Nifekalant hydrochloride

ជាទូទៅ ឱសថនេះប្រើនៅក្នុងការព្យាបាលជំងឺទាក់ទងនឹងចង្វាក់បេះដូងលក្ខណៈមានគ្រោះថ្នាក់ដល់ជីវិត ហើយការព្យាបាលដោយប្រើឱសថផ្សេងមិនមានប្រសិទ្ធិភាពឬមិនអាចប្រើបាន ដូចខាងក្រោម៖

・អាការៈកន្ត្រាក់ញាប់នៃបេះដូងដោយសារបញ្ហាថតក្រោមនៃបេះដូង (Ventricular tachycardia)

・អាការៈញ័រថតក្រោមនៃបេះដូង (Ventricular fibrillation)។

ថ្នាំចាក់：

・វិធីចាក់តាមសរសៃវ៉ែនតែមួយដង：

មនុស្សពេញវ័យ：ប្រើ1ដង0.3mg/kg ចាក់តាមសរសៃវ៉ែនដោយប្រើរយៈពេល5នាទី ក្រោមការតាមដានចង្វាក់បេះដូង(ECG)។

・វិធីបន្តចាក់តាមសរសៃវ៉ែន：

ករណីវិធីចាក់តាមសរសៃវ៉ែនតែមួយដងបង្ហាញប្រសិទ្ធិភាព និង ត្រូវការបន្តប្រសិទ្ធិភាពនោះ ត្រូវបញ្ចូលឱសថនេះតាមសរសៃវ៉ែនក្នុងល្បឿន0.4mg/kg/ម៉ោង ក្រោមការតាមដានចង្វាក់បេះដូង(ECG)។

អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ប្រើឱសថនេះដោយលាយជាមួយសេរ៉ូមប្រៃឬសេរ៉ូមគ្លុយកូស5%។

・អ្នកដែលមានបណ្ដុំរោគសញ្ញានៃQTអូសបន្លាយ។

・អ្នកដែលកំពុងប្រើប្រាស់ឱសថដូចខាងក្រោម : ឱសថAmiodarone(ថ្នាំចាក់) ឱសថFingolimod hydrochloride ឱសថEliglustat tartrate។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

មានផលរំខានភាគច្រើនទៅលើសួត ក្រពេញទីរ៉ូអ៊ីត កញ្ចក់ភ្នែក ។ល។ ក្រៅពីនេះ មានផលរំខាន ដូចជា ស្ទះការបញ្ជូនសញ្ញារវាងថតលើនិងថតក្រោមនៃបេះដូង(AV block) សម្ពាធឈាមចុះទាប រោគសញ្ញាក្រពះពោះវៀន ។ល។

・ឱសថនេះមានសកម្មភាពខ្លាំង។ ប្រើចំពោះតែករណីជំងឺចង្វាក់បេះដូងខុសប្រក្រតីដែលកើតឡើងម្ដងហើយម្ដងទៀតនិងមានគ្រោះថ្នាក់ដល់ជីវិត ឬ ករណីជំងឺចង្វាក់បេះដូងខុសប្រក្រតីដែលការប្រើឱសថផ្សេងទៀតមិនមានប្រសិទ្ធិភាព។

・ត្រូវការរយៈពេលប៉ុន្មានសប្ដាហ៍មុននឹងឃើញការបង្ហាញប្រសិទ្ធិភាពរបស់ឱសថ។ នៅក្នុងពេលប្រើប្រាស់ឱសថ ចាំបាច់ត្រូវធ្វើការពិនិត្យចង្វាក់បេះដូង(ECG)ឬអេកូបេះដូង។

មានសកម្មភាពទៅលើសាច់ដុំនៃថតលើនិងថតក្រោមនៃបេះដូង។ មានប្រសិទ្ធិភាពអូសបន្លាយរយៈពេលបន្តការបញ្ជូនសញ្ញាភ្ញោច(ប៉ូតង់ស្យែលសកម្ម) និង រយៈពេលមិនចម្លងប៉ូតង់ស្បែល(Refractory period)។ ម្យ៉ាងទៀត ឱសថក៏មានសកម្មភាពទប់ស្កាត់គ្រឿងចម្លងកាល់ស្យូមផងដែរ។