Oxybutynin hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលអាការៈចង់នោមខ្លាំងទ្រាំមិនបាន អាការៈនោមញឹក ឬ អាការៈលេចនោមទ្រាំមិនបាន (Urinary urge incontinence) ដែលកើតមាននៅក្នុងជំងឺដូចខាងក្រោម៖

- ជំងឺប្លោកនោមទាក់ទងនឹងប្រព័ន្ធសរសៃប្រសាទ (Neurogenic bladder)

- ជំងឺប្លោកនោមមិនមានលំនឹង (Unstable bladder) (ជាស្ថានភាពនៃប្លោកនោមងាយភ្ញោចខុសប្រក្រតី(Overactive bladder, OAB)និងមិនអាចទប់ស្កាត់ការកន្ត្រាក់នៃប្លោកនោមបាន)។

ករណីថ្នាំបិទលើស្បែក：

ជាទូទៅ ឱសថនេះប្រើនៅក្នុងការព្យាបាលអាការៈចង់បត់ជើងតូចខ្លាំងទ្រាំមិនបាន អាការៈនោមញឹក ឬ អាការៈលេចនោមទ្រាំមិនបាន (Urinary urge incontinence) ដែលកើតមាននៅក្នុងជំងឺប្លោកនោមងាយភ្ញោចខុសប្រក្រតី(Overactive bladder, OAB)។

ករណីថ្នាំលេប：

មនុស្សពេញវ័យ：លេប1ដង2～3mg 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំបិទលើស្បែក：

មនុស្សពេញវ័យ：ប្រើ1ថ្ងៃ1ដង73.5mg (1សន្លឹក) បិទនៅលើផ្នែកខាងក្រោមនៃពោះ ផ្នែកចង្កេះ ឬ ភ្លៅ។ ផ្លាស់ប្ដូររៀងរាល់24ម៉ោង។

ករណីថ្នាំលេប：

・អ្នកដែលមានអាការៈស្ទះនោមឬពិបាកបញ្ចេញទឹកនោមជាដើមដោយសារការស្ទះនៅផ្លូវនោមផ្នែកខាងក្រោម។

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

・អ្នកដែលមានជំងឺបេះដូងកម្រិតធ្ងន់ធ្ងរ។

・អ្នកដែលមានជំងឺស្ទះពោះវៀនលក្ខណៈស្ពឹក(Paralytic ileus)។

・អ្នកដែលមានស្ថានភាពរាងកាយទន់ខ្សោយ ឬ មនុស្សចាស់ដែលមានជំងឺខ្សោយសាច់ដុំពោះវៀន(Intestinal atony)ឬជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis)។

・ស្ត្រីបំបៅដោះកូន។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំបិទលើស្បែក：

・អ្នកដែលមានអាការៈស្ទះនោម។

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

・អ្នកដែលមានជំងឺបេះដូងកម្រិតធ្ងន់ធ្ងរ។

・អ្នកដែលមានអាការៈស្ទះនៅចុងក្រពះ(Pylorus) ឬ នៅគល់ពោះវៀនតូច(Duodenum) ឬ ស្ទះពោះវៀនលក្ខណៈស្ពឹក។

・អ្នកដែលមានជំងឺខ្សោយសាច់ដុំក្រពះ(Gastric atony)ឬជំងឺខ្សោយសាច់ដុំពោះវៀន(Intestinal atony)។

・អ្នកដែលមានជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីបំបៅដោះកូន។

ស្ងួតក រាករូស វិលមុខ ឈឺក្បាល ។ល។

・មិនប្រើចំពោះអ្នកដែលមានជំងឺក្លូកូម(Glaucoma)នោះទេ។

បង្អាក់សកម្មភាពនៃសារធាតុអាសេទីលកូលីន ដើម្បីទប់ស្កាត់ការកន្ត្រាក់នៃប្លោកនោម ធ្វើអោយប្លោកនោមអាចរីកធំនិងផ្ទុកទឹកនោមបានច្រើនជាងមុន។ ម្យ៉ាងទៀត ឱសថនេះក៏មានប្រសិទ្ធិភាពប្រឆាំងនឹងសកម្មភាពនៃកាល់ស្យូមនៅក្នុងការកន្ត្រាក់សាច់ដុំរលោងនៅក្នុងប្លោកនោមផងដែរ។