Nedaplatin

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺមហារីកជាច្រើនប្រភេទ ដូចជា មហារីកនៅផ្នែកក្បាលនិងក មហារីកសួតប្រភេទNon-small-cell lung carcinomaនិងប្រភេទSmall-cell lung carcinoma មហារីកបំពង់អាហារ មហារីកប្លោកនោម មហារីកពងស្វាស មហារីកក្រពេញអូវែរ មហារីកកស្បូន។

    • កម្រិតប្រើប្រាស់

      ថ្នាំចាក់：

      1. មនុស្សពេញវ័យ ប្រើក្នុងកម្រិត 1ថ្ងៃ1ដង 80～100mg/m2(ផ្ទៃក្រឡារាងកាយ) បន្ទាប់មកផ្អាកការប្រើប្រាស់រយៈពេលយ៉ាងហោចណាស់4សប្ដាហ៍ (1វដ្ដ)។ បន្តអនុវត្តដូចនេះតទៅ។ អាចបង្កើនឬបន្ថយកម្រិតប្រើប្រាស់ទៅតាមអាយុ ជំងឺនិងរោគសញ្ញា។

      2. នៅពេលប្រើប្រាស់ឱសថនេះ គួរលាយនៅក្នុងសូលុយស្យុងអំបិលឬសូលុយស្យុងXylitol 5% បរិមាណយ៉ាងហោចណាស់300mL ដោយបង្កើនបរិមាណទៅតាមកម្រិតឱសថ រួចព្យួរសេរ៉ូមតាមសរសៃវ៉ែនដោយប្រើរយៈពេល60នាទីឡើងទៅ។

      3. បន្ទាប់ពីបញ្ចូលឱសថនេះ គួរព្យួរសេរ៉ូមបន្តបរិមាណចាប់ពី1000mLឡើងទៅ។

    • ហាមប្រើ

      ・អ្នកដែលកំពុងមានមុខងារផលិតគ្រាប់ឈាមនៃខួរឆ្អឹងធ្លាក់ចុះធ្ងន់ធ្ងរ។

      ・អ្នកដែលមានបញ្ហាតម្រងនោមធ្ងន់ធ្ងរ។

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថដែលមានផ្ទុកសារធាតុប្លាទីន(Pt)ផ្សេងទៀត។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

    • ផលរំខាន

      ផលរំខានរួមមាន ក្អួតចង្អោរ មិនឃ្លានអាហារ ជ្រុះរោមឬសក់។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - មុខក្រហម ពិបាកដកដង្ហើម រងាញាក់ (ស្សុក(Shock) រោគប្រតិកម្មអាណាហ្វីឡាក់ស៊ីស(Anaphylaxis))

      - ក្ដៅខ្លួន រងាញាក់ ក្អក ឈាមច្រមុះ វិលមុខ ងាយហូរឈាម ឈាមក្រកក មានស្នាមជាំពណ៌ស្វាយ អស់កម្លាំង ដង្ហក់ ឈឺបំពង់ក (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

      - បរិមាណទឹកនោមថយចុះ ពិបាកនោម ហើមមុខនិងដៃជើង (មុខងារតម្រងនោមថយចុះ)

      - ស្តាប់សម្លេងមិនសូវលឺ ហ៊ឹងត្រចៀក (ប៉ះពាល់សោតវិញាណ)

      - ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រឆាំងមហារីកផ្សេងទៀតឬការព្យាបាលដោយវិទ្យុសកម្ម - អាចធ្វើអោយផលរំខានទាក់ទងនឹងខួរឆ្អឹងងាយកើតឡើង។

      ・ឱសថប្រឆាំងបាក់តេរីប្រភេទAminoglycoside - អាចធ្វើអោយផលប៉ះពាល់ដល់តម្រងនោមឬត្រចៀកកើនឡើង។

      ・ឱសថប្រឆាំងបាក់តេរីVancomycin hydrochloride - អាចធ្វើអោយផលប៉ះពាល់ដល់តម្រងនោមឬត្រចៀកកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកដោយគីមី។

      ・ក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះអាការៈបណ្ដាលមកពីផលប៉ះពាល់ទៅលើខួរឆ្អឹងនិងតម្រងនោម ដោយតម្រូវអោយអ្នកជំងឺត្រូវទទួលការពិនិត្យឈាមជាញឹកញាប់។

    • សកម្មភាពឱសថ

      ឱសថនេះនឹងផ្ដល់ជាប្លាទីន(Pt)និងអ៊ីយ៉ុងជាច្រើនប្រភេទដែលសារធាតុទាំងនេះមានសកម្មភាពភ្ជាប់ទៅនឹងDNAនៅក្នុងកោសិកាមហារីក ដើម្បីបង្អាក់ដំណើរការផលិតDNAដែលចាំបាច់សម្រាប់ការបំបែកខ្លួន(ការកើនចំនួន)នៃកោសិកាមហារីក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល