Nateglinide

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      ・កែលម្អបម្រែបម្រួលកម្រិតជាតិស្ករក្នុងឈាមក្រោយបរិភោគអាហារ នៅក្នុងជំងឺទឹកនោមផ្អែមប្រភេទទី2 ដែលមិនទទួលបានប្រសិទ្ធិភាពគ្រប់គ្រាន់ពីការព្យាបាលដោយរបបអាហារនិងការហាត់ប្រាណ។

      ・កែលម្អបម្រែបម្រួលកម្រិតជាតិស្ករក្នុងឈាមក្រោយបរិភោគអាហារ នៅក្នុងជំងឺទឹកនោមផ្អែមប្រភេទទី2 ដែលមិនទទួលបានប្រសិទ្ធិភាពគ្រប់គ្រាន់ពីការព្យាបាលដោយរបបអាហារនិងការហាត់ប្រាណ និង ការប្រើឱសថប្រភេទទប់ស្កាត់អាល់ហ្វាគ្លុយកូស៊ីដាស(α-Glucosidase inhibitor)។

      ・កែលម្អបម្រែបម្រួលកម្រិតជាតិស្ករក្នុងឈាមក្រោយបរិភោគអាហារ នៅក្នុងជំងឺទឹកនោមផ្អែមប្រភេទទី2 ដែលមិនទទួលបានប្រសិទ្ធិភាពគ្រប់គ្រាន់ពីការព្យាបាលដោយរបបអាហារនិងការហាត់ប្រាណ និង ការប្រើឱសថបាយក្វាណាយ (Biguanides)។

      ・កែលម្អបម្រែបម្រួលកម្រិតជាតិស្ករក្នុងឈាមក្រោយបរិភោគអាហារ នៅក្នុងជំងឺទឹកនោមផ្អែមប្រភេទទី2 ដែលមិនទទួលបានប្រសិទ្ធិភាពគ្រប់គ្រាន់ពីការព្យាបាលដោយរបបអាហារនិងការហាត់ប្រាណ និង ការប្រើឱសថប្រភេទសាយអឺហ្សូលីឌីន (Thiazolidine derivatives)។

    • កម្រិតប្រើប្រាស់

      ថ្នាំលេប:

      មនុស្សពេញវ័យ:លេប1ដង90mg, 1ថ្ងៃ3ដង ភ្លាមៗមុនបរិភោគអាហារ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ដង120mg។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលកំពុងមានរោគសញ្ញានៃការកើនឡើងសារធាតុកេតូននៅក្នុងរាងកាយ(Ketosis)ធ្ងន់ធ្ងរ ឬ ស្ថិតក្នុងស្ថានភាពបាត់បង់ស្មារតីដោយសារជំងឺទឹកនោមផ្អែម ឬ អ្នកដែលមានជំងឺទឹកនោមផ្អែមប្រភេទទី1។

      ・អ្នកដែលមានបញ្ហាតម្រងនោមធ្ងន់ធ្ងរដល់ចាំបាច់ត្រូវលាងឈាម។

      ・អ្នកដែលកំពុងមានជំងឺឆ្លងធ្ងន់ធ្ងរ ឬ ស្ថិតនៅមុននិងក្រោយពេលវះកាត់ ឬ កំពុងមានរបួសធ្ងន់ធ្ងរ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

    • ផលរំខាន

      ហើមពោះ រាករូស លាមកទន់ រមាស់ស្បែក កម្រិតជាតិស្ករក្នុងឈាមចុះទាបខ្លាំង ។ល។

    • ការប្រុងប្រយ័ត្នជាពិសេស

      ・ដើម្បីបង្ការកុំអោយកើតមានរោគសញ្ញានៃកម្រិតជាតិស្ករក្នុងឈាមចុះទាបខ្លាំង ត្រូវប្រើប្រាស់ឱសថនេះនៅក្នុងអំឡុងពេល10នាទីមុនបរិភោគអាហារ។

    • សកម្មភាពឱសថ

      ភ្ញោចកោសិកាIslets of Langerhans នៃក្រពេញលំពែង ដើម្បីជម្រុញការបញ្ចេញអរម៉ូនអាំងស៊ុយលីន។

      (ក៏មានសកម្មភាពនៅក្នុងសរសៃឈាម ដូចជា ទប់ស្កាត់មុខងារប្លាកែត ទប់ស្កាត់ការកកើតកំណកឈាម ជាដើម ផងដែរ)។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp