Oxitropium bromide

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុងជំងឺដូចខាងក្រោម ៖

      - ជំងឺហឺត(Bronchial asthma)

      - ជំងឺសួតលក្ខណៈស្ទះផ្លូវដង្ហើមរ៉ាំរ៉ៃ (COPD) រួមមាន ជំងឺរលាកទងសួតរ៉ាំរ៉ៃ និង ជំងឺខ្យល់ដក់ក្នុងសួត (Pulmonary emphysema)។

    • កម្រិតប្រើប្រាស់

      ថ្នាំបាញ់ស្រូបតាមមាត់：

      ប្រើ1ដង0.1～0.2mg, 1ថ្ងៃ3ដង ដោយបាញ់ដើម្បីស្រូបតាមមាត់។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

    • ហាមប្រើ

      ・អ្នកដែលមានជំងឺក្លូកូម(Glaucoma)។

      ・អ្នកដែលមានជំងឺក្រពេញប្រូស្តាតរីកធំ(Prostatomegaly)។

      ・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទScopolamine។

    • ផលរំខាន

      មិនមានផលរំខានបង្កជាបញ្ហាគួរអោយកត់សម្គាល់នោះទេ ប៉ុន្តែ អាចធ្វើអោយមានអាការៈដូចជា ឈឺក្បាល ក្អួត បេះដូងលោតញាប់ ។ល។

    • ការប្រុងប្រយ័ត្នជាពិសេស

      ・ឱសថនេះមិនមានប្រសិទ្ធិភាពបំបាត់អាការៈហឺតដែលកើតឡើងភ្លាមៗនោះទេ ប៉ុន្តែ វាមានប្រសិទ្ធិភាពកាត់បន្ថយអាការៈងាយប្រតិកម្មរបស់បំពង់ខ្យល់ជាដើម ដោយគេច្រើនប្រើឱសថនេះសម្រាប់ការបង្ការកុំអោយកើតមានអាការៈហឺត។ ឱសថនេះត្រូវការរយៈពេលយូរបន្តិចមុននឹងបង្ហាញប្រសិទ្ធិភាព។

      ・ឱសថនេះមានទម្រង់ដែលអាចធ្វើអោយអ្នកជំងឺយល់ច្រឡំថាជាឱសថដែលអាចបំបាត់អាការៈហឺតដែលកើតឡើងភ្លាមៗ។ ដូច្នេះ ត្រូវពន្យល់អ្នកជំងឺអោយបានច្បាស់លាស់។

      ・គេច្រើនប្រើឱសថនេះនៅពេលឱសថផ្សេងទៀតមិនមានប្រសិទ្ធិភាពព្យាបាល។

    • សកម្មភាពឱសថ

      ប្រសិនបើបំពង់ខ្យល់ស្ថិតក្នុងស្ថានភាពងាយប្រតិកម្ម នោះនៅពេលមានការភ្ញោចបន្តិច សារធាតុអាសេទីលកូលីន(Acetylcholine)នឹងត្រូវបានបញ្ចេញ ហើយបំពង់ខ្យល់នឹងកន្ត្រាក់ធ្វើអោយរួមតូច។ ឱសថនេះមានសកម្មភាពប្រឆាំងនឹងសារធាតុអាសេទីលកូលីន(Acetylcholine)ដើម្បីបន្ធូរការកន្ត្រាក់នៃបំពង់ខ្យល់។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល