Neostigmine methylsulfate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis)

- ផលប៉ះពាល់លើប្រព័ន្ធដំណកដង្ហើមដោយសារការឱសថប្រភេទCurare (ឱសថTubocurarine)

- អាការៈនៃមុខងារក្រពះពោះវៀនចុះខ្សោយ ជំងឺស្ពឹកពោះវៀននៅក្រោយពេលវះកាត់ឬក្រោយពេលសម្រាលកូន

- អាការៈពិបាកនោម នៅក្រោយពេលវះកាត់ឬក្រោយពេលសម្រាលកូន

- ប្រឆាំងនឹងសកម្មភាពនៃឱសថទប់ស្កាត់ការកន្ត្រាក់នៃសាច់ដុំប្រភេទNon-depolarizing (Non-depolarizing muscle relaxant)។

ថ្នាំចាក់：

・ករណីជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis) ផលប៉ះពាល់លើប្រព័ន្ធដំណកដង្ហើមដោយសារការឱសថប្រភេទCurare (ឱសថTubocurarine) អាការៈនៃមុខងារក្រពះពោះវៀនចុះខ្សោយ ជំងឺស្ពឹកពោះវៀននៅក្រោយពេលវះកាត់ឬក្រោយពេលសម្រាលកូន និង អាការៈពិបាកនោម នៅក្រោយពេលវះកាត់ឬក្រោយពេលសម្រាលកូន：

មនុស្សពេញវ័យ：ប្រើ1ដង0.25～1mg 1ថ្ងៃ1～3ដង ចាក់ក្រោមស្បែកឬក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើនៅក្នុងការប្រឆាំងនឹងសកម្មភាពនៃឱសថទប់ស្កាត់ការកន្ត្រាក់នៃសាច់ដុំប្រភេទNon-depolarizing (Non-depolarizing muscle relaxant)：

មនុស្សពេញវ័យ：ប្រើ1ដង0.5～2mg ចាក់តាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ត្រូវប្រើឱសថនេះរួមជាមួយឱសថAtropine sulfate hydrate ដោយចាក់តាមសរសៃវ៉ែន។

ករណីថ្នាំលេប និង ថ្នាំចាក់：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាស្ទះនៅតាមប្រដាប់រំលាយអាហារឬតាមផ្លូវតម្រងនោម។

・អ្នកដែលមានជំងឺVagotonia។

・អ្នកដែលកំពុងប្រើប្រាស់ឱសថបន្ធូរការកន្ត្រាក់នៃសាច់ដុំប្រភេទDepolarizing (Depolarizing muscle relaxants) (ឱសថSuxamethonium)។

ករណីថ្នាំលេប និង ថ្នាំចាក់：

ផលរំខានរួមមាន ចង់ក្អួត ក្អួត បែកញើស ឈឺពោះ អាការៈប្រតិកម្ម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺពោះ រាករូស ការបញ្ចេញញើស ទឹកមាត់ ឬទឹកភ្នែកកើនឡើង ភ្នែកមើលមិនច្បាស់ (រោគសញ្ញានៃCholinergic crisis)។

ករណីថ្នាំបន្តក់ភ្នែក：

ផលរំខានរួមមាន អាការៈប្រតិកម្ម សម្ពាធភ្នែកកើនឡើងបណ្ដោះអាសន្ន(ឈឺភ្នែក មើលមិនច្បាស់ ឈឺក្បាល) ។ល។

ករណីថ្នាំលេប និង ថ្នាំចាក់：

・ឱសថបន្ធូរការកន្ត្រាក់នៃសាច់ដុំប្រភេទDepolarizing (Depolarizing muscle relaxants) (ឱសថSuxamethonium) - អាចធ្វើអោយសកម្មភាពនៃឱសថទាំងនេះកើនឡើង។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថភ្ញោចសរសៃប្រសាទអាសេទីលកូលីន (Acetylcholine, Aclatonium napadisilate ជាដើម) - អាចធ្វើអោយសកម្មភាពនៃឱសថទាំងសងខាងកើនឡើង។

・ឱសថទប់ស្កាត់ប្រព័ន្ធសរសៃប្រសាទParasympathetic (Atropine sulfate hydrate, Scopolamine hydrobromide hydrate, Butropium bromide ជាដើម) - អាចធ្វើអោយមិនអាចដឹងអំពីរោគសញ្ញាដំបូងនៃCholinergic crisis។

ករណីថ្នាំលេប និង ថ្នាំចាក់：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើប្រាស់ឱសថនេះទេ។

ឱសថនេះមានប្រសិទ្ធិភាពទប់ស្កាត់សកម្មភាពនៃអង់ស៊ីមអាសេទីកូលីនអេស្តឺរេស(Acetylcholinesterase) ដែលជាអង់ស៊ីមបំបែកសារធាតុអាសេទីលកូលីន(Acetylcholine, AChE)។ អាសេទីលកូលីនជាសារធាតុមានតួនាទីបញ្ជូនសញ្ញានៅក្នុងខួរក្បាល។ ដូច្នេះ ការទប់ស្កាត់សកម្មភាពរបស់អង់ស៊ីមអាសេទីកូលីនអេស្តឺរេសអាចធ្វើអោយបរិមាណអាសេទីលកូលីនកើនឡើងដោយប្រយោល។