Nimustine hydrochloride

ជាទូទៅ ឱសថនេះប្រើនៅក្នុងការកាត់បន្ថយរោគសញ្ញាផ្សេងៗនៃជំងឺដូចខាងក្រោម៖

- ជំងឺមហារីកខួរក្បាល

- ជំងឺមហារីកប្រដាប់រំលាយអាហារ (មហារីកក្រពះ មហារីកថ្លើម មហារីកផ្នែកColonឬផ្នែកRectumនៃពោះវៀនធំ)

- ជំងឺមហារីកសួត

- ជំងឺមហារីកកោសិកាប្រព័ន្ធទឹករងៃប្រភេទMalignant lymphoma

- ជំងឺមហារីកគ្រាប់ឈាមសលក្ខណៈរ៉ាំរ៉ៃ (Chronic leukemia)។

ថ្នាំចាក់：

1.ប្រើក្នុងកម្រិត1ដង2～3mg/kg លាយក្នុងទឹកសម្រាប់លាយថ្នាំចាក់ក្នុងកំហាប់5mg/1mL រួចចាក់តាមសរសៃវ៉ែនឬសរសៃអាកទែរ។ បន្ទាប់មក ផ្អាកការប្រើប្រាស់ឱសថនេះរយៈពេល4～6សប្ដាហ៍ទៅតាមលទ្ធផលពិនិត្យឈាម។

2.ប្រើក្នុងកម្រិត1ដង2mg/kg លាយក្នុងទឹកសម្រាប់លាយថ្នាំចាក់ក្នុងកំហាប់5mg/1mL រួចចាក់តាមសរសៃវ៉ែនឬសរសៃអាកទែរ។ អនុវត្ត1សប្ដាហ៍ម្ដង រយៈពេល2～3សប្ដាហ៍។ បន្ទាប់មក ផ្អាកការប្រើប្រាស់ឱសថនេះរយៈពេល4～6សប្ដាហ៍ទៅតាមលទ្ធផលពិនិត្យឈាម។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់មានរោគប្រតិកម្មធ្ងន់ធ្ងរដោយសារសារធាតុនៅក្នុងឱសថនេះ។

・អ្នកដែលមានបញ្ហាមុខងារផលិតគ្រាប់ឈាមរបស់ខួរឆ្អឹងចុះខ្សោយ។

ផលរំខានរួមមាន ក្អួត ចង្អោរ មិនឃ្លានអាហារ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រោគសញ្ញាខ្វះឈាមក្រហម ក្ដៅខ្លួន ងាយហូរឈាមតាមច្រមុះ តាមអញ្ចាញនិងក្រោមស្បែក (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- ក្ដៅខ្លួន ក្អកគ្មានស្លេស្ម ពិបាកដកដង្ហើម ឈឺក្បាល អស់កម្លាំងពេញខ្លួន (ជំងឺរលាកសួតប្រភេទInterstitial pneumonia ជំងឺក្រិនសួត)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងមហារីកប្រភេទផ្សេងទៀត វិទ្យុសកម្ម - អាចធ្វើអោយផលប៉ះពាល់មុខងារផលិតគ្រាប់ឈាមរបស់ខួរឆ្អឹងកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

ឱសថនេះមានសកម្មភាពបន្ថែមម៉ូលេគុលអាល់គីល(Alkylation)ទៅលើDNA ដើម្បីរារាំងដំណើរការសំយោគDNAរបស់កោសិកាមហារីក។