Peplomycin sulfate

ជាទូទៅ ឱសថនេះប្រើនៅក្នុងការព្យាបាលជំងឹមហារីកដូចខាងក្រោម៖

- ជំងឺមហារីកស្បែក

- ជំងឺមហារីកនៅផ្នែកក្បាលនិងក រួមមាន មហារីកឆ្អឹងចង្កាលើ(Maxillary carcinoma) មហារីកអណ្ដាត មហារីកបបូរមាត់ មហារីកបំពង់ក(Pharyngeal cancer) មហារីកបំពង់សម្លេង(Laryngeal cancer) មហារីកក្រអោមមាត់ជាដើម

- ជំងឺមហារីកសួត (ប្រភេទSquamous cell carcinoma)

- ជំងឺមហារីកក្រពេញប្រូស្តាត

- ជំងឺមហារីកMalignant lymphoma។

ថ្នាំចាក់：

・ការចាក់តាមសរសៃវ៉ែន:

មនុស្សពេញវ័យ ប្រើ5mg～10mgលាយនៅក្នុងសូលុយស្យុងអំបិលឬគ្លុយកូសជាដើមបរិមាណប្រហែល5～20mL រួចចាក់ចូលតាមសរសៃវ៉ែនដោយយឺតៗ។

・ការចាក់ក្នុងសាច់ដុំ:

មនុស្សពេញវ័យ ប្រើ5mg～10mgលាយនៅក្នុងសូលុយស្យុងអំបិលជាដើមបរិមាណប្រហែល5mL រួចចាក់ក្នុងសាច់ដុំ។

・ការចាក់តាមសរសៃអាកទែ:

មនុស្សពេញវ័យ ប្រើ5mg～10mgលាយនៅក្នុងសូលុយស្យុងអំបិលជាដើមបរិមាណ3～25mLដែលមានលាយឱសថទប់ស្កាត់កំណកឈាមដូចជាHeparinជាដើម រួចចាក់ចូលតាមសរសៃអាកទែតែម្ដងឬបញ្ចូលជាបន្តបន្ទាប់។

・ភាពញឹកញាប់នៃការប្រើប្រាស់ឱសថនេះ:

ជាទូទៅ គឺ2～3ដងក្នុង1សប្ដាហ៍ ប៉ុន្តែ អាចបង្កើនឬបន្ថយទៅតាមរោគសញ្ញា ដូចជា 1ថ្ងៃ1ដង(ជាប់ៗគ្នា)ឬ1សប្ដាហ៍1ដង។ កម្រិតប្រើប្រាស់ក្នុង1សប្ដាហ៍ ជាទូទៅគឺ20～30mg។

・បរិមាណសរុបសម្រាប់ការប្រើប្រាស់ឱសថនេះ:

ត្រូវបន្តការព្យាបាលរហូតដល់មហារីកបាត់ទៅវិញ ដោយគួរប្រើក្រោមបរិមាណ150mgជាសរុប។

・អ្នកដែលមានបញ្ហាសួតធ្ងន់ធ្ងរ ឬ អ្នកដែលរកឃើញមានបញ្ហានៅសួតដូចជាក្រិនសួតជាដើមតាមរយៈការពិនិត្យនៅលើរួបភាពវេជ្ជសាស្ត្រដោយកាំរស្មីអ៊ិច។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬសារធាតុស្រដៀងគ្នានេះ(Bleomycin)។

・អ្នកដែលមានបញ្ហាតម្រងនោមធ្ងន់ធ្ងរ។

・អ្នកដែលមានជំងឺបេះដូងកម្រិតធ្ងន់ធ្ងរ។

・អ្នកដែលកំពុងទទួលការបាញ់វិទ្យុសកម្មទៅលើផ្នែកទ្រូងនិងផ្នែកជុំវិញនោះ។

ផលរំខានរួមមាន ជំងឺរលាកសួតប្រភេទInterstitial pneumonia ជំងឺក្រិនសួត(Pulmonary fibrosis) ក្ដៅខ្លួន រលាកក្នុងមាត់(ពងបែកក្នុងមាត់) មិនឃ្លានអាហារ ជ្រុះរោមឬសក់ អស់កម្លាំងពេញខ្លួន ក្អួតចង្អោរ កន្ទួលក្រហមលើស្បែក កន្ទាលត្រអាក ស្នាមក្រហមលើស្បែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួន ក្អកស្ងួត ពិបាកដកដង្ហើម ( ជំងឺរលាកសួតប្រភេទInterstitial pneumonia ជំងឺក្រិនសួត(Pulmonary fibrosis))

- សម្ពាធឈាមចុះទាប រងាញាក់ ក្ដៅខ្លួន ស្មារតីវង្វេងវង្វាន់ ដកដង្ហើមលឺសម្លេងខុសប្លែក ក្អួត (ស្សុក(Shock))។

・ការបាញ់វិទ្យុសកម្មទៅលើផ្នែកទ្រូងនិងផ្នែកជុំវិញនោះ - អាចធ្វើអោយកើតមានផលប៉ះពាល់ដល់សរីរាង្គសួត ដូចជា រលាកសួត ក្រិនសួតជាដើម លក្ខណៈធ្ងន់ធ្ងរ ដូច្នេះ មិនត្រូវអនុវត្តរួមគ្នានោះទេ។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងមហារីកផ្សេងទៀតឬការព្យាបាលដោយវិទ្យុសកម្ម - អាចធ្វើអោយប៉ះពាល់ដល់សួត ដូចជា រលាកសួត ក្រិនសួត ជាដើម។

・ការបាញ់វិទ្យុសកម្មទៅលើផ្នែកក្បាល - អាចធ្វើអោយអាការៈរលាកក្នុងមាត់ រលាកគែមមាត់ជាដើម កាន់តែមិនល្អ។ ម្យ៉ាងទៀត អាចបង្កជាអាការៈរលាកបំពង់កនិងសម្លេងស្អក។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ត្រូវប្រុងប្រយ័ត្នជាពិសេសចំពោះការកើតមានផលរំខានធ្ងន់ធ្ងរប៉ះពាល់សួតរបស់ឱសថនេះ ដូចជា ជំងឺរលាកសួតប្រភេទInterstitial pneumonia និង ជំងឺក្រិនសួត(Pulmonary fibrosis)ជាដើម ព្រោះវាអាចបង្កគ្រោះថ្នាក់ដល់ជីវិតរបស់អ្នកជំងឺ។

・គេអាចប្រើឱសថប្រភេទប្រឆាំងហ៊ីស្តាមីន(Antihistamine)ឬឱសថបញ្ចុះកម្ដៅនៅមុនឬក្រោយពេលប្រើឱសថនេះ ដើម្បីបង្កាការកើតមានអាការៈក្ដៅខ្លួន។

ឱសថនេះមានសកម្មភាពបង្អាក់ដំណើរការសំយោគDNAនិងកាត់ផ្ដាច់ច្រវាក់DNA។ ឱសថនេះមានកម្រិតសកម្មភាពប្រហាក់ប្រហែលគ្នាទៅនឹងឱសថBleomycinដែរ។