Perphenazine

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺវិកលចរឹត (Schizophrenia)

- អាការៈក្អួតចង្អោរនៅមុននិងក្រោយពេលវះកាត់

- បណ្ដុំរោគសញ្ញាមេនីអេ (Meniere's syndrome) ដែលមានរោគសញ្ញាដូចជា វិលមុខ ហ៊ឹងត្រចៀក។

ករណីថ្នាំលេប：

មនុស្សពេញវ័យ លេប1ថ្ងៃ 6～24mg (ថ្នាំម្សៅ1%ត្រូវនឹង0.6～2.4g) បែងចែកជាច្រើនដងក្នុង1ថ្ងៃ។ ករណីប្រើចំពោះរោគសញ្ញាទាក់ទងនឹងស្មារតី ជាទូទៅ មនុស្សពេញវ័យ លេប1ថ្ងៃ 6～48mg (ថ្នាំម្សៅ1%ត្រូវនឹង0.6～4.8g) បែងចែកជាច្រើនដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

មនុស្សពេញវ័យ ប្រើក្នុងកម្រិត1ដង 2~5mg ចាក់ក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលកំពុងស្ថិតក្នុងស្ថានភាពបាត់បង់ស្មារតី(Coma) ឬ ស្ថានភាពដែលប្រព័ន្ធចរន្តឈាមចុះខ្សោយ។

・អ្នកជំងឺដែលកំពុងស្ថិតក្រោមឥទ្ធិពលនៃឱសថដែលមានសកម្មភាពទប់ស្កាត់ប្រព័ន្ធសរសៃប្រសាទ ដូចជាឱសថប្រភេទBarbiturates ឱសថសណ្ដំឬស្ពឹក ជាដើម។

・អ្នកជំងឺដែលកំពុងប្រើប្រាស់ឱសថAdrenaline (លើកលែងករណីដែលត្រូវប្រើឱសថAdrenalineសម្រាប់ព្យាបាលរោគប្រតិកម្មធ្ងន់ធ្ងរAnaphylaxisជាបន្ទាន់)។

・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទPhenothiazinesឬឱសថស្រដៀងនោះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកជំងឺដែលសង្ស័យថាមានបញ្ហាប៉ះពាល់ខួរក្បាលផ្នែកSubcortex (រលាកខួរក្បាល មហារីកខួរក្បាល រោគសញ្ញាក្រោយប៉ះទង្គិចក្បាល ជាដើម)។