Norfloxacin

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំលេប:

      - មនុស្សពេញវ័យ:

      ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា ជំងឺឆ្លងនៅស្រទាប់លើនៃស្បែក ជំងឺឆ្លងនៅស្រទាប់ជ្រៅនៃស្បែក ជំងឺខ្ទុះលើស្បែករ៉ាំរ៉ៃ ជំងឺរលាកបំពង់កនិងបំពង់សម្លេង ជំងឺរលាកក្រពេញអាមីដាល់ ជំងឺរលាកទងសួតស្រួចស្រាវ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺរលាកក្រពេញប្រូស្តាតស្រួចស្រាវឬរ៉ាំរ៉ៃ ជំងឺរលាកបង្ហួរនោម ជំងឺរលាកថង់ទឹកប្រមាត់ ជំងឺរលាកបំពង់ទឹកប្រមាត់ ជំងឺរលាកពោះវៀនដោយសារឆ្លងមេរោគ ជំងឺគ្រុនពោះវៀន(Typhoid fever) ជំងឺParatyphoid fever ជំងឺអាសន្នរោគ(Cholera) ជំងឺរលាកផ្នែកកណ្ដាលនៃត្រចៀក(Otitis media) ជំងឺរលាកឆ្អឹងសងខាងច្រមុះ(Sinusitis) ជំងឺពិសធ្យូង(Anthrax) ជំងឺទន្សាយព្រៃ(Rabbit feverឬTularemia)។

      - កុមារ:

      ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា ជំងឺឆ្លងនៅស្រទាប់លើនៃស្បែក ជំងឺខ្ទុះលើស្បែករ៉ាំរ៉ៃ ជំងឺរលាកបំពង់កនិងបំពង់សម្លេង ជំងឺរលាកក្រពេញអាមីដាល់ ជំងឺរលាកទងសួតស្រួចស្រាវ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺរលាកពោះវៀនដោយសារបាក់តេរី ជំងឺគ្រុនពោះវៀន(Typhoid fever) ជំងឺParatyphoid fever ជំងឺពិសធ្យូង(Anthrax) ជំងឺទន្សាយព្រៃ(Rabbit feverឬTularemia)។

      ករណីថ្នាំបន្តក់ភ្នែក:

      ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា រលាកក្រពេញខ្លាញ់នៅត្របកភ្នែក(Stye) រលាកផ្នែកសនៃភ្នែក(Conjunctivitis) រលាកកញ្ចក់ភ្នែក(Keratitis)(រួមទាំងជំងឺដំបៅកញ្ចក់ភ្នែក) រលាកត្របកភ្នែក រលាកថង់ទឹកភ្នែក និងប្រើនៅពេលមុនឬក្រោយការវះកាត់ភ្នែក។ល។

    • កម្រិតប្រើប្រាស់

      ករណីថ្នាំលេប:

      -មនុស្សពេញវ័យ:លេប1ដង 100~200mg, 1ថ្ងៃ3~4ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ចំពោះជំងឺគ្រុនពោះវៀន(ជំងឺThyphoid feverនិងជំងឺParatyphoid) លេប1ដង400mg, 1ថ្ងៃ3ដង រយៈពេល14ថ្ងៃ។

      -កុមារ (ប្រើក្នុងករណីឱសថផ្សេងទៀតមិនមានប្រសិទ្ធិភាពតែប៉ុណ្ណោះ):លេប1ថ្ងៃ6~12mg/kg បែងចែកជា3ដងក្នុង1ថ្ងៃ រយៈពេលក្រោម7ថ្ងៃ។ ចំពោះជំងឺគ្រុនពោះវៀន(ជំងឺThyphoid feverនិងជំងឺParatyphoid) លេប1ថ្ងៃ15~18mg/kg បែងចែកជា3ដងក្នុង1ថ្ងៃ រយៈពេល14ថ្ងៃ។

      ករណីថ្នាំបន្តក់ភ្នែក(0.3%):

      បន្តក់ក្នុងភ្នែក1ដង1តំណក់ ដោយប្រើ1ថ្ងៃ3ដង។

    • ហាមប្រើ

      ករណីថ្នាំលេប:

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលកំពុងប្រើប្រាស់ឱសថដូចខាងក្រោម:Fenbufen, Flurbiprofen axetil, Flurbiprofen។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ (អាចមានករណីលើកលែងសម្រាប់ជំងឺAnthraxនិងជំងឺTularemia សូមពិនិត្យមើលព័ត៌មានបន្ថែម)។

      ・ទារក។

      ករណីថ្នាំបន្តក់ភ្នែក:

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រឆាំងបាក់តេរីប្រភេទQuinolone។

    • ផលរំខាន

      ករណីថ្នាំលេប:

      ផលរំខានរួមមាន ក្អួតចង្អោរ អារម្មណ៍មិនស្រួលក្នុងក្រពះឡើងកន្ទួលក្រហម រមាស់ ហើម ក្តៅខ្លួន រាករូស ងាយប្រតិកម្មទៅនឹងពន្លឺព្រះអាទិត្យ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ទឹកមុខស្លេកស្លាំង បែកញើសទាំងត្រចៀក ពិបាកដកដង្ហើម (រោគប្រតិកម្មធ្ងន់ធ្ងរ)

      - ក្តៅខ្លួន បាត់បង់ចំណង់អាហារ អស់កម្លាំង (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)) ជំងឺរលាកនិងរបកស្បែក ជាដើម)។

      - សាច់ដុំកន្ត្រាក់ ស្មារតីមិននឹងនរ ធ្លាក់ត្របកភ្នែក (ជំងឺប្រកាច់ វង្វេងស្មារតី បណ្ដុំរោគសញ្ញាGuillain-Barré syndrome ជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis)

      - ឈឺសាច់ដុំដៃជើង ស្ពឹករឹង ទឹកនោមមានពណ៌ក្រហមត្នោត (ជំងឺរលាយសាច់ដុំ(Rhabdomyolysis))

      - អស់កម្លាំង បាត់បង់ចំណង់អាហារ ភ្នែកនិងស្បែកឡើងពណ៌លឿង (មុខងារថ្លើមថយចុះ ខាន់លឿង)

      ករណីថ្នាំបន្តក់ភ្នែក:

      ផលរំខានរួមមាន ក្រហាយភ្នែក មានកករជាប់នៅកញ្ចក់ភ្នែក រមាស់ភ្នែក ភ្នែកក្រហម ហើមត្របកភ្នែក ចាំងភ្នែក ចេញទឹកភ្នែក ។ល។

    • អន្តរប្រតិកម្ម

      ករណីថ្នាំលេប:

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថ Fenbufen, Flurbiprofen axetil, Flurbiprofen - អាចធ្វើអោយមានអាការៈប្រកាច់ ដូច្នេះ ហាមប្រើរួមជាមួយឱសថទាំងនេះ

      ・ឱសថ Diclofenac, Amfenac, Ketoprofen, Loxoprofen,

      Pranoprofen, Zaltoprofen ជាដើម - អាចធ្វើអោយមានអាការៈប្រកាច់។

      ・ឱសថTheophylline, Aminophylline hydrate - អាចធ្វើអោយសកម្មភាពរបស់ឱសថទាំងនេះកើនឡើង

      ・ឱសថCiclosporin - អាចធ្វើអោយកំហាប់ក្នុងឈាមនៃCiclosporinកើនឡើង

      ・ថ្នាំប្រឆាំងកំណកឈាមWarfarin - សកម្មភាពរបស់Warfarinកើនឡើង ធ្វើអោយមានផលរំខានដូចជាងាយហូរឈាម ឈាមក្រកក។ល។

      ・ឱសថប្រឆាំងអាស៊ីតក្រពះដែលមានសារធាតុអាលុយមីញ៉ូម ម៉ាញេស្យូម កាល់ស្យូម និង ថ្នាំជាតិដែក - អាចធ្វើអោយការស្រូបសារធាតុឱសថNorfloxacinថយចុះ។ គួរពិសារថ្នាំទាំងនេះក្រោយពិសារថ្នាំNorfloxacinយ៉ាងតិច2ម៉ោង។

      ・ឱសថTizanidine hydrochloride - អាចធ្វើអោយកំហាប់ក្នុងឈាមនៃCiclosporinកើនឡើង បង្កជាផលរំខានផ្សេងៗ។

    • ស្ត្រីមានផ្ទៃពោះ និង ស្ត្រីបំបៅដោះកូន

      ករណីថ្នាំលេប:

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ (អាចមានករណីលើកលែងសម្រាប់ជំងឺAnthraxនិងជំងឺTularemia សូមពិនិត្យមើលព័ត៌មានបន្ថែម)

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・មិនត្រូវប្រើប្រាស់ឱសថនេះជាប្រចាំយូរអង្វែងនោះទេ រួមទាំងថ្នាំបន្តក់ភ្នែកផងដែរ។

      ・គួររក្សាទុកកុំអោយត្រូវពន្លឺ និងនៅទីមានសីតុណ្ហភាពធម្មតា(1~30℃)។ មិនគួររក្សាទុកនៅក្នុងទីត្រជាក់(ទូទឹកកជាដើម)រយៈពេលយូរនោះទេ។

      ・ករណីថ្នាំបន្តក់ភ្នែក មិនគួរកាន់ដបថ្នាំអោយប៉ះត្រូវភ្នែកនោះទេ ព្រោះអាចនាំអោយជាប់មេរោគនៅមាត់ដបថ្នាំ។

    • សកម្មភាពឱសថ

      ជាឱសថប្រឆាំងបាក់តេរីប្រភេទញូគីណូឡូនឬហ្វូលុយអូរ៉ូគីណូឡូន(New quinolone or Fluoroquinolone antibiotics) ដោយមានប្រសិទ្ធិភាពបង្អាក់សកម្មភាពផលិតDNAរបស់បាក់តេរី ធ្វើអោយបាក់តេរីមិនអាចរស់ឬកើនចំនួនបាន។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp