Ondansetron hydrochloride hydrate

ជាទូទៅ ឱសថនេះប្រើនៅក្នុងការបំបាត់អាការៈចង់ក្អួតឬក្អួត ដែលកើតឡើងដោយសារការប្រើប្រាស់ឱសថប្រឆាំងជំងឺមហារីក (ឱសថCisplatin ជាដើម)។

ករណីថ្នាំលេប：

- មនុស្សពេញវ័យ：លេប1ថ្ងៃ1ដង4mg នៅ1～2ម៉ោងមុនពេលប្រើឱសថប្រឆាំងជំងឺមហារីក។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីប្រសិទ្ធិភាពមិនគ្រប់គ្រាន់ អាចប្ដូរទៅប្រើឱសថចាក់វិញក្នុងកម្រិតដូចគ្នា។

- កុមារ：លេប1ថ្ងៃ1ដង2.5mg/m² (ថ្នាំទឹក0.05%ត្រូវនឹង 5mL/m²) នៅ1～2ម៉ោងមុនពេលប្រើឱសថប្រឆាំងជំងឺមហារីក។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ដងគឺ 4mg (ថ្នាំទឹក0.05%ត្រូវនឹង8mL)។ ករណីប្រសិទ្ធិភាពមិនគ្រប់គ្រាន់ អាចប្ដូរទៅប្រើឱសថចាក់វិញក្នុងកម្រិតដូចគ្នា(2.5mg/m²)។

ករណីថ្នាំចាក់：

- មនុស្សពេញវ័យ：ប្រើ1ថ្ងៃ1ដង4mg ដោយចាក់តាមសរសៃវ៉ែនយឺតៗ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីប្រសិទ្ធិភាពមិនគ្រប់គ្រាន់ អាចប្រើក្នុងកម្រិតដដែលម្ដងទៀត។

- កុមារ：ប្រើ1ថ្ងៃ1ដង2.5mg/m² ដោយចាក់តាមសរសៃវ៉ែនយឺតៗ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីប្រសិទ្ធិភាពមិនគ្រប់គ្រាន់ អាចប្រើក្នុងកម្រិតដដែលម្ដងទៀត។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ឈឺក្បាល ធ្ងន់ក្បាល ទល់លាមក រមាស់ស្បែក ឡើងកន្ទួលក្រហម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម កន្ទាលត្រអាក ទឹកមុខស្លេកស្លាំង (រោគប្រតិកម្មធ្ងន់ធ្ងរ)

- កន្ត្រាក់សាច់ដុំមួយផ្នែកឬពេញខ្លួន ញ័រ បាត់បង់ស្មារតី មិនចាំហេតុការណ៍មុនកើតមានអាការៈ (រោគសញ្ញាស្រដៀងជំងឺប្រកាច់)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលបង្កើនសកម្មភាពនៃអង់ស៊ីមCYP3A4 (Phenytoin, Carbamazepine, Rifampicin ជាដើម) - អាចធ្វើអោយសកម្មភាពនៃឱសថOndansetronថយចុះ។

・ឱសថTramadol - អាចធ្វើអោយសកម្មភាពនៃឱសថTramadolថយចុះ។

・ឱសថប្រភេទSSRI, ឱសថប្រភេទSNRI, ឱសថប្រភេទMAO inhibitors - អាចធ្វើអោយកើតមានបណ្ដុំរោគសញ្ញាសេរ៉ូតូនីន (អារម្មណ៍មិនស្ងប់ វង្វេងវង្វាន់ ញ័រដៃជើង ជីពចរដើរលឿន ជាដើម)។

・ឱសថApomorphine - អាចធ្វើអោយកើតមានអាការៈសម្ពាធឈាមចុះទាប ជីពចរខ្សោយ សាច់ដុំកន្ត្រាក់ បាត់បង់ស្មារតី ជាដើម។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ករណីថ្នាំចាក់：មិនត្រូវលាយឱសថនេះជាមួយថ្នាំចាក់Furosemideទេ ព្រោះវាអាចធ្វើអោយកើតមានកករនៅក្នុងសូលុយស្យុង។

ឱសថនេះមានសកម្មភាពភ្ជាប់ទៅនឹងគ្រឿងទទួលសេរ៉ូតូនីន3 (5-HT3 receptor) ដើម្បីបង្អាក់ដំណើរការនៃការភ្ញោចគ្រឿងទទួលនេះពីការភ្ជាប់នៃសារធាតុសេរ៉ូតូនីន នៅតាមពោះវៀននិងនៅប្រព័ន្ធCTZ (Chemoreceptor trigger zone)។