Ofatumumab

ជាទូទៅ ឱសថនេះប្រើនៅក្នុងការព្យាបាលជំងឺមហារីកគ្រាប់ឈាមសប្រភេទកោសិកាទឹករងៃលក្ខណៈរ៉ាំរ៉ៃ (Chronic lymphocytic leukemia) ដែលរើឡើងវិញឬពិបាកព្យាបាល និងមានវត្តមានៃCD20។

ថ្នាំចាក់：

មនុស្សពេញវ័យ ប្រើ1សប្ដាហ៍ម្ដង។ នៅលើកទី1 ប្រើក្នុងកម្រិត1ដង300mg ហើយចាប់ពីលើកទី2ទៅ ប្រើក្នុងកម្រិត1ដង2000mg ដោយព្យួរសេរ៉ូមតាមសរសៃវ៉ែន។ អនុវត្តដូចនេះរហូតដល់ការប្រើលើកទី8។ 4～5សប្ដាហ៍បន្ទាប់ពីការប្រើលើកទី8 ត្រូវប្រើក្នុងកម្រិត1ដង2000mgរៀងរាល់4សប្ដាហ៍។ អនុវត្តដូចនេះរហូតដល់ការប្រើលើកទី12។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន រោគសញ្ញានៃInfusion reaction ជំងឺឆ្លងផ្សេងៗ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កន្ទួលក្រហមលើស្បែក ពិបាកដកដង្ហើមភ្លាមៗ កន្ទាលត្រអាក សម្ពាធឈាមចុះទាប បាត់បង់ស្មារតី ហើមបបូរមាត់ អណ្ដាតនិងត្របកភ្នែក ក្ដៅខ្លួន រងាញាក់ ក្អក ចង់ក្អួត វិលមុខ បេះដូងលោតញាប់ (Infusion reaction)

- បរិមាណទឹកនោមថយចុះ នោមមានឈាម ឈឺនៅផ្នែកខាងនៃពោះ (មុខងារតម្រងនោមធ្លាក់ចុះ បណ្ដុំរោគសញ្ញាដោយសារការងាប់កោសិកាមហារីកច្រើនក្នុងរយៈពេលខ្លី(Tumor lysis syndrome))

- ក្ដៅខ្លួន រួយខ្លួន ភ្នែកនិងស្បែកប្រែពណ៌លឿង ក្អួតចង្អោរ បាត់បង់ចំណង់អាហារ ញ័រដៃ (មុខងារថ្លើមធ្លាក់ចុះ រលាកថ្លើម ខាន់លឿង)

- អស់កម្លាំង ក្អួតចង្អោរ វិលមុខ (ជំងឺឆ្លង)

- ឈឺទ្រូង បេះដូងលោតញាប់ ដកដង្ហើមដង្ហក់ (ប៉ះពាល់មុខងារបេះដូង)

- ងងឹតមុខពេលក្រោកឈរ វិលមុខ អស់កម្លាំង (សម្ពាធឈាមចុះទាប)

- ក្អួតចង្អោរ ឈឺពោះខ្លាំង មិនបញ្ចេញលាមក (ស្ទះពោះវៀន)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・វ៉ាក់សាំង(ប្រភេទរស់ និង ប្រភេទអសកម្ម) - អាចធ្វើអោយប្រសិទ្ធិភាពវ៉ាក់សាំងថយចុះ។

・ឱសថទប់ស្កាត់សកម្មភាពនៃប្រព័ន្ធភាពស៊ាំ ឱសថប្រភេទអរម៉ូនស្តេរ៉ូអ៊ីត ជាដើម - អាចធ្វើអោយកើតមានជំងឺឆ្លងដោយសារការធ្លាក់ចុះហួសហេតុនៃប្រព័ន្ធភាពស៊ាំ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកដោយគីមី។

・ត្រូវប្រុងប្រយ័ត្នជាពិសេសចំពោះផលរំខានinfusion reactionធ្ងន់ធ្ងររបស់ឱសថនេះ ព្រោះវាអាចមានគ្រោះថ្នាក់ដល់ជីវិតរបស់អ្នកជំងឺ។ រោគសញ្ញារួមមាន ទងសួតកន្ត្រាក់ កន្ទាលត្រអាក សម្ពាធឈាមចុះទាប បាត់បង់ស្មារតី ស្ទះសរសៃឈាមបេះដូង បេះដូងឈប់លោត ជាដើម។ រោគសញ្ញាទាំងនេះច្រើនកើតឡើងនៅពេលកំពុងប្រើប្រាស់ឱសថនេះជាលើកដំបូងឬនៅក្នុងអំឡុងពេល1ម៉ោងក្រោយចប់ការបញ្ចូលឱសថនេះ។ ប៉ុន្តែ វាក៏អាចកើតឡើងនៅប៉ុន្មានម៉ោងក្រោយចប់ការបញ្ចូលឱសថឬចាប់ពីការប្រើប្រាស់ជាលើកទី2តទៅដែរ ដូច្នេះ ប្រសិនបើឃើញមានរោគសញ្ញាខាងលើកើតឡើង ត្រូវបញ្ឈប់ការបញ្ចូលឱសថនេះភ្លាមនិងមិនត្រូវប្រើប្រាស់ឱសថនេះទៀតឡើយ។

・ត្រូវប្រុងប្រយ័ត្នជាពិសេសផងដែរចំពោះការរើឡើងវិញនៃជំងឺរលាកថ្លើមប្រភេទB ដែលអាចប៉ះពាល់ដល់មុខងារថ្លើមរហូតដល់អ្នកជំងឺបាត់បង់ជីវិត។ ដូច្នេះ ត្រូវប្រុងប្រយ័ត្នជានិច្ចចំពោះរោគសញ្ញាផ្សេងៗនៃជំងឺរលាកថ្លើមឬមុខងារថ្លើមចុះខ្សោយ។

ឱសថនេះមានសកម្មភាពភ្ជាប់ទៅនឹងCD20នៃកោសិកា ធ្វើអោយភ្ញោចដល់ប្រព័ន្ធCDCនិងADCC ដើម្បីរំលាយកោសិកាBដែលមានបញ្ហា។