Norethisterone

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជំងឺរាំងរដូវ

      - ជំងឺវដ្តរដូវខុសប្រក្រតី(រដ្ដរដូវខ្លីពេកឬវែងពេក)

      - ជំងឺបរិមាណឈាមរដូវខុសប្រក្រតី(តិចពេកឬច្រើនពេក)

      - អាការៈឈឺចាប់និងរោគសញ្ញាផ្សេងៗនៅពេលមករដូវ

      - ជំងឺខ្សោយមុខងារក្រពេញអូវែរ

      - ជំងឺគ្មានកូនដោយសារខ្សោយមុខងារអង្គលឿង

      - ជំងឺធ្លាក់ឈាមពីស្បូនដោយសារអតុល្យភាពអរម៉ូន

      - ប្រើដើម្បីផ្លាស់ប្ដូរវដ្ដរដូវ(ពន្យារឬបង្រួញវដ្ដរដូវ)។

    • កម្រិតប្រើប្រាស់

      ថ្នាំលេប：

      មនុស្សពេញវ័យ：ប្រើ1ថ្ងៃ5～10mg ដោយបែងចែកជា1～2ដងក្នុង1ថ្ងៃ។

      + ករណីពន្យារវដ្តរដូវ：លេប1ថ្ងៃ5mg ចាប់ពី5ថ្ងៃមុនដល់ថ្ងៃគម្រោងមករដូវ និង បន្តលេបរហូតដល់ថ្ងៃដែលចង់ពន្យារវដ្តរដូវនោះ។

      + ករណីបង្រួញវដ្ដរដូវ：លេប1ថ្ងៃ5mgនៅដំណាក់កាលហ្វូលីគុល(Follicular stage) និង បន្តលេបប៉ុន្មានថ្ងៃជាប់គ្នា។

    • ហាមប្រើ

      ・អ្នកដែលមានជំងឺថ្លើមឬបញ្ហាថ្លើមធ្ងន់ធ្ងរ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

    • ផលរំខាន

      ផលរំខានរួមមាន ក្អួតចង្អោរ ឡើងកន្ទួលក្រហម ឈឺឬតឹងដោះ ឈឺក្បាល ឈឺពោះ រាករូស។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ពិបាកដកដង្ហើម កន្ទាលត្រអាក ហើមភ្នែកឬជុំវិញបបូរមាត់ (រោគប្រតិកម្មធ្ងន់ធ្ងរ)។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះនោះទេ ព្រោះអាចប៉ះពាល់ដល់ទារកក្នុងផ្ទៃ។

    • សកម្មភាពឱសថ

      ឱសថនេះជាអរម៉ូនស្ត្រីប្រូជេស្តេរ៉ូន(Progesterone)ដែលត្រូវបានសំយោគឡើង និងដើម្បីបំពេញសកម្មភាពរបស់អរម៉ូនស្ត្រីប្រូជេស្តេរ៉ូនដែលខ្វះឬមិនមានតុល្យភាពនៅក្នុងរាងកាយ។

      ឱសថនេះធ្វើសកម្មភាពដោយភ្ជាប់ទៅនឹងគ្រឿងទទួល(Receptor)នៅក្នុងកោសិកាដើម្បីផ្លាស់ប្ដូរទម្រង់ម៉ូលេគុល និងបន្តភ្ជាប់ទៅនឹងDNAនៅក្នុងកោសិកានោះ ដើម្បីផលិតប្រូតេអ៊ីនចាំបាច់មួយចំនួននៅក្នុងការបង្ហាញប្រសិទ្ធិភាពព្យាបាល។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល