Paliperidone

ជាទូទៅ ឱសថនេះប្រើនៅក្នុងការព្យាបាលជំងឺវិកលចរឹត (Schizophrenia)។

ថ្នាំលេប：

＜ប្រភេទបញ្ចេញសារធាតុឱសថយឺតៗ＞

មនុស្សពេញវ័យ：លេប1ថ្ងៃ1ដង 6mg ក្រោយអាហារពេលព្រឹក។ អាចបង្កើនកម្រិតទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ 12mg ហើយត្រូវទុកគម្លាតរយៈពេលយ៉ាងហោចណាស់5ថ្ងៃមុននឹងបង្កើនកម្រិតឱសថម្ដងៗ ដោយបង្កើនម្ដង3mg/ថ្ងៃ។

・អ្នកដែលកំពុងស្ថិតក្នុងស្ថានភាពបាត់បង់ស្មារតី(Coma)។

・អ្នកជំងឺដែលកំពុងស្ថិតក្រោមឥទ្ធិពលនៃឱសថដែលមានសកម្មភាពទប់ស្កាត់ប្រព័ន្ធសរសៃប្រសាទ ដូចជាឱសថប្រភេទBarbiturates ឱសថសណ្ដំឬស្ពឹក ជាដើម។

・អ្នកជំងឺដែលកំពុងប្រើប្រាស់ឱសថAdrenaline (លើកលែងករណីដែលត្រូវប្រើឱសថAdrenalineសម្រាប់ព្យាបាលរោគប្រតិកម្មធ្ងន់ធ្ងរAnaphylaxisជាបន្ទាន់)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថRisperidone។

・អ្នកដែលមានបញ្ហាមុខងារតម្រងនោមចាប់ពីកម្រិតមធ្យមដល់កម្រិតធ្ងន់ធ្ងរ។

ងងឹតមុខពេលក្រោកឈរ វិលមុខ ងងុយគេង ស្ងួតក ទល់លាមក បេះដូងលោតញាប់ កើនទម្ងន់ រដូវមិនទៀង ចេញទឹកដោះ។

・អ្នកជំងឺទឹកនោមផ្អែម នៅពេលប្រើប្រាស់ឱសថនេះ អាចធ្វើអោយកម្រិតជាតិស្ករក្នុងឈាមកើនឡើង ដូច្នេះ គួរធ្វើការពិនិត្យតាមដានអោយបានម៉ត់ចត់។

ទប់ស្កាត់ការភ្ញោចគ្រឿងទទួលដូប៉ាមីន(D2 receptor) ដើម្បីកាត់បន្ថយរោគសញ្ញាវិជ្ជមាន(Positive symptoms) និង ទប់ស្កាត់ការភ្ញោចគ្រឿងទទួលសេរ៉ូតូនីន5-HT2(5-HT2 receptor) ដើម្បីកាត់បន្ថយរោគសញ្ញាអវិជ្ជមាន(Negative symptoms)។