Phytonadione = Phytomenadione = Vitamin K1

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・បង្ការនិងព្យាបាលជំងឺកង្វះវីតាមីនK ដែលកើតមាននៅក្នុងករណីដូចជា：

+ ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតឡើងដោយសារការប្រើប្រាស់ឱសថគ្រប់ប្រភេទ (ឱសថប្រឆាំងកំណកឈាមប្រភេទCumarin ឱសថSalicylic acid ឱសថប្រឆាំងមេរោគ។ល។)

+ បញ្ហាស្រូបវីតាមីនKដោយសារជំងឺទាក់ទងនឹងផ្លូវទឹកប្រមាត់និងក្រពះពោះវៀន។

+ ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតចំពោះទារកទើបកើត។

+ ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតចំពោះអ្នកជំងឺថ្លើម។

・អាការៈហូរឈាមដែលសង្ស័យថាបណ្ដាលមកពីកង្វះវីតាមីនK។

ករណីថ្នាំលេប：

មនុស្សពេញវ័យ：ជាទូទៅ លេប1ថ្ងៃ5～15mg។

・ករណីប្រើនៅក្នុងការបង្ការអាការៈហូរឈាមចំពោះទារកទើបកើត： ស្ត្រីមានផ្ទៃពោះត្រូវលេប1ថ្ងៃ10mg។

・ករណីជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតឡើងដោយសារការប្រើប្រាស់ឱសថ បញ្ហាស្រូបវីតាមីនKដោយសារជំងឺទាក់ទងនឹងផ្លូវទឹកប្រមាត់និងក្រពះពោះវៀន ជំងឺប្រូត្រុំប៊ីនក្នុងឈាមចុះទាប(Hypoprothronbinemia)ដែលកើតចំពោះអ្នកជំងឺថ្លើម：លេប1ថ្ងៃ20～50mg បែងចែកជាច្រើនដងក្នុង1ថ្ងៃ។

អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

មនុស្សពេញវ័យ：ជាទូទៅ ប្រើក្នុងកម្រិត1ថ្ងៃ5～15mg ដោយចាក់ក្រោមស្បែក ឬ ក្នុងសាច់ដុំ ឬ តាមសរសៃវ៉ែន។

・ករណីប្រើនៅក្នុងការបង្ការអាការៈហូរឈាមចំពោះទារកទើបកើត： ស្ត្រីមានផ្ទៃពោះត្រូវប្រើក្នុងកម្រិត1ថ្ងៃ10mg ដោយចាក់ក្រោមស្បែក ឬ ក្នុងសាច់ដុំ ឬ តាមសរសៃវ៉ែន។

・ករណីជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតឡើងដោយសារការប្រើប្រាស់ឱសថ បញ្ហាស្រូបវីតាមីនKដោយសារជំងឺទាក់ទងនឹងផ្លូវទឹកប្រមាត់និងក្រពះពោះវៀន ជំងឺប្រូត្រុំប៊ីនក្នុងឈាមចុះទាប(Hypoprothrombinemia)ដែលកើតចំពោះអ្នកជំងឺថ្លើម：ប្រើក្នុងកម្រិត1ថ្ងៃ20～50mg ដោយចាក់ក្រោមស្បែក ឬ ក្នុងសាច់ដុំ ឬ តាមសរសៃវ៉ែន។

ម្យ៉ាងទៀត ករណីប្រើនៅក្នុងការបង្ការអាការៈហូរឈាមចំពោះទារកទើបកើត ត្រូវប្រើក្នុងកម្រិត 0.5~2mg ដោយចាក់ក្រោមស្បែកឬក្នុងសាច់ដុំ ចំពោះទារក នៅក្រោយពេលទារកកើតភ្លាម។

អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់
・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។
・អ្នកដែលថ្លាប់កើតមានរោគប្រតិកម្មជាមួយនឹងឱសថដែលមានផ្ទុកសារធាតុ Polyoxyethylene hydrogenated castor oils។