Omeprazole + Clarithromycin + Amoxicillin hydrate

ជាទូទៅ ឱសថនេះប្រើនៅក្នុងការកម្ចាត់បាក់តេរីហេលីកូបាក់ធើភីឡូរី(Helicobacter pylori) ដែលជាមូលហេតុនៃជំងឺដូចខាងក្រោម៖

ជំងឺដំបៅក្រពះឬគល់ពោះវៀនតូច(Duodenal ulcer) ជំងឺមហារីកកោសិកាទឹករងៃMALTនៅក្រពះ(Gastric MALT lymphoma) ជំងឺស្នាមជាំស្វាយលើស្បែកដោយសារប្លាកែតថយចុះលក្ខណៈមិនដឹងមូលហេតុ(Idiopathic Thrombocytopenic Purpura, ITP) ជំងឺរលាកក្រពះដោយសារបាក់តេរីហេលីកូបាក់ធើភីឡូរី(Helicobacter pylori) និង ជំងឺឆ្លងបាក់តេរីហេលីកូបាក់ធើភីឡូរី(Helicobacter pylori)នៅក្រោយពេលព្យាបាលជំងឺមហារីកក្រពះដំណាក់កាលដំបូងដោយប្រើអង់ដូស្កុប។

ថ្នាំលេប：

មនុស្សពេញវ័យ：ប្រើក្នុងកម្រិតដូចខាងក្រោមសម្រាប់1ដង 1ថ្ងៃ2ដង រយៈពេល7ថ្ងៃ：

- Omeprazole 20mg

- Clarithromycin 200mg ឬ 400mg

- Amoxicillin hydrate 750mg

កម្រិតអតិបរមានៃការប្រើឱសថClarithromycinគឺ1ដង400mg 1ថ្ងៃ2ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថដូចខាងក្រោម: Atazanavir sulfate, Rilpivirine hydrochloride, Pimozide, ឱសថដែលផ្ទុកសារធាតុErgotamine, Suvorexant, Lomitapide mesilate, Tadalafil, Ticagrelor, Ibrutinib, Asunaprevir, Ivabradine hydrochloride, Venetoclax(នៅដំណាក់កាលបង្កើនកម្រិតប្រើប្រាស់)។

・អ្នកដែលមានបញ្ហាថ្លើមឬតម្រងនោម និង កំពុងប្រើប្រាស់ឱសថColchicine។

・អ្នកដែលមានជំងឺ Infectious mononucleosis។

・អ្នកដែលមានបញ្ហាតម្រងនោមកម្រិតធ្ងន់ធ្ងរ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលធ្លាប់កើតមានរោគប្រតិកម្មជាមួយនឹងឱសថប្រឆាំងបាក់តេរីប្រភេទពេនីស៊ីលីន។

・ផលរំខាននៃ Amoxicillin hydrate ：អាការៈប្រតិកម្មធ្ងន់ធ្ងរ(Shock) រោគសញ្ញាស្រដៀងនឹងប្រតិកម្មអាណាហ្វីឡាក់ស៊ីស(Anaphylaxis) បណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome ឬ StevensJohnson syndrome) ផលប៉ះពាល់តម្រងនោម ។ល។

・ផលរំខាននៃ Clarithromycin：ផលប៉ះពាល់មុខងារថ្លើម ក្ដៅខ្លួន ក្អក ពិបាកដកដង្ហើម។ល។

・ក្រៅពីនេះ រួមមាន លាមកទន់ រាករូស។

・ប្រើនៅក្នុងការសាកល្បងកម្ចាត់បាក់តេរី ហេលីកូបាក់តា ភីឡូរី (Helicobacter pylori) ក្នុងក្រពះ ជាលើកទីមួយ។

ទប់ស្កាត់ការសំយោគភ្នាសក្រៅនៃកោសិកា និង ការផលិតប្រូតេអ៊ីននៅក្នុងបាក់តេរីភីឡូរី។