Piretanide

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- អាការៈហើមដោយសារជំងឺបេះដូង (ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​)

- អាការៈហើមដោយសារជំងឺតម្រងនោម

- អាការៈហើមដោយសារជំងឺថ្លើម។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- អាការៈហើមដោយសារជំងឺបេះដូង (ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​)

- អាការៈហើមដោយសារជំងឺតម្រងនោម

- អាការៈហើមដោយសារជំងឺថ្លើម

- អាការៈទឹកដក់ក្នុងពោះដោយសារជំងឺមហារីក។

ករណីថ្នាំលេប：

មនុស្សពេញវ័យ：ចាប់ផ្ដើមប្រើពីកម្រិត1ថ្ងៃ3～6mg បែងចែកជា1～2ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ថ្ងៃ12mg បែងចែកជា1～2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

មនុស្សពេញវ័យ：ប្រើ1ថ្ងៃ1ដង 6～12mg ចាក់តាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលមានអាការៈមិនបញ្ចេញទឹកនោម(Anuria)។

・អ្នកដែលមានអាការៈបាត់បង់ស្មារតីដោយសារបញ្ហាថ្លើម(Hepatic coma)។

・អ្នកដែលមានកម្រិតសូដ្យូម(Na)និងកម្រិតប៉ូតាស្យូម(K)ថយចុះក្នុងរាងកាយ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទ Sulfonamide។

ស្ងួតក អស់កម្លាំង គ្មានកម្លាំងសាច់ដុំ កម្រិតអាសី្តអ៊ុយរិចក្នុងឈាមឡើងខ្ពស់ កម្រិតសូដ្យូម(Na)ក្នុងឈាមចុះទាប កម្រិតប៉ូតាស្យូម(K)ក្នុងឈាមចុះទាប ។ល។

・ប្រសិទ្ធិភាពបញ្ចុះទឹកនោមមានលក្ខណៈខ្លាំងជាងគេក្នុងចំណោមឱសថបញ្ចុះទឹកនោមទាំងអស់ និងជាឱសថដែលមានតួនាទីសំខាន់នៅក្នុងការព្យាបាលជំងឺខ្សោយបេះដូង។

・ក្នុងករណីប្រើប្រាស់ឱសថនេះ2ដងក្នុង1ថ្ងៃ ជាទូទៅ អ្នកជំងឺអាចប្រើឱសថនៅក្រោយអាហារពេលព្រឹកនិងពេលថ្ងៃ ដើម្បីកុំអោយកើតមានអាការៈនោមញឹកនៅពេលយប់ ប៉ុន្តែ គេអាចផ្លាស់ប្ដូរពេលវេលានៃការប្រើប្រាស់ឱសថសម្របទៅតាមទម្លាប់រស់នៅរបស់អ្នកជំងឹម្នាក់ៗ។

មានសកម្មភាពនៅផ្នែកដែលស្ថិតនៅចន្លោះផ្នែកជិតនិងផ្នែកឆ្ងាយនៃបំពង់ផលិតទឹកនោម(Loop of henle) ដោយទប់ស្កាត់ការស្រូបចូលវិញនៃសារធាតុសូដ្យូម(Na) និង ក្លរ(Cl)។ ម្យ៉ាងទៀត ឱសថនេះក៏មានសកម្មភាពជម្រុញការផលិតសារធាតុប្រូស្តាក្លង់ឌីន(Prostaglandin)នៅក្នុងតម្រងនោម ដែលមានសកម្មភាពទៅលើផ្នែកជិតនៃបំពង់ផលិតទឹកនោម(Proximal tubule) ដើម្បីបង្ហាញប្រសិទ្ធិភាពបញ្ចុះទឹកនោមផងដែរ។