Nilotinib hydrochloride hydrate

ជាទូទៅ ឱសថនេះប្រើនៅក្នុងការព្យាបាលជំងឺមហារីកគ្រាប់ឈាមសប្រភេទកោសិកាខួរឆ្អឹងរ៉ាំរ៉ៃ(Chronic myelogenous leukemia) ដែលស្ថិតក្នុងដំណាក់កាលរ៉ាំរ៉ៃ ឬ ដំណាក់កាលឆ្លងទៅសភាពស្រួចស្រាវ។

ថ្នាំលេប：

・មនុស្សពេញវ័យ: លេប1ដង400mg នៅយ៉ាងហោចណាស់1ម៉ោងមុនពេលបរិភោគអាហារ ឬ នៅយ៉ាងហោចណាស់2ម៉ោងក្រោយពេលបរិភោគអាហារ 1ថ្ងៃ2ដង (រៀងរាល់12ម៉ោង)។ ករណីស្ថិតក្នុងដំណាក់កាលរ៉ាំរ៉ៃដំបូង ត្រូវប្រើក្នុងកម្រិត1ដង300mg។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・កុមារ: លេបក្នុងកម្រិតដែលកំណត់ទៅតាមផ្ទៃក្រឡារាងកាយ (ត្រូវនឹង1ដងប្រមាណ230mg/m²) ដូចខាងក្រោម នៅយ៉ាងហោចណាស់1ម៉ោងមុនពេលបរិភោគអាហារ ឬ នៅយ៉ាងហោចណាស់2ម៉ោងក្រោយពេលបរិភោគអាហារ 1ថ្ងៃ2ដង (រៀងរាល់12ម៉ោង)។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

- ចាប់ពី 0.32m²ចុះ 50mg/ដង

- 0.33～0.54m² 100mg/ដង

- 0.55～0.76m² 150mg/ដង

- 0.77～0.97m² 200mg/ដង

- 0.98～1.19m² 250mg/ដង

- 1.20～1.41m² 300mg/ដង

- 1.42～1.63m² 350mg/ដង

- ចាប់ពី 1.64 m²ឡើង 400mg/ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះ ឬ ស្ត្រីដែលអាចនឹងកំពុងមានផ្ទៃពោះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកសរីរាង្គផលិតគ្រាប់ឈាម។

・ត្រូវប្រុងប្រយ័ត្នជាពិសេសចំពោះផលរំខានធ្វើអោយកើតមានជំងឺCardiac tamponade ដោយសារការអូសបន្លាយQTនៃចង្វាក់បេះដូង រហូតអ្នកជំងឺអាចបាត់បង់ជីវិត។ ដូច្នេះ ត្រូវតាមដានស្ថានភាពរបស់អ្នកជំងឺអោយបានម៉ត់ចត់។