Omeprazole

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ដំបៅក្រពះ ដំបៅគល់ពោះវៀនតូច(Duodenal ulcer) ដំបៅនៅកន្លែងដេរភ្ជាប់ រលាកបំពង់អាហារដោយសារការច្រាលអាស៊ីតក្រពះ(Reflux esophagitis) ការច្រាលអាស៊ីតក្រពះដោយមិនមានដាច់រលាត(Nonerosive reflux disease) បណ្ដុំរោគសញ្ញាZollinger-Ellison

- ជាជំនួយនៅក្នុងការកម្ចាត់បាក់តេរីHelicobacter pylori សម្រាប់ការព្យាបាលជំងឺដូចខាងក្រោម：ដំបៅក្រពះ, ដំបៅគល់ពោះវៀនតូច(Duodenal ulcer), ជំងឺមហារីកកោសិកាទឹករងៃនៃភ្នាសសើមក្រពះ(Gastric MALT lymphoma), ជំងឺស្នាមជាំស្វាយលើស្បែកដោយសារការថយចុះនៃប្លាកែត(Idiopathic thrombocytopenic purpura(ITP)) ក្រោយការព្យាបាលជំងឺមហារីកក្រពះដំណាក់កាលដំបូងដោយប្រើអង់ដូស្កូប, ជំងឺរលាកក្រពះដោយសារការឆ្លងបាក់តេរីHelicobacter pylori។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ចំពោះអ្នកជំងឺដែលមិនអាចប្រើប្រាស់ឱសថប្រភេទលេបបាន៖

- ជំងឺដំបៅក្រពះ ដំបៅគល់ពោះវៀនតូច(Duodenal ulcer) ជំងឺដំបៅដោយសារស្ត្រេសលក្ខណៈស្រួចស្រាវ និង បញ្ហាភ្នាសក្រពះលក្ខណៈស្រួចស្រាវ ដែលរួមមានរោគសញ្ញាហូរឈាម

- បណ្ដុំរោគសញ្ញាZollinger-Ellison។

ករណីថ្នាំលេប：

・ករណីជំងឺដំបៅក្រពះ ដំបៅគល់ពោះវៀនតូច(Duodenal ulcer) ដំបៅនៅកន្លែងដេរភ្ជាប់

និង បណ្ដុំរោគសញ្ញាZollinger-Ellison：

មនុស្សពេញវ័យ：លេប1ថ្ងៃ1ដង20mg។ ចំពោះជំងឺដំបៅក្រពះ និង ដំបៅនៅកន្លែងដេរភ្ជាប់ ប្រើត្រឹមរយៈពេល8សប្ដាហ៍ ។ ចំពោះជំងឺដំបៅគល់ពោះវៀនតូច(Duodenal ulcer) ប្រើត្រឹមរយៈពេល6សប្ដាហ៍។

・ករណីជំងឺរលាកបំពង់អាហារដោយសារការច្រាលអាស៊ីតក្រពះ(Reflux esophagitis)：

មនុស្សពេញវ័យ：លេប1ថ្ងៃ1ដង20mg ដោយប្រើត្រឹមរយៈពេល8សប្ដាហ៍។ ចំពោះជំងឺរលាកបំពង់អាហារដោយសារការច្រាលអាស៊ីតក្រពះលក្ខណៈកើតឡើងវិញម្ដងហើយម្ដងទៀត ត្រូវប្រើជាប្រចាំក្នុងកម្រិត1ថ្ងៃ1ដង10～20mg។

・ករណីជំងឺច្រាលអាស៊ីតក្រពះដោយមិនមានដាច់រលាត(Nonerosive reflux disease)：

មនុស្សពេញវ័យ：លេប1ថ្ងៃ1ដង10mg ដោយប្រើត្រឹមរយៈពេល4សប្ដាហ៍។

・ករណីប្រើជាជំនួយនៅក្នុងការកម្ចាត់បាក់តេរីHelicobacter pylori：

មនុស្សពេញវ័យ：លេបឱសថ3ប្រភេទ រួមមាន ឱសថOmeprazole 20mg, ឱសថAmoxicillin hydrate 750mg និង ឱសថClarithromycin 200mg ក្នុង1ដង។ លេបក្នុងកម្រិតនេះ 1ថ្ងៃ2ដង រយៈពេល7ថ្ងៃ។ អាចបង្កើនកម្រិតឱសថClarithromycinទៅតាមការចាំបាច់ ប៉ុន្តែ កម្រិតអតិបរមានៃឱសថនេះគឺ1ដង400mg 1ថ្ងៃ2ដង។ ករណីការប្រើឱសថទាំង3ខាងលើមិនអាចកម្ចាត់បាក់តេរីHelicobacter pyloriដោយជោគជ័យទេ គេអាចអនុវត្តម្ដងទៀតដោយបន្សំ ឱសថOmeprazole 20mg, ឱសថAmoxicillin hydrate 750mg និង ឱសថMetronidazole 250mg ក្នុង1ដង។ លេបក្នុងកម្រិតនេះ 1ថ្ងៃ2ដង រយៈពេល7ថ្ងៃ។

ករណីថ្នាំចាក់：

មនុស្សពេញវ័យ: ប្រើក្នុងកម្រិត1ដង 20mg លាយនៅក្នុងសេរ៉ូមប្រៃ(Saline)ឬសេរ៉ូមគ្លុយកូស5% រួចព្យួរសេរ៉ូមតាមសរសៃវ៉ែន 1ថ្ងៃ2ដង។ ឬក៏អាចប្រើក្នុងកម្រិតដូចគ្នាគឺ 1ដង 20mg លាយនៅក្នុងសេរ៉ូមប្រៃ(Saline)ឬសេរ៉ូមគ្លុយកូស5%បរិមាណ20mL រួចចាក់តាមសរសៃវ៉ែនយឺតៗ 1ថ្ងៃ2ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថAtazanavir Sulfate ឬ ឱសថRilpivirine hydrochloride។

ផលរំខានរួមមាន រាករូសឬលាមកជ្រាយ ឈឺបំពង់ក ក្ដៅខ្លួន ដំបៅមាត់ ជីវ្ហាវិញាណខុសប្រក្រតី ឡើងកន្ទួលក្រហម រមាស់ស្បែក ប៉ះពាល់មុខងារថ្លើម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម កន្ទាលត្រអាក ហើមមុខ បបូរមាត់និងអណ្ដាត (រោគប្រតិកម្មធ្ងន់ធ្ងរ)

- រួយខ្លួន ក្ដៅខ្លួន ឈាមច្រមុះ ហូរឈាមក្រោមស្បែក (រោគសញ្ញានៃការថយចុះគ្រាប់ឈាមស គ្រាប់ឈាមក្រហម ប្លាកែត)

- ចង់ក្អួត ក្អួតចង្អោរ អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមមានបញ្ហា ខាន់លឿង)

- ក្ដៅខ្លួន ក្អក ដង្ហក់ (រលាកសួតប្រភេទInterstitial pneumonia)

- បរិមាណទឹកនោមថយចុះ ខ្សត់ទឹកនោម ក្ដៅខ្លួន (មុខងារតម្រងនោមចុះខ្សោយស្រួចស្រាវ ជំងឺរលាកតម្រងនោមប្រភេទInterstitial nephritis)

- ឈឺសាច់ដុំដៃនិងជើង ស្ពឹករឹង ទឹកនោមមានពណ៌ក្រហមត្នោត ( ជំងឺRhabdomyolysis)

- ក្តៅខ្លួន អស់កម្លាំង កន្ទួលក្រហមនៅលើស្បែក ភ្នែកនិងក្នុងមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN))

- មើលមិនសូវច្បាស់ (ប៉ះពាល់ចក្ខុវិញាណ)។

・ឱសថAtazanavir Sulfate, ឱសថRilpivirine hydrochloride - អាចធ្វើអោយប្រសិទ្ធិភាពនៃឱសថទាំងនេះថយចុះ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថDiazepam, ឱសថPhenytoin, ឱសថCilostazol - អាចធ្វើអោយសកម្មភាពនៃឱសថទាំងនេះកើនឡើង។

・ឱសថWarfarin - អាចធ្វើអោយសកម្មភាពនៃឱសថWarfarinកើនឡើង។

・ឱសថTacrolimus hydrate - អាចធ្វើអោយកំហាប់ក្នុងឈាមនៃឱសថTacrolimus hydrateកើនឡើង។

・ឱសថDigoxin, ឱសថMetildigoxin - អាចធ្វើអោយសកម្មភាពនៃឱសថទាំងនេះកើនឡើង។

・ឱសថItraconazole - អាចធ្វើអោយសកម្មភាពនៃItraconazoleថយចុះ។

・ឱសថប្រភេទប្រឆាំងអង់ស៊ីមTyrosine kinase(Gefitinib, Erlotinib) - អាចធ្វើអោយកំហាប់ក្នុងឈាមនៃឱសថទាំងនេះថយចុះ។

・ឱសថVoriconazole - អាចធ្វើអោយកំហាប់ក្នុងឈាមនៃឱសថVoriconazoleកើនឡើង។

・ឱសថNelfinavir mesilate - អាចធ្វើអោយកំហាប់ក្នុងឈាមនៃឱសថNelfinavir mesilateថយចុះ។

・ឱសថSaquinavir mesilate - អាចធ្វើអោយកំហាប់ក្នុងឈាមនៃឱសថSaquinavir mesilateកើនឡើង។

・ឱសថClopidogrel sulfate - អាចធ្វើអោយសកម្មភាពនៃឱសថClopidogrel sulfateថយចុះ។

・ឱសថMethotrexate - អាចធ្វើអោយកំហាប់ក្នុងឈាមនៃឱសថMethotrexateកើនឡើង។

・អាហារបំប៉នដែលមានផ្ទុកសារធាតុSt.John’s Wort - អាចធ្វើអោយកំហាប់ក្នុងឈាមនៃឱសថOmeprazzoleថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ជាទូទៅ មានការកំណត់ ដោយត្រូវប្រើរយៈពេល6សប្ដាហ៍សម្រាប់ជំងឺដំបៅគល់ពោះវៀនតូច(Duodenal ulcer) និងរយៈពេល8សប្ដាហ៍សម្រាប់ជំងឺផ្សេងទៀត។ ប៉ុន្តែ សម្រាប់ករណីជំងឺរលាកបំពង់អាហារដោយសារការច្រាលអាស៊ីតក្រពះ(Reflux esophagitis)ដែលកើតឡើងម្ដងហើយម្ដងទៀត មិនមានការកំណត់រយៈពេលនៃការប្រើប្រាស់ឱសថនេះទេ។

ឱសថនេះមានសកម្មភាពទប់ស្កាត់ដំណើរការនៃគ្រឿងចម្លងប្រូតុងProton pumpនៅក្នុងក្រពះ ដែលមានតួនាទីនៅក្នុងដំណាក់កាលចុងក្រោយនៃការបញ្ចេញអាស៊ីតក្រពះ ធ្វើអោយកម្រិតនៃជាតិអាស៊ីតនៅក្នុងក្រពះថយចុះ។