Phenytoin

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈកន្ត្រាក់សាច់ដុំដែលកើតមាននៅក្នុងជំងឺប្រកាច់ (រួមមាន ប្រភេទTonic-clonic seizures និង ប្រភេទFocal seizure)

- អាការៈចង់ក្អួតជាដើមដែលបណ្ដាលមកពីការប៉ះពាល់ប្រព័ន្ធប្រសាទអូតូណូមិច(Autonomic seizure)

- ជំងឺឆ្កួតជ្រូកដែលបណ្ដាលមកពីការប៉ះពាល់សរសៃប្រសាទ(Psychomotor seizure)។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈកន្ត្រាក់នៃសាច់ដុំស្រដៀងនឹងជំងឺប្រកាច់ដែលអូសបន្លាយពេលវែង (Epileptiform status epilepticus)។

- អាការៈកន្ត្រាក់សាច់ដុំដែលធ្ងន់ធ្ងរឬករណីអ្នកជំងឺមិនអាចប្រើប្រាស់ឱសថលេបបាន (ជាពិសេសករណីបាត់បង់ស្មារតី ពេលកំពុងវះកាត់ និង ក្រោយពេលវះកាត់)។

- អាការៈកន្ត្រាក់នៃសាច់ដុំស្រដៀងនឹងជំងឺប្រកាច់ដែលត្រូវការការព្យាបាលជាបន្ទាន់។

ករណីថ្នាំលេប：

- មនុស្សពេញវ័យ：លេប1ថ្ងៃ 200～300mg បែងចែកជា3ដងក្នុង1ថ្ងៃ ក្រោយបរិភោគអាហារ។

- កុមារ：លេប1ថ្ងៃ 100～300mg បែងចែកជា3ដងក្នុង1ថ្ងៃ ក្រោយបរិភោគអាហារ។

- កុមារតូច：លេប1ថ្ងៃ 50～200mg បែងចែកជា3ដងក្នុង1ថ្ងៃ ក្រោយបរិភោគអាហារ។

- ទារក：លេប1ថ្ងៃ 20～100mg បែងចែកជា3ដងក្នុង1ថ្ងៃ ក្រោយបរិភោគអាហារ។

អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា និង ប្រតិកម្មទៅនឹងឱសថរបស់អ្នកជំងឺ។

ករណីថ្នាំចាក់：

កម្រិតបង្ហាញប្រសិទ្ធិភាពនៃឱសថនេះប្រែប្រួលទៅតាមកម្រិតនៃអាការៈ ប្រតិកម្មទៅនឹងឱសថរបស់អ្នកជំងឺជាដើម។

- មនុស្សពេញវ័យ：ជាទូទៅ ប្រើក្នុងកម្រិត125～250mg ចាក់តាមសរសៃវ៉ែយឺតៗក្នុងល្បឿនមិនអោយកម្រិតឱសថដែលចូលក្នុងសរសៃវ៉ែនហួសពី50mg/នាទី។ ប្រសិនបើការប្រើក្នុងកម្រិតនេះមិនអាចទប់ស្កាត់អាការៈបានទេនោះ អាចចាក់ឱសថនេះបន្ថែមទៀតនៅ30នាទីក្រោយក្នុងកម្រិត100～150mg ឬ ប្រើប្រាស់វិធីទប់ស្កាត់ផ្សេងវិញ។

- កុមារ：កំណត់កម្រិតប្រើប្រាស់ទៅតាមទម្ងន់របស់អ្នកជំងឺ ដោយយកកម្រិតប្រើប្រាស់សម្រាប់មនុស្សពេញវ័យជាស្ដង់ដារក្នុងការគណនា។

ក្រោយអាការៈធូរស្បើយបន្ទាប់ពីប្រើឱសថនេះ ហើយអ្នកជំងឺដឹងស្មារតីឡើងវិញ គួរប្ដូរទៅជាការប្រើឱសថប្រភេទលេបវិញ។

ករណីថ្នាំលេប：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រភេទHydantoin។

・អ្នកដែលកំពុងប្រើប្រាស់ឱសថដូចខាងក្រោម៖ Tadalafil, Rilpivirine, Asunaprevir, Daclatasvir, Vaniprevir, Macitentan, Sofosbuvir ។

ករណីថ្នាំចាក់：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រភេទHydantoin។

・អ្នកដែលកំពុងប្រើប្រាស់ឱសថដូចខាងក្រោម៖ Tadalafil, Rilpivirine, Asunaprevir, Daclatasvir, Vaniprevir, Macitentan, Sofosbuvir ។

・អ្នកដែលមានជំងឺជីពចរខ្សោយ(Sinus bradycardia) ឬ មានបញ្ហាធ្ងន់ធ្ងរទាក់ទងនឹងការបញ្ជូនសញ្ញាក្នុងបេះដូង។

ផលរំខានរួមមាន ឡើងកន្ទួលក្រហមពេញខ្លួន ឈឺក្បាល ភ្នែកមើលឃើញបែងជា2 អញ្ចាញធ្មេញឡើងក្រាស់ ឈឺឆ្អឹងពេលដើរ ដុះរោមច្រើន ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្តៅខ្លួន ស្នាមក្រហមឬពងទឹកលើស្បែក ភ្នែកក្រហម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome ឬ StevensJohnson syndrome) ជំងឺស្លាប់កោសិកាស្បែក(TEN))

- ក្ដៅខ្លួន ឈឺសន្លាក់ ស្នាមក្រហមលើមុខ ឆាប់ហត់ (រោគសញ្ញាស្រដៀងSLE)

- ឡើងកន្ទួលក្រហម ក្ដៅខ្លួន ហើមកូនកណ្ដុរ (បណ្ដុំរោគសញ្ញានៃរោគប្រតិកម្ម)

- ឈឺបំពង់ក ក្ដៅខ្លួន ឈាមច្រមុះ ឈាមតាមអញ្ចាញធ្មេញ (រោគសញ្ញានៃការថយចុះចំនួនប្លាកែត ជាដើម)

- អស់កម្លាំង បាត់បង់ចំណង់អាហារ ភ្នែកនិងស្បេកប្រែពណ៌លឿង (មុខងារថ្លើមមានបញ្ហា រលាកថ្លើម ខាន់លឿង)

- ក្ដៅខ្លួន ក្អកស្ងួត ពិបាកដកដង្ហើម (រលាកសួតប្រភេទInterstitial pneumonia)

- ក្ដៅខ្លួនភ្លាមៗ ពិបាកលេប រឹងសាច់ដុំ នៅស្ងៀមមិននិយាយស្ដី(Syndrome malin)

- ឈឺសាច់ដុំដៃនិងជើង ស្ពឹករឹង ទឹកនោមមានពណ៌ក្រហមត្នោត ( ជំងឺរលាយសាច់ដុំ(Rhabdomyolysis))

- ភ្នែកញ័រ ការធ្វើចលនាគ្មានលំនឹង (ប៉ះពាល់ខួរក្បាលផ្នែកCerebellum)

- បរិមាណទឹកនោមថយចុះ ខ្សត់ទឹកនោម ក្ដៅខ្លួន (មុខងារតម្រងនោមចុះខ្សោយស្រួចស្រាវ ជំងឺរលាកតម្រងនោមប្រភេទInterstitial nephritis)។

・ឱសថដូចខាងក្រោម៖ Tadalafil, Rilpivirine, Asunaprevir, Daclatasvir, Vaniprevir, Macitentan, Sofosbuvir - អាចធ្វើអោយកំហាប់ក្នុងឈាមនៃឱសថទាំងនេះថយចុះ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថZonisamide, Topiramate, Voriconazole, Stiripentol, Clobazam, Tacrolimus, Telaprevir, Rufinamide - អាចធ្វើអោយកំហាប់ក្នុងឈាមនៃឱសថPhenytoinកើនឡើង និង កំហាប់ក្នុងឈាមនៃឱសថទាំងនេះថយចុះ។

・ឱសថCarbamazepine, ឱសថValproate, ឱសថNelfinavir - អាចធ្វើអោយកំហាប់ក្នុងឈាមនៃPhenytoinប្រែប្រួល និង កំហាប់ក្នុងឈាមនៃឱសថទាំងនេះថយចុះ។

ឱសថLamotrigine, ឱសថDeferasirox - អាចធ្វើអោយកំហាប់ក្នុងឈាមនៃឱសថទាំងនេះថយចុះ។

・ឱសថWarfarin - អាចធ្វើអោយកំហាប់ក្នុងឈាមនៃPhenytoinកើនឡើង និង ប្រសិទ្ធិភាពនៃWarfarinប្រែប្រួល។

・ឱសថAmiodarone, Allopurinol, Isoniazid, Ethosuximide, Omeprazole, Chloramphenicol, Disulfiram, Cimetidine, Diltiazem, Sultiame, Sulfamethoxazole/Trimethoprim, Ticlopidine, Paraaminosalicylic acid, Fluconazole, Fluvoxamine, Fosfluconazole, Miconazole, Methylphenidate, Trazodone, ឱសថប្រភេទFluorouracil (Tegafur, Doxifluridine ជាដើម), ឱសថព្យាបាលជំងឺបាក់ទឹកចិត្តប្រភេទTricyclic antidepressants (ឱសថImipramine ជាដើម) និង ប្រភេទTetracyclic antidepressants (ឱសថMaprotiline ជាដើម) - អាចធ្វើអោយកំហាប់ក្នុងឈាមនៃPhenytoinកើនឡើង។

・ឱសថTheophylline, ឱសថAminophylline - អាចធ្វើអោយកំហាប់ក្នុងឈាមនៃPhenytoinថយចុះ និង កំហាប់ក្នុងឈាមនៃTheophyllineថយចុះ។

・ឱសថRifampicin, Diazoxide, Cisplatin, Vincristine, Ciprofloxacin - អាចធ្វើអោយកំហាប់ក្នុងឈាមនៃPhenytoinថយចុះ។

・ឱសថIrinotecan - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃIrinotecanថយចុះ។

・ឱសថដែលទទួលប្រតិកម្មពីអង់ស៊ីមCYP3A4ជាចម្បង (ឱសថAzelnidipine, Itraconazole, Imatinib, Indinavir, Ondansetron, Quinidine, Quetiapine, Saquinavir, Disopyramide, Nisoldipine, Nifedipine, Felodipine, Praziquantel, Verapamil, ឱសថស្តេរ៉ូអ៊ីត (Dexamethasone ជាដើម), ឱសថអរម៉ូនស្ត្រី(Norgestrel-ethinyl estradiol ជាដើម), ឱសថទប់ស្កាត់អង់ស៊ីមPDE5(Tadalafil, Sildenafil, Vardenafil ជាដើម)), ឱសថParoxetine, ឱសថFlecainide, ឱសថMexiletine, ឱសថCiclosporin, ឱសថក្រពេញទីរ៉ូអ៊ីត(Levothyroxine ជាដើម), ឱសថCaspofungin - អាចធ្វើអោយកំហាប់ក្នុងឈាម ក៏ដូចជាប្រសិទ្ធិភាពនៃឱសថទាំងនេះថយចុះ។

・ឱសថDoxycycline - អាចធ្វើអោយឱសថDoxycyclineឆាប់បាត់បង់ពីក្នុងប្រព័ន្ធឈាមនៃរាងកាយ។

・ឱសថAlbendazole - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃAlbendazoleថយចុះ។

・ឱសថបន្ធូរការកន្ត្រាក់នៃសាច់ដុំប្រភេទNon-depolarizing muscle relaxant (Vecuronium ជាដើម), ឱសថបញ្ចុះកម្រិតជាតិស្ករក្នុងឈាម(រួមទាំង អាំងស៊ុយលីន) - អាចធ្វើអោយសកម្មភាពនៃឱសថទាំងនេះថយចុះ។

・ឱសថAcetazolamide - អាចធ្វើអោយងាយកើតជំងឺឆ្អឹងទន់។

・ឱសថAcetaminophen - អាចធ្វើអោយផលរំខានប៉ះពាល់ថ្លើមពីAcetaminophenងាយកើតឡើង។

・អាហារបំប៉នដែលមានផ្ទុកសារធាតុSt.John's Wort - អាចធ្វើអោយកំហាប់ក្នុងឈាមនៃPhenytoinថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈពិបាកផ្ដុំអារម្មណ៍ ងាយធ្វេសប្រហែស ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

ឱសថនេះមានសកម្មភាពផ្លាស់ប្ដូរMaximal electroshock seizures និង អាចទប់ស្កាត់ដំណាក់កាលកន្ត្រាក់នៃMaximal electroshock seizuresយ៉ាងខ្លាំង។ ម្យ៉ាងទៀត ឱសថនេះធ្វើអោយភ្នាសនៃកោសិកាសរសៃប្រសាទមានលំនឹង ព្រមទាំងទប់ស្កាត់ការកើតឡើងនៃPost-tetanic potentiation (PTP)នៅស៊ីណាប់(Synapse, ចន្លោះរវាងកោសិកាសរសៃប្រសាទ)។