Octreotide acetate

<ករណីថ្នាំចាក់ក្រោមស្បែក>

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺមហារីកនៃការបញ្ចេញអរម៉ូនក្នុងប្រព័ន្ធរំលាយអាហារ (Gastrointestinal hormone-producing tumor) រួមមាន អរម៉ូនVIP អរម៉ូនGastrin ជំងឺមហារីកCarcinoid ជាដើម។

- ជំងឺរាងកាយរីកលូតលាស់ហួសហេតុ (ជំងឺAcromegaly ឬ ជំងឺPituitary gigantism) (ករណីការវះកាត់ឬការព្យាបាលដោយឱសថផ្សេងទៀតមិនមានប្រសិទ្ធិភាពគ្រប់គ្រាន់ឬមិនអាចធ្វើទៅបាន)។

- អាការៈផ្សេងៗបណ្ដាលមកពីការស្ទះនៅប្រព័ន្ធរំលាយអាហារ ចំពោះអ្នកជំងឺមហារីកមិនអាចព្យាបាលបាន។

<ករណីថ្នាំចាក់ក្នុងសាច់ដុំ(ឱសថប្រភេទរយៈពេលសកម្មភាពវែង, LAR)>

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺមហារីកនៃការបញ្ចេញអរម៉ូនក្នុងប្រព័ន្ធរំលាយអាហារ (Gastrointestinal hormone-producing tumor) រួមមាន អរម៉ូនVIP អរម៉ូនGastrin ជំងឺមហារីកCarcinoid ជាដើម។

- ជំងឺមហារីកទាក់ទងនឹងការបញ្ចេញអរម៉ូននិងប្រព័ន្ធសរសៃប្រសាទនៅប្រដាប់រំលាយអាហារ (Gastrointestinal neuroendocrine tumor)។

- ជំងឺរាងកាយរីកលូតលាស់ហួសហេតុ (ជំងឺAcromegaly ឬ ជំងឺPituitary gigantism) (ករណីការវះកាត់ឬការព្យាបាលដោយឱសថផ្សេងទៀតមិនមានប្រសិទ្ធិភាពគ្រប់គ្រាន់ឬមិនអាចធ្វើទៅបាន)។

ថ្នាំចាក់：
<ករណីថ្នាំចាក់ក្រោមស្បែក>
・ជំងឺមហារីកនៃការបញ្ចេញអរម៉ូនក្នុងប្រព័ន្ធរំលាយអាហារ (Gastrointestinal hormone-producing tumor) ជំងឺរាងកាយរីកលូតលាស់ហួសហេតុ (ជំងឺAcromegaly ឬ ជំងឺPituitary gigantism)：
មនុស្សពេញវ័យ：ប្រើ1ថ្ងៃ100ឬ150μg បែងចែកជា2～3ដងក្នុង1ថ្ងៃ ចាក់ក្រោមស្បែក។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតបន្តិចម្ដងៗដល់1ថ្ងៃ300μg ដោយបែងចែកជា2～3ដងក្នុង1ថ្ងៃ ចាក់ក្រោមស្បែក។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។
・អាការៈផ្សេងៗបណ្ដាលមកពីការស្ទះនៅប្រព័ន្ធរំលាយអាហារ ចំពោះអ្នកជំងឺមហារីកមិនអាចព្យាបាលបាន：
មនុស្សពេញវ័យ：ប្រើ1ថ្ងៃ300μg ចាក់ក្រោមស្បែកជាប់24ម៉ោង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។
<ករណីថ្នាំចាក់ក្នុងសាច់ដុំ(ឱសថប្រភេទរយៈពេលសកម្មភាពវែង, LAR)>
・ករណីជំងឺមហារីកនៃការបញ្ចេញអរម៉ូនក្នុងប្រព័ន្ធរំលាយអាហារ (Gastrointestinal hormone-producing tumor) រួមមាន អរម៉ូនVIP អរម៉ូនGastrin ជំងឺមហារីកCarcinoid ជាដើម:
មនុស្សពេញវ័យ ប្រើក្នុងកម្រិត1ដង 20mg ចាក់ក្នុងសាច់ដុំត្រគាក រៀងរាល់4សប្ដាហ៍ រយៈពេល3ខែ។ បន្ទាប់ពីនោះ ប្រើក្នុងកម្រិត 10mg ឬ 20mg ឬ 30mg ទៅតាមរោគសញ្ញារបស់អ្នកជំងឺ រៀងរាល់4សប្ដាហ៍។
・ករណីជំងឺមហារីកទាក់ទងនឹងការបញ្ចេញអរម៉ូននិងប្រព័ន្ធសរសៃប្រសាទនៅប្រដាប់រំលាយអាហារ (Gastrointestinal neuroendocrine tumor):
មនុស្សពេញវ័យ ប្រើក្នុងកម្រិត1ដង 30mg ចាក់ក្នុងសាច់ដុំត្រគាក រៀងរាល់4សប្ដាហ៍។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។
・ករណីជំងឺរាងកាយរីកលូតលាស់ហួសហេតុ (ជំងឺAcromegaly ឬ ជំងឺPituitary gigantism) (ករណីការវះកាត់ឬការព្យាបាលដោយឱសថផ្សេងទៀតមិនមានប្រសិទ្ធិភាពគ្រប់គ្រាន់ឬមិនអាចធ្វើទៅបាន)។
មនុស្សពេញវ័យ ប្រើក្នុងកម្រិត1ដង 20mg ចាក់ក្នុងសាច់ដុំត្រគាក រៀងរាល់4សប្ដាហ៍ រយៈពេល3ខែ។ បន្ទាប់ពីនោះ ប្រើក្នុងកម្រិត 10mg ឬ 20mg ឬ 30mg ទៅតាមរោគសញ្ញារបស់អ្នកជំងឺ រៀងរាល់4សប្ដាហ៍។ អាចបង្កើនកម្រិតដល់40mg ក្នុងករណីដែលការប្រើក្នុងកម្រិត30mgនៅតែមិនមានប្រសិទ្ធិភាពប៉ុណ្ណោះ។ ក្នុងករណីប្រើក្នុងកម្រិត40mg ត្រូវបែងចែកការចាក់នៅ2កន្លែងផ្សេងគ្នា ដោយចាក់1កន្លែង20mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ក្រួសទឹកប្រមាត់ អាការៈឈឺចាប់ឬរឹងនៅកន្លែងចាក់ថ្នាំ រាករូស ឈឺពោះ ផោម ជ្រុះសក់ ក្អួតចង្អោរ មិនស្រួលក្នុងក្រពះ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- សម្ពាធឈាមធ្លាក់ចុះ ពិបាកដកដង្ហើម ឡើងកន្ទួលក្រហមលើស្បែក (រោគប្រតិកម្មធ្ងន់ធ្ងរ)

- ដង្ហក់ វិលមុខ បាត់បង់ស្មារតី (ជីពចរដើរយឺត)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថCiclosporin - អាចធ្វើអោយកំហាប់ក្នុងឈាមនៃCiclosporinថយចុះ។

・ថ្នាំចាក់អាំងស៊ុយលីន - អាចធ្វើអោយប្រសិទ្ធិភាពបញ្ចុះជាតិស្ករក្នុងឈាមរបស់ថ្នាំចាក់អាំងស៊ុយលីនប្រែប្រួល។

・ឱសថBromocriptine - អាចធ្វើអោយកំហាប់ក្នុងឈាមនៃBromocriptineកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពភ្ជាប់ទៅនឹងគ្រឿងទទួលនៃសារធាតុសូម៉ាតូស្តាទីន(Somatostatin) (SSTR) នៅលើកោសិកាបញ្ចេញអរម៉ូនរំលាយអាហារ និង កោសិកាបញ្ចេញអរម៉ូនលូតលាស់(GH)នៃក្រពេញPituitary glandក្នុងខួរក្បាល ដើម្បីបង្អាក់សកម្មភាពបញ្ចេញអរម៉ូនច្រើនហួសហេតុពីកោសិកាទាំងនេះ។

ម្យ៉ាងទៀត នៅក្នុងការព្យាបាលអាការៈបណ្ដាលមកពីស្ទះនៅប្រព័ន្ធរំលាយអាហារ ឱសថនេះមានប្រសិទ្ធិភាពទប់ស្កាត់ការបញ្ចេញទឹករំលាយអាហារ និង ជម្រុញការស្រូបជាតិទឹកនិងសារធាតុផ្សេងៗនៅក្នុងពោះវៀន។