Naphazoline nitrate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ករណីថ្នាំបន្តក់ភ្នែក：

      ជាទូទៅ ឱសថនេះប្រើនៅក្នុងការព្យាបាលអាការៈភ្នែកក្រហម (ឈាមប្រមូលផ្ដុំ) (ប្រើរួមជាមួយឱសថព្យាបាលមូលហេតុនៃជំងឺ)។

      ករណីថ្នាំទឹកប្រើចំពោះផ្លូវដង្ហើមផ្នែកខាងលើ：

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - អាការៈឈាមប្រមូលផ្ដុំ ឬ អាការៈដក់ឈាមនៅក្នុងច្រមុះ (ធ្វើអោយតឹងច្រមុះជាដើម) ដែលកើតមាននៅក្នុងជំងឺផ្លូវដង្ហើមផ្នែកខាងលើ។

      - ប្រើដើម្បីអូសបន្លាយប្រសិទ្ធិភាពនៃថ្នាំស្ពឹក នៅពេលអនុវត្តការធ្វើអោយស្ពឹកនៅលើភ្នាសសើមនៃផ្លូវដង្ហើមផ្នែកខាងលើ។

    • កម្រិតប្រើប្រាស់

      ករណីថ្នាំបន្តក់ភ្នែក (0.5mg/mL)：

      មនុស្សពេញវ័យ：ប្រើ1ដង1～2តំណក់ 1ថ្ងៃ2～3ដង បន្តក់ក្នុងភ្នែក។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំទឹកប្រើចំពោះផ្លូវដង្ហើមផ្នែកខាងលើ (0.05%)：

      មនុស្សពេញវ័យ：ករណីប្រើក្នុងច្រមុះ បន្តក់1ដង2～4តំណក់ 1ថ្ងៃច្រើនដង។ ករណីប្រើនៅក្នុងបំពង់កឬបំពង់សម្លេង ប្រើ1ដង1～2mL 1ថ្ងៃច្រើនដង លាបឬបាញ់ទៅលើកន្លែងដែលមានបញ្ហា។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីប្រើឱសថនេះបន្ថែមទៅក្នុងថ្នាំស្ពឹក ត្រូវប្រើ2～4តំណក់សម្រាប់ថ្នាំស្ពឹក1mL។

    • ហាមប្រើ

      ករណីថ្នាំបន្តក់ភ្នែក：

      ・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

      ・អ្នកដែលកំពុងប្រើប្រាស់ឱសថប្រភេទMAO inhibitors។

      ករណីថ្នាំទឹកប្រើចំពោះផ្លូវដង្ហើមផ្នែកខាងលើ：

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・ទារកឬកុមារដែលមានអាយុក្រោម2ឆ្នាំ។

      ・អ្នកដែលកំពុងប្រើប្រាស់ឱសថប្រភេទMAO inhibitors។

    • ផលរំខាន

      ករណីថ្នាំបន្តក់ភ្នែក：

      ផលរំខានរួមមាន ពិបាកសម្រួលកំនុំភ្នែក កូនក្រមុំភ្នែករីក ស្ងួតភ្នែក រោគសញ្ញាប្រតិកម្ម ។ល។

      ករណីថ្នាំទឹកប្រើចំពោះផ្លូវដង្ហើមផ្នែកខាងលើ：

      ផលរំខានរួមមាន ងងុយគេងឬគេងមិនលក់ ឈឺក្បាល វិលមុខ ចង់ក្អួត កណ្ដាស់ សម្ពាធឈាមកើនឡើង ហូរសម្បោរ រោគសញ្ញាប្រតិកម្ម ។ល។

    • អន្តរប្រតិកម្ម

      ករណីថ្នាំបន្តក់ភ្នែក និង ថ្នាំទឹកប្រើចំពោះផ្លូវដង្ហើមផ្នែកខាងលើ：

      ・ឱសថប្រភេទMAO inhibitors - អាចធ្វើអោយសម្ពាធឈាមឡើងខ្ពស់ខ្លាំងនិងភ្លាមៗ។ ដូច្នេះ ហាមប្រើរួមគ្នា។

    • ស្ត្រីមានផ្ទៃពោះ និង ស្ត្រីបំបៅដោះកូន

      ករណីថ្នាំបន្តក់ភ្នែក និង ថ្នាំទឹកប្រើចំពោះផ្លូវដង្ហើមផ្នែកខាងលើ：

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

    • ការប្រុងប្រយ័ត្នជាពិសេស

      ・ការប្រើប្រាស់ឱសថនេះច្រើនដង(4ដងឡើងទៅ)ក្នុងមួយថ្ងៃឬប្រើក្នុងរយៈពេលវែង អាចធ្វើអោយអាការៈតឹងច្រមុះឬភ្នែកក្រហមកាន់តែធ្ងន់ធ្ងរ ដូច្នេះ គួរចៀសវាង។

      ・ករណីថ្នាំទឹកប្រើចំពោះផ្លូវដង្ហើមផ្នែកខាងលើ គួរហិះសម្បោរចេញអោយអស់ពីច្រមុះសិន មុននឹងប្រើឱសថនេះ។

    • សកម្មភាពឱសថ

      ឱសថនេះមានសកម្មភាពភ្ញោចគ្រឿងទទួលអាល់ហ្វា(α receptor) ដើម្បីកន្ត្រាក់សាច់ដុំសរសៃឈាម ធ្វើអោយសរសៃឈាមរួមតូច។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល