Pembrolizumab

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ការប្រុងប្រយ័ត្នជាពិសេស

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជំងឺមហារីកMalignant melanoma

      - ជំងឺមហារីកសួតប្រភេទNon-small-cell lung carcinoma ដែលកំពុងវិវត្តឬរើឡើងវិញ ហើយមិនអាចព្យាបាលដោយវះកាត់បាន

      - ជំងឺមហារីកHodgkin's lymphoma ដែលរើឡើងវិញឬលក្ខណៈពិបាកព្យាបាល

      - ជំងឺUrothelial carcinoma នៅផ្លូវនោម ដែលស្ថានភាពកាន់តែធ្ងន់ធ្ងរក្ក្រោយការព្យាបាលដោយគីមី ហើយមិនអាចព្យាបាលជាសះស្បើយដោយការវះកាត់

      - ជំងឺមហារីកលក្ខណៈដុំសាច់ដែលមានMSI-High លក្ខណៈកំពុងវិវត្តឬរើឡើងវិញ ដែលស្ថានភាពកាន់តែធ្ងន់ធ្ងរក្ក្រោយការព្យាបាលដោយគីមី (ចំពោះករណីពិបាកព្យាបាលដោយវិធីព្យាបាលទូទៅប៉ុណ្ណោះ)

      - ជំងឺមហារីកកោសិកាតម្រងនោម ដែលមិនអាចព្យាបាលជាសះស្បើយដោយការវះកាត់ ឬ លក្ខណៈរាលដាលទៅសរីរាង្គផ្សេងទៀត

      - ជំងឺមាហារីកនៅផ្នែកក្បាលនិងក ដែលរើឡើងវិញ ឬ លក្ខណៈរាលដាលទៅសរីរាង្គនៅឆ្ងាយ។

    • កម្រិតប្រើប្រាស់

      ថ្នាំចាក់：

      ・ករណីជំងឺមហារីកMalignant melanoma:

      មនុស្សពេញវ័យ: ប្រើក្នុងកម្រិត1ដង 200mg ដោយព្យួរសេរ៉ូមតាមសរសៃវ៉ែនរយៈពេល30នាទី រៀងរាល់3សប្ដាហ៍ម្ដង។ ករណីប្រើឱសថនេះជាជំនួយក្រោយការវះកាត់ រយៈពេលនៃការប្រើឱសថនេះគឺត្រឹម12ខែ។

      ・ករណីជំងឺមហារីកសួតប្រភេទNon-small-cell lung carcinoma ដែលកំពុងវិវត្តឬរើឡើងវិញ ហើយមិនអាចព្យាបាលដោយវះកាត់បាន ជំងឺមហារីកHodgkin's lymphoma ដែលរើឡើងវិញឬលក្ខណៈពិបាកព្យាបាល ជំងឺUrothelial carcinoma នៅផ្លូវនោម ដែលស្ថានភាពកាន់តែធ្ងន់ធ្ងរក្ក្រោយការព្យាបាលដោយគីមី ហើយមិនអាចព្យាបាលជាសះស្បើយដោយការវះកាត់ ជំងឺមហារីកលក្ខណៈដុំសាច់ដែលមានMSI-High លក្ខណៈកំពុងវិវត្តឬរើឡើងវិញ ដែលស្ថានភាពកាន់តែធ្ងន់ធ្ងរក្ក្រោយការព្យាបាលដោយគីមី (ចំពោះករណីពិបាកព្យាបាលដោយវិធីព្យាបាលទូទៅប៉ុណ្ណោះ) ជំងឺមាហារីកនៅផ្នែកក្បាលនិងក ដែលរើឡើងវិញ ឬ លក្ខណៈរាលដាលទៅសរីរាង្គនៅឆ្ងាយ:

      មនុស្សពេញវ័យ: ប្រើក្នុងកម្រិត1ដង 200mg ដោយព្យួរសេរ៉ូមតាមសរសៃវ៉ែនរយៈពេល30នាទី រៀងរាល់3សប្ដាហ៍ម្ដង។

      ・ករណីជំងឺមហារីកកោសិកាតម្រងនោម ដែលមិនអាចព្យាបាលជាសះស្បើយដោយការវះកាត់ ឬ លក្ខណៈរាលដាលទៅសរីរាង្គផ្សេងទៀត:

      មនុស្សពេញវ័យ: ប្រើក្នុងកម្រិត1ដង 200mg ដោយព្យួរសេរ៉ូមតាមសរសៃវ៉ែនរយៈពេល30នាទី រៀងរាល់3សប្ដាហ៍ម្ដង ដោយប្រើរួមជាមួយឱសថAxitinib។

    • ហាមប្រើ

      ・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

    • ការប្រុងប្រយ័ត្នជាពិសេស

      ・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកដោយគីមី។

      ・ត្រូវប្រុងប្រយ័ត្នជាពិសេសចំពោះផលរំខានធ្វើអោយកើតមានជំងឺសួតប្រភេទInterstitial lung disease ដែលមានរោគសញ្ញាដំបូង ដូចជា ដកដង្ហើមដង្ហក់ ពិបាកដកដង្ហើម ក្អក ហត់ ជាដើម។ អ្នកជំងឺត្រូវទទួលការពិនិត្យដោយកាំរស្មីអ៊ិច និង តាមដានរោគសញ្ញា។ ប្រសិនបើមានភាពខុសប្រក្រតី ត្រូវបញ្ឈប់ការប្រើឱសថនេះ រួចធ្វើការព្យាបាលអោយបានសមស្របដោយប្រើឱសថស្តេរ៉ូអ៊ីតជាដើម។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល