងការព្យាបាលជំងឺប៉ោងសរសៃវ៉ែននៅបំពង់អាហារ：

・អ្នកដែលកំពុងស្ថិតនៅក្នុងស្ថានភាពនៃអាការៈប្រតិកម្មធ្ងន់ធ្ងរ(Shock)ឬស្ថានភាពមុនកើតមានអាការៈនោះ។

・អ្នកដែលមានបញ្ហានៅសរីរាង្គជាច្រើនក្នុងរាងកាយ ឬ មានរោគសញ្ញានៃការកើតមានកំណកឈាមក្នុងសរសៃឈាមច្រើនកន្លែង(Disseminated intravascular coagulation, DIC)។

・អ្នកដែលមានអាការៈហូរឈាមដោយសារជំងឺដំបៅក្រពះឬជំងឺដំបៅគល់ពោះវៀនតូច(Duodenal ulcer)ឬដោយសារការដាច់រលាត់នៅភ្នាសក្នុងក្រពះ។

・អ្នកដែលអាចកើតមានគ្រោះថ្នាក់ដោយសារការពិនិត្យដោយប្រើឧបករណ៍អង់ដូស្កូប។

・អ្នកដែលមានជំងឺបេះដូងកម្រិតធ្ងន់ធ្ងរ។

・អ្នកដែលមានជំងឺរឹងសរសៃអាកទែ(Arteriosclerosis)ឬរោគសញ្ញាប៉ះពាល់សរសៃឈាមតូចៗដោយសារជំងឺទឹកនោមផ្អែម។

・អ្នកដែលកំពុងប្រើប្រាស់ឱសថប្រឆាំងកំណកឈាមក្នុងរាងកាយ។

・អ្នកដែលមានអាការៈរលាកឬដំបៅនៅកន្លែងចាក់ថ្នាំនិងផ្នែកជុំវិញនោះ។

・ស្ត្រីដែលកំពុងស្ថិតក្នុងត្រីមាសដំបូង(3ខែចុះក្រោម)នៃការមានផ្ទៃពោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីឱសថប្រើនៅក្នុងការព្យាបាលជំងឺប៉ោងសរសៃវ៉ែននៅជើង：

・អ្នកដែលមានជំងឺកំណកឈាមក្នុងសរសៃវ៉ែននៅផ្នែកជ្រៅនៃរាងកាយ(Deep vein thrombosis) ឬ ធ្លាប់កើតមានជំងឺកំណកឈាមពីមុនមក។

・អ្នកដែលមានបញ្ហាចរន្តឈាមនៃសរសៃអាកទែ។

・អ្នកដែលមានការលំបាកក្នុងការដើរ។

・អ្នកដែលមានបញ្ហានៅសរីរាង្គជាច្រើនក្នុងរាងកាយ ឬ មានរោគសញ្ញានៃការកើតមានកំណកឈាមក្នុងសរសៃឈាមច្រើនកន្លែង(Disseminated intravascular coagulation, DIC)។

・អ្នកដែលកំពុងប្រើប្រាស់ឱសថលេបពន្យារកំណើត។

・អ្នកដែលកំពុងប្រើប្រាស់ឱសថប្រឆាំងកំណកឈាម ឬ ឱសថប្រឆាំងប្លាកែត។

・អ្នកដែលមានជំងឺបេះដូងកម្រិតធ្ងន់ធ្ងរ។

・អ្នកដែលកំពុងស្ថិតនៅក្នុងស្ថានភាពនៃអាការៈប្រតិកម្មធ្ងន់ធ្ងរ(Shock)ឬស្ថានភាពមុនកើតមានអាការៈនោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺហឺត (Bronchial asthma)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលមានអាការៈរលាកឬដំបៅនៅកន្លែងចាក់ថ្នាំនិងផ្នែកជុំវិញនោះ។

・អ្នកដែលមានអាការៈស្ទះសរសៃឈាមក្នុងខួរក្បាលដោយសារការកកើតកំណកឈាមខុសប្រក្រតីតាមរយៈជំងឺPatent foramen ovale ឬ អ្នកដែលមានអាការៈខ្វះការផ្គត់ផ្គងឈាមក្នុងខួរក្បាលរយៈពេលខ្លី(Transient cerebral ischemia) ឬ អ្នកដែលធ្លាប់កើតមានជំងឺទាំងនេះ។ (ករណីប្រើវិធីព្យាបាលFoam sclerotherapy)

ករណីឱសថប្រើនៅក្នុងការព្យាបាលជំងឺប៉ោងសរសៃវ៉ែននៅបំពង់អាហារ：

・ត្រូវប្រុងប្រយ័ត្នចំពោះការកើតឡើងនៃផលរំខានធ្ងន់ធ្ងរ ដូចជា អាការៈប្រតិកម្មធ្ងន់ធ្ងរ (Shock)ជាដើម។

ករណីឱសថប្រើនៅក្នុងការព្យាបាលជំងឺប៉ោងសរសៃវ៉ែននៅជើង：

・មិនត្រូវប្រើឱសថនេះចាក់ក្នុងសរសៃអាកទែទេ។

・ត្រូវប្រុងប្រយ័ត្នចំពោះការកើតឡើងនុវផលរំខានជាការកកើតកំណកឈាមនៅសរសៃឈាមក្នុងសួតឬនៅក្នុងសរសៃវ៉ែននៃសរីរាង្គខាងក្នុង។