Omalizumab

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - ជំងឺហឺត(Bronchial asthma) (ករណីការប្រើឱសថផ្សេងទៀតនៅតែពិបាកគ្រប់គ្រងការកើតមានអាការៈហឺតតែប៉ុណ្ណោះ)។

      - អាការៈកន្ទាលត្រអាករ៉ាំរ៉ៃ (ករណីការប្រើឱសថផ្សេងទៀតមិនមានប្រសិទ្ធិភាពតែប៉ុណ្ណោះ)។

    • កម្រិតប្រើប្រាស់

      ថ្នាំចាក់:

      ・ជំងឺហឺត(Bronchial asthma):

      ជាទូទៅ ប្រើ1ដង 75~600mg ចាក់ក្រោមស្បែក រៀងរាល់2~4សប្ដាហ៍។ កម្រិតប្រើក្នុង1ដងនិងគម្លាតនៃការប្រើត្រូវបានកំណត់ទៅតាមកំហាប់ក្នុងឈាមសរុបនៃIgEនៅមុនពេលប្រើឱសថនេះនិងទម្ងន់របស់អ្នកជំងឺ (មានតារាងយោង)។

      ・អាការៈកន្ទាលត្រអាករ៉ាំរ៉ៃ:

      មនុស្សពេញវ័យនិងកុមាអាយុ12ឆ្នាំឡើងទៅ:ប្រើ1ដង300mg ចាក់ក្រោមស្បែក រៀងរាល់4សប្ដាហ៍។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      អាការៈប្រតិកម្មធ្ងន់ធ្ងរ(Shock) អាការៈស្រដៀងនឹងរោគប្រតិកម្មអាណាហ្វីឡាក់ស៊ីស(Anaphylaxis) ឈឺក្បាល វិលមុខ ចង់ក្អួត។

    • ការប្រុងប្រយ័ត្នជាពិសេស

      ・គេប្រើឱសថនេះចំពោះអ្នកជំងឺហឺតដែលការព្យាបាលដោយវិធីផ្សេងៗមិនមានប្រសិទ្ធិភាពនៅក្នុងការគ្រប់គ្រងការកើតមានអាការៈម្ដងហើយម្ដងទៀត។

      ・ឱសថនេះអាចផ្ដល់ផលរំខានជាអាការៈប្រតិកម្មធ្ងន់ធ្ងរ(Shock) ដូចជា ការកន្ត្រាក់ទងសួត អាការៈពិបាកដកដង្ហើម សម្ពាធឈាមចុះទាប បាត់បង់ស្មារតីជាដើម និង អាការៈស្រដៀងនឹងរោគប្រតិកម្មអាណាហ្វីឡាក់ស៊ីស(Anaphylaxis) ដូច្នេះ ត្រូវតាមដានស្ថានភាពរបស់អ្នកជំងឺអោយបានដិតដល់នៅក្រោយពេលប្រើប្រាស់ឱសថនេះ។

    • សកម្មភាពឱសថ

      មានសកម្មភាពទប់ស្កាត់ការភ្ជាប់នៃអង់ទីករIgEទៅនឹងគ្រឿងទទួលរបស់វា ដើម្បីទប់ស្កាត់ដំណើរការនៃការភ្ញោចអោយកោសិកាបង្កអាការៈរលាកមានសកម្មភាពឡើង។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp