Pentostatin

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺមហារីកAdult T-cell leukemia lymphoma

- ជំងឺមហារីកHairy cell leukemia។

ថ្នាំចាក់：

・ជំងឺមហារីកAdult T-cell leukemia lymphoma：

ជាទូទៅ ប្រើ1ដង4～5mg/m² (ផ្ទៃក្រឡារាងកាយ) ដោយចាក់តាមសរសៃវ៉ែន រៀងរាល់1សប្ដាហ៍ម្ដង ចំនួន4ដង ចាត់ទុកជា1វដ្ត។ អនុវដ្ដដូចគ្នានេះចំនួន2～3វដ្ត។

・ជំងឺមហារីកHairy cell leukemia：

ជាទូទៅ ប្រើ1ដង4～5mg/m² (ផ្ទៃក្រឡារាងកាយ) ដោយចាក់តាមសរសៃវ៉ែន រៀងរាល់1～2សប្ដាហ៍ម្ដង។

ករណីអ្នកជំងឺមានបញ្ហាតម្រងនោម ត្រូវកំណត់កម្រិតប្រើប្រាស់ទៅតាមCreatinine clearance (Ccr) គឺ៖ ចំពោះCcr 59～40mL/នាទី ត្រូវបន្ថយកម្រិតមកត្រឹម2～4mg/m² ហើយចំពោះCcr 39～25mL/នាទី ត្រូវបន្ថយកម្រិតមកត្រឹម1～3mg/m² និង ចាប់ផ្ដើមប្រើពីកម្រិតទាបទៅដោយប្រុងប្រយ័ត្ន។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

・អ្នកដែលមានជំងឺខ្សោយមុខងារតម្រងនោម។

・អ្នកដែលមានជំងឺអុតស្វាយ(ChickenpoxឬVaricella)ឬជំងឺរើម(Herpes zoster)។

・អ្នកដែលកំពុងប្រើប្រាស់ឱសថVidarabineប្រភេទថ្នាំចាក់។

・អ្នកដែលកំពុងប្រើប្រាស់ឱសថCyclophosphamide ឬ ឱសថIfosfamide។

・អ្នកដែលកំពុងប្រើប្រាស់ឱសថFludarabine phosphate។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន មិនឃ្លានអាហារ ក្ដៅខ្លួន ក្អួត អស់កម្លាំង រោគសញ្ញាខ្វះឈាម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រោគសញ្ញាខ្វះឈាម ងាយហូរឈាម ឈាមក្រកក (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- បរិមាណទឹកនោម ហើម ឈឺក្បាល (ប៉ះពាល់មុខងារតម្រងនោម)។

・ឱសថVidarabine ប្រភេទថ្នាំចាក់ - អាចធ្វើអោយប៉ះពាល់ដល់មុខងារថ្លើម តម្រងនោម ខួរក្បាល សួតនិងផ្នែកផ្សេងៗទៀតនៃរាងកាយ ដូច្នេះ ហាមប្រើរួមគ្នា។

・ឱសថCyclophosphamide ឱសថIfosfamide - អាចធ្វើអោយប៉ះពាល់ដល់មុខងារស្មារតី ដំណកដង្ហើម សម្ពាធឈាម សួតជាដើម ដូច្នេះ ហាមប្រើរួមគ្នា។

・ឱសថFludarabine phosphate - អាចធ្វើអោយប៉ះពាល់ដល់មុខងារសួតនិងមានគ្រោះថ្នាក់ដល់ជីវិត

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថAllopurinol - អាចធ្វើអោយងាយកើតមានរោគប្រតិកម្ម ដូចជា កន្ទួលក្រហមលើស្បែក។ល។

・ឱសថVidarabine ប្រភេទថ្នាំលាប - ការប្រើឱសថVidarabine ប្រភេទថ្នាំចាក់ អាចធ្វើអោយប៉ះពាល់ដល់មុខងារថ្លើម តម្រងនោម ខួរក្បាល សួតនិងផ្នែកផ្សេងៗទៀតនៃរាងកាយ។

・ឱសថNelarabine - អាចធ្វើអោយសកម្មភាពរបស់ឱសថNelarabineថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅដោះកូនក្នុងអំឡុងពេលប្រើប្រាស់ឱសថនេះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

・ការប្រើឱសថPentostatinនិងឱសថVidarabineប្រភេទជាថ្នាំចាក់រួមគ្នា អាចបង្កជាផលរំខានធ្ងន់ធ្ងរប៉ះពាល់ដល់មុខងារថ្លើម មុខងារតម្រងនោម ប្រព័ន្ធសរសៃប្រសាទ ជាដើម ដូច្នេះ មិនត្រូវប្រើឱសថទាំងពីរនេះរួមគ្នានោះទេ។

・ការប្រើឱសថនេះរួមជាមួយនឹងឱសថFludarabine phosphate អាចធ្វើអោយប៉ះពាល់ដល់សរីរាង្គសួតធ្ងន់ធ្ងរ ដូច្នេះ ហាមប្រើឱសថទាំងពីរនេះរួមគ្នា។

ឱសថនេះរារាំងសកម្មភាពនៃអង់ស៊ីមAdenosine deaminaseខ្លាំងក្លា ធ្វើអោយកកើតនូវសារធាតុក្នុងស្រឡាយអាដេណូស៊ីន(Adenosine) ដូចជា Deoxyadenosine ជាដើម ដោយសារធាតុទាំងនោះមានប្រសិទ្ធភាពប្រឆាំងនឹងកោសិកាមហារីក។