Paromomycin sulfate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ថ្នាំលេប：

      ជាទូទៅ ឱសថនេះប្រើនៅក្នុងការព្យាបាលជំងឺឆ្លងប៉ារ៉ាស៊ីតអាមីបនៅពោះវៀន (Intestinal amebiasis)។

    • កម្រិតប្រើប្រាស់

      ករណីថ្នាំលេប：

      មនុស្សពេញវ័យ：លេប1ថ្ងៃ1500mg ដោយបែងចែកជា3ដងក្នុង1ថ្ងៃ ក្រោយបរិភោគអាហារ។ ប្រើឱសថនេះរយៈពេល10ថ្ងៃ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រឆាំងបាក់តេរីប្រភេទអាមីណូគ្លីកូសាយ (Aminoglycoside antibiotics) ផ្សេងទៀត ឬ សារធាតុBacitracin។

      ・អ្នកដែលមានជំងឺស្ទះពោះវៀន (Ileus)។

    • ផលរំខាន

      ផលរំខានរួមមាន រាករូស មិនសូវឃ្លានអាហារ ចង់ក្អួត ក្អួត ឈឺពោះ ស្រូបសារធាតុចិញ្ចឹមមិនសូវបានល្អ ពិបាករំលាយអាហារ រលាកលំពែង ឈឺក្បាល វិលមុខ ពិបាកស្ដាប់លឺ កន្ទាលត្រអាក កន្ទួលក្រហម នោមលាយឈាម។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - បរិមាណទឹកនោមថយចុះ ហើមមុខ អស់កម្លាំងពេញខ្លួន (ប៉ះពាល់មុខងារតម្រងនោម)

      - វិលមុខលក្ខណៈវិលខ្ញាល់ ពិបាកស្ដាប់លឺ (ប៉ះពាល់សរសៃប្រសាទខួរក្បាលទី8)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថដែលអាចប៉ះពាល់ដល់សរីរាង្គស្ដាប់ឬតម្រងនោម (ឱសថKanamycin, ឱសថGentamicin, ឱសថColistin, ឱសថFurosemide ជាដើម) - អាចធ្វើអោយរោគសញ្ញានៃផលប៉ះពាល់ដល់សរីរាង្គស្ដាប់ឬតម្រងនោមកើតឡើង។

      ・ឱសថស្ពឹកឬសណ្ដំ, ឱសថបន្ធូរការកន្ត្រាក់នៃសាច់ដុំ (ឱសថTubocurarine, ឱសថPancuronium bromide, ឱសថVecuronium bromide, ឱសថTolperisone, ឱសថBotulinum toxin typeA ជាដើម) - អាចប៉ះពាល់ដល់ប្រព័ន្ធដំណកដង្ហើម។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់ប៉ុណ្ណោះ។ ម្យ៉ាងទៀត ស្ត្រីដែលអាចមានផ្ទៃពោះ គួរប្រើវិធីពន្យារកំណើតក្នុងអំឡុងពេលប្រើប្រាស់ឱសថនេះ។

      ・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះមានសកម្មភាពភ្ជាប់ទៅនឹងរីបូសូម30s ដើម្បីទប់ស្កាត់ដំណើរការសំយោគប្រូតេអ៊ីននៅក្នុងកោសិកានៃមេរោគ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល