Nitroglycerin = Glyceryl trinitrate

ករណីថ្នាំគ្រាប់ដាក់ក្រោមអណ្ដាត：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺត្បៀតសរសៃឈាមក្នុងបេះដូង(Angina pectoris)

- ជំងឺស្ទះសរសៃឈាមក្នុងបេះដូង(Myocardial infarction)

- អាការៈហឺតកើតឡើងដោយសារបញ្ហាបេះដូង(Cardiac asthma)

- កាត់បន្ថយអាការៈនៃជំងឺអាកាឡាស៊ា(Achalasia)ជាបណ្ដោះអាសន្ន។

ករណីថ្នាំបាញ់ក្រោមអណ្ដាត：

ជាទូទៅ ឱសថនេះប្រើនៅក្នុងការកាត់បន្ថយអាការៈត្បៀតសរសៃឈាមក្នុងបេះដូងដែលកំពុងកើតឡើង។

ករណីថ្នាំបិទលើស្បែក：

- ជំងឺត្បៀតសរសៃឈាមក្នុងបេះដូង(Angina pectoris)

- ជំងឺខ្សោយបេះដូងស្រួចស្រាវ (រួមទាំង ដំណាក់កាលស្រួចស្រាវនៃជំងឺខ្សោយបេះដូងរ៉ាំរ៉ៃ)

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- រក្សាសម្ពាធឈាមអោយនៅទាបក្នុងពេលវះកាត់

- សង្គ្រោះបន្ទាន់នៅពេលសម្ពាធឈាមឡើងខ្ពស់ខុសប្រក្រតីនៅក្នុងពេលវះកាត់

- ជំងឺខ្សោយបេះដូងស្រួចស្រាវ (រួមទាំង ដំណាក់កាលស្រួចស្រាវនៃជំងឺខ្សោយបេះដូងរ៉ាំរ៉ៃ)

- ជំងឺត្បៀតសរសៃឈាមក្នុងបេះដូងមិននឹងនរ (Unstable angina)

- កាត់បន្ថយការកន្ត្រាក់នៃសរសៃឈាមបេះដូងនៅក្នុងពេលអនុវត្តការថតរូបភាពនៃសរសៃឈាមបេះដូង។

ករណីថ្នាំគ្រាប់ដាក់ក្រោមអណ្ដាត：

មនុស្សពេញវ័យ：ប្រើ1ដង0.3～0.6mg។ ប្រសិនបើរោគសញ្ញាត្បៀតសរសៃឈាមបេះដូងមិនធូរស្បើយនៅប៉ុន្មាននាទីក្រោយទេ អាចប្រើ0.3～0.6mgបន្ថែមទៀត។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំបាញ់ក្រោមអណ្ដាត：

មនុស្សពេញវ័យ：ប្រើ1ដង 0.3mg (1ចុច) ដោយបាញ់នៅក្រោមអណ្ដាល។ ករណីអាការៈមិនធូរស្បើយ អាចបាញ់1ចុចបន្ថែមទៀត។

ករណីថ្នាំបិទលើស្បែក：

មនុស្សពេញវ័យ：ការប្រើប្រាស់អាចខុសគ្នាទៅតាមប្រភេទឱសថ ដូចខាងក្រោម៖

(1) ចំពោះជំងឺត្បៀតសរសៃឈាមក្នុងបេះដូង(Angina pectoris)និងជំងឺខ្សោយបេះដូងស្រួចស្រាវ (រួមទាំង ដំណាក់កាលស្រួចស្រាវនៃជំងឺខ្សោយបេះដូងរ៉ាំរ៉ៃ) ប្រើ1ដង1សន្លឹក (កម្រិតឱសថ5mg) 1ថ្ងៃ2ដងរៀងរាល់12ម៉ោងម្ដង បិទនៅលើទ្រូង ផ្នែកខាងលើនៃពោះ ខ្នង ដើមដៃ ឬ ភ្លៅ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

(2) ចំពោះជំងឺត្បៀតសរសៃឈាមក្នុងបេះដូង(Angina pectoris) ប្រើ1ថ្ងៃ1ដង1សន្លឹក (កម្រិតឱសថ25mg) បិទនៅលើទ្រូង ចង្កេះ ឬ ដើមដៃ។ ករណីប្រសិទ្ធិភាពមិនគ្រប់គ្រាន់ អាចប្រើ2សន្លឹក។

(3) ចំពោះជំងឺត្បៀតសរសៃឈាមក្នុងបេះដូង(Angina pectoris) ប្រើ1ថ្ងៃ1ដង1សន្លឹក (កម្រិតឱសថ27mg) បិទនៅលើទ្រូង ចង្កេះ ឬ ដើមដៃ។ ករណីប្រសិទ្ធិភាពមិនគ្រប់គ្រាន់ អាចប្រើ2សន្លឹក។

ករណីថ្នាំចាក់：

ប្រើឱសថនេះដោយផ្ទាល់ ឬ ពង្រាវនៅក្នុងសេរ៉ូមប្រៃឬសេរ៉ូមគ្លុយកូស5%ឬសេរ៉ូមឡាក់តាតជាដើម អោយបានកំហាប់0.005～0.05%(50～500μg/mL) រួចព្យួរសេរ៉ូមនោះតាមសរសៃវ៉ែន។ ត្រូវប្រើឱសថនេះដោយព្យួរសេរ៉ូមក្នុងល្បឿនដែលបានកំណត់ទៅតាមទម្រង់នៃការប្រើប្រាស់ដូចខាងក្រោម៖

・ករណីប្រើនៅក្នុងការរក្សាសម្ពាធឈាមអោយនៅទាបក្នុងពេលវះកាត់：

ចាប់ផ្ដើមប្រើពី 1～5μg/kg/នាទី ដើម្បីបញ្ចុះសម្ពាធឈាមមកដល់កម្រិតគោលដៅ បន្ទាប់មក អាចប្រែប្រួលល្បឿននៃសេរ៉ូម ដោយតាមដានសម្ពាធឈាមជាប់ជានិច្ច។

・ករណីប្រើនៅក្នុងការសង្គ្រោះបន្ទាន់នៅពេលសម្ពាធឈាមឡើងខ្ពស់ខុសប្រក្រតីនៅក្នុងពេលវះកាត់：

ចាប់ផ្ដើមប្រើពី 0.5～5μg/kg/នាទី ដើម្បីបញ្ចុះសម្ពាធឈាមមកដល់កម្រិតគោលដៅ បន្ទាប់មក អាចប្រែប្រួលល្បឿននៃសេរ៉ូម ដោយតាមដានសម្ពាធឈាមជាប់ជានិច្ច។

・ករណីជំងឺខ្សោយបេះដូងស្រួចស្រាវ (រួមទាំង ដំណាក់កាលស្រួចស្រាវនៃជំងឺខ្សោយបេះដូងរ៉ាំរ៉ៃ)：

ចាប់ផ្ដើមប្រើពី 0.05～0.1μg/kg/នាទី ដោយបង្កើនម្ដង0.1～0.2μg/kg/នាទីរៀងរាល់5～15នាទី ព្រមទាំងតាមដានសម្ពាធឈាមនិងសម្ពាធក្នុងថតក្រោមខាងឆ្វេងនៃបេះដូងជាដើម ដើម្បីទទួលបានស្ថានភាពចរន្តឈាមដែលជាគោលដៅ រួចរក្សាល្បឿននៃសេរ៉ូមដែលសមល្មមបំផុតនោះសម្រាប់ការរក្សាស្ថានភាពល្អប្រសើរនៅក្នុងការគ្រប់គ្រងចរន្តឈាមរបស់អ្នកជំងឺ។

・ករណីជំងឺត្បៀតសរសៃឈាមក្នុងបេះដូងមិននឹងនរ (Unstable angina)：

ចាប់ផ្ដើមពីកម្រិត0.1～0.2μg/kg/នាទី ដោយបង្កើនម្ដង0.1～0.2μg/kg/នាទីរៀងរាល់5នាទី តាមរយៈការតាមដានសម្ពាធឈាមនិងអាការៈរបស់អ្នកជំងឺជាដើម។ រក្សាស្ថានភាពរបស់អ្នកជំងឺដោយប្រើឱសថនេះក្នុងកម្រិត1～2μg/kg/នាទីនិងបន្តក្នុងល្បឿននេះ។ ករណីមិនឃើញមានប្រសិទ្ធិភាព អាចប្រើ20～40μg/kgចាក់តាមសរសៃវ៉ែនយឺតៗ(1～3នាទី)បន្ថែមពីលើនោះរៀងរាល់1ម៉ោងម្ដង។

・ករណីប្រើនៅក្នុងការកាត់បន្ថយការកន្ត្រាក់នៃសរសៃឈាមបេះដូងនៅក្នុងពេលអនុវត្តការថតរូបភាពនៃសរសៃឈាមបេះដូង：

មនុស្សពេញវ័យ：ប្រើឱសថនេះ0.2mg ដោយមិនចាំបាច់ពង្រាវ ចាក់ទៅក្នុងសរសៃអាកទែរបេះដូងក្នុងល្បឿនលឿនតាមរយៈឧបករណ៍Catheter។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញារបស់អ្នកជំងឺ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថប្រភេទអាស៊ីតនីទ្រិច(Nitric acid)ឬប្រភេទនីទ្រីត(Nitrite)

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)

・អ្នកដែលមានអាការៈខ្វះឈាមកម្រិតធ្ងន់ធ្ងរ

・អ្នកដែលកំពុងប្រើប្រាស់ឱសថដែលទប់ស្កាត់សកម្មភាពរបស់អង់ស៊ីមPhosphodiesterase 5(PDE-5) (ឱសថSildenafil citrate, ឱសថVardenafil hydrochloride hydrate, ឱសថTadalafil) ឬ ឱសថដែលជម្រុញសកម្មភាពរបស់អង់ស៊ីមGuanylate cyclase(ឱសថRiociguat)

・អ្នកដែលមានរបួសផ្នែកក្បាលឬកើតមានជំងឺហូរឈាមក្នុងខួរក្បាល (លើកលែងករណីថ្នាំចាក់)

・អ្នកដែលមានអាការៈសម្ពាធឈាមធ្លាក់ចុះទាបធ្ងន់ធ្ងរ ឬ អ្នកដែលមានអាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock)។ (លើកលែងករណីថ្នាំចាក់：)

ផលរំខានរួមមាន អាការៈខ្វះឈាមនៅក្នុងខួរក្បាល សម្ពាធឈាមធ្លាក់ចុះទាប អារម្មណ៍ក្ដៅ មុខក្រហម បេះដូងលោតញាប់ ឈឺក្បាល ធ្ងន់ក្បាល ក្អួតចង្អោរ ។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ងងឹតមុខ វិលមុខ អស់កម្លាំង ដង្ហក់ ហត់ បាត់បង់ស្មារតី (សម្ពាធឈាមចុះទាបភ្លាមៗ បរិមាណឈាមច្របាច់ពីបេះដូងចុះថយ)។

・ឱសថដែលទប់ស្កាត់សកម្មភាពរបស់អង់ស៊ីមPhosphodiesterase 5(PDE-5) (ឱសថSildenafil citrate, ឱសថVardenafil hydrochloride hydrate, ឱសថTadalafil) ឬ ឱសថដែលជម្រុញសកម្មភាពរបស់អង់ស៊ីមGuanylate cyclase(ឱសថRiociguat) - អាចធ្វើអោយសម្ពាធឈាមធ្លាក់ចុះទាបខ្លាំង។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះទឹកនោមប្រភេទរក្សាកម្រិតប៉ូតាស្យូម(Spironolactone, Triamtereneជាដើម), ឱសថបំពេញជាតិប៉ូតាស្យូមក្នុងរាងកាយ(Potassium chlorideជាដើម) - អាចធ្វើអោយកម្រិតប៉ូតាស្យូមក្នុងឈាមកើនឡើង។

・ឱសថដែលមានសកម្មភាពបញ្ចុះសម្ពាធឈាមឬពង្រីកសរសៃឈាម (ឱសថប្រភេទCalcium antagonist, ឱសថប្រភេទACE Inhibitors, ឱសថប្រភេទBeta blockers, ឱសថបញ្ចុះទឹកនោម, ឱសថព្យាបាលជំងឺបាក់ទឹកចិត្តប្រភេទTricyclic antidepressants, ឱសថប្រភេទMajor tranquilizers - អាចធ្វើអោយសម្ពាធឈាមធ្លាក់ចុះទាប។

・ឱសថប្រភេទអាស៊ីតនីទ្រិច(Nitric acid)ឬប្រភេទនីទ្រីត(Nitrite)ផ្សេងទៀត - អាចធ្វើអោយកើតមានផលរំខានដូចជាឈឺក្បាលឬសម្ពាធឈាមធ្លាក់ចុះទាបជាដើម។

・ឱសថបំបាត់ការឈឺចាប់និងបញ្ចុះកម្ដៅប្រភេទNSAIDs(Aspirinជាដើម) - អាចធ្វើអោយប្រសិទ្ធិភាពនៃឱសថNitroglycerinថយចុះ។

・គ្រឿងស្រវឹង - អាចធ្វើអោយសម្ពាធឈាមធ្លាក់ចុះទាប។

・ឱសថPancuronium - អាចធ្វើអោយអូសបន្លាយរយៈពេលនៃប្រសិទ្ធិភាពឱសថPancuronium។

・ឱសថHeparin - អាចធ្វើអោយសកម្មភាពនៃឱសថHeparinថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះមានទម្រង់ច្រើនប្រភេទ ដូច្នេះ ត្រូវយល់ច្បាស់អំពីចំណុចពិសេសនៃទម្រង់នីមួយៗ។

-ប្រភេទថ្នាំគ្រាប់ដាក់ក្រោមអណ្ដាត：ប្រើនៅពេលមានអាការៈ។

-ប្រភេទថ្នាំចាក់：សារធាតុឱសថអាចមានប្រតិកម្មភ្ជាប់ជាមួយនឹងឧបករណ៍ព្យូរសេរ៉ូមប្រភេទវីនីលក្លរ៉ាយ(Vinyl chloride) ដូច្នេះ ត្រូវប្រើប្រភេទប៉ូលីអេទីឡែន(Polyethylene)

-ប្រភេទថ្នាំលប：មានប្រភេទធម្មតានិងប្រភេទបង្ហាញសកម្មភាពយូរ។ ថ្នាំលេបប្រភេទបង្ហាញសកម្មភាពយូរនឹងមិនមានប្រសិទ្ធិភាពទេប្រសិនបើប្រើដាក់ក្រោមអណ្ដាត។

ករណីថ្នាំគ្រាប់ឬថ្នាំបាញ់ក្រោមអណ្ដាត：

・ឱសថនេះអាចផ្ដល់ផលរំខានដូចជា ឈឺក្បាល បញ្ហាស្មារតី ជាដើម ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

・គ្រឿងស្រវឹងអាចធ្វើអោយសម្ពាធឈាមចុះទាបកាន់តែខ្លាំង ដូច្នេះ គួរចៀសវាងពិសាគ្រឿងស្រវឹង ក្នុងអំឡុងពេលប្រើប្រាស់ឱសថនេះ។

ករណីថ្នាំបិទលើស្បែក：

・អ្នកជំងឺអាចបិទឱសថនេះនៅលើផ្នែកទ្រូង ផ្នែកខាងលើនៃពោះ ផ្នែកខ្នង ចង្កេះ ឬ ដើមដៃ ប៉ុន្តែ ត្រូវចៀសវាងកន្លែងដែលមានបញ្ហាដូចជា ស្បែកដាច់រលាត់ កន្ទួលក្រហម ឬរលាក។ ប្រសិនបើមានញើស ទទឹក ឬប្រលាក់នៅលើស្បែក គួរជូតសម្អាតចេញសិនមុននឹងបិទឱសថនេះ។ ម្យ៉ាងទៀត គួរផ្លាស់ប្ដូរកន្លែងបិទបន្ដិចរាល់ដង ដើម្បីចៀសវាងកុំអោយមានអាការៈរោលនៅលើស្បែក។

ឱសថនេះនឹងចូលទៅក្នុងកោសិកាសាច់ដុំនៃសរសៃឈាម ដោយបំលែងទៅជាអាសូតម៉ូណូអុកស៊ីត(NO) និងបង្កើនបរិមាណcGMPតាមរយៈសកម្មភាពនៃអង់ស៊ីមGuanylate cyclase បង្កអោយមានប្រតិកម្មមួយចំនួនដូចខាងក្រោម៖

- ទប់ស្កាត់ការហូរចូលនៃអ៊ីយ៉ុងកាល់ស្យូមចូលទៅក្នុងកោសិកា

- ទប់ស្កាត់ការហូរចេញនៃអ៊ីយ៉ុងកាល់ស្យូមចេញពីកោសិកា។

ជាលទ្ធផល ឱសថនេះមានប្រសិទ្ធិភាពទប់ស្កាត់ការកន្ត្រាក់នៃសរសៃឈាម ធ្វើអោយសរសៃឈាមរីកធំទូលាយជាងមុខ ចរន្តឈាមក៏ដំណើរការបានស្រួល ហើយសម្ពាធឈាមក៏ថយចុះ។