Pioglitazone hydrochloride + Metformin hydrochloride

ជាទូទៅ ឱសថនេះប្រើចំពោះអ្នកជំងឺទឹកនោមផ្អែមប្រភេទទី2 ដែលត្រូវការការព្យាបាលដោយប្រើឱសថពីរប្រភេទរួមគ្នា។

ថ្នាំលេប：

ឱសថ1គ្រាប់រួមមាន：(LD) Pioglitazone 15mg និង Metformin hydrochloride 500mg ឬ (HD) Pioglitazone 30mg និង Metformin hydrochloride 500mg។

មនុស្សពេញវ័យ：លេប1ថ្ងៃ1ដង 1គ្រាប់ ក្រោយអាហារពេលព្រឹក។

・អ្នកដែលកំពុងឬធ្លាប់មានជំងឺខ្សោយមុខងារបេះដូង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទBiguanideផ្សេងទៀត។

・អ្នកដែលងាយកើតមានបញ្ហានៃការកើនឡើងអាស៊ីតឡាក់តិច(Lactic Acid)នៅក្នុងឈាម ៖

(1) អ្នកដែលធ្លាប់កើតមានបញ្ហានេះពីមុនមក។

(2) អ្នកដែលមានបញ្ហាតម្រងនោមធ្ងន់ធ្ងរ(eGFRក្រោម30mL/min/1.73m²)។

(3) អ្នកដែលកំពុងទទួលការលាងឈាមជាប្រចាំ។

(4) អ្នកដែលមានបញ្ហាថ្លើមធ្ងន់ធ្ងរ។

(5) អ្នកដែលមានជំងឺធ្ងន់ធ្ងរទាក់ទងនឹងសរសៃឈាមបេះដូងឬមុខងារសួត (ជំងឺស្ទះសរសៃឈាមបេះដូង ជំងឺខ្សោយបេះដូង ជំងឺស្ទះសរសៃឈាមនៅក្នុងសួត ជាដើម) ឬ អ្នកដែលស្ថិតក្នុងស្ថានភាពដែលឈាមងាយខ្វះអុកស៊ីសែន។

(6) អ្នកដែលពិសារគ្រឿងស្រវឹងច្រើនហួសហេតុ។

(7) អ្នកដែលខ្សោះជាតិទឹក ឬ ងាយស្ថិតក្នុងស្ថានភាពខ្សោះជាតិទឹកដោយសារបញ្ហាក្រពះពោះវៀន ដូចជា រាករូស ក្អួតចង្អោរ ជាដើម។

・អ្នកដែលកំពុងមានរោគសញ្ញានៃការកើនឡើងសារធាតុកេតូននៅក្នុងរាងកាយ(Ketosis)ធ្ងន់ធ្ងរ ឬ ស្ថិតក្នុងស្ថានភាពបាត់បង់ស្មារតីដោយសារជំងឺទឹកនោមផ្អែម ឬ អ្នកដែលមានជំងឺទឹកនោមផ្អែមប្រភេទទី1។

・អ្នកដែលកំពុងមានជំងឺឆ្លងធ្ងន់ធ្ងរ ឬ ស្ថិតនៅមុននិងក្រោយពេលវះកាត់ ឬ កំពុងមានរបួសធ្ងន់ធ្ងរ។

・អ្នកដែលស្ថិតក្នុងស្ថានភាពខ្វះសារធាតុចិញ្ចឹម បរិភោគមិនគ្រប់គ្រាន់ ទ្រុឌទ្រោម ឬ អ្នកដែលមានមុខងារក្រពេញPituitary glandឬក្រពញAdrenal glandចុះខ្សោយ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

មុខងារបេះដូងចុះខ្សោយ(ដង្ហក់ បេះដូងលោតញាប់ ទឹកដក់ក្នុងសួត ជាដើម) កម្រិតជាតិស្ករក្នុងឈាមចុះទាបខ្លាំង ហើម ប៉ះពាល់មុខងារថ្លើម។

សកម្មភាពរួមពីឱសថនីមួយៗ។