Naloxone hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលរោគសញ្ញាចុះខ្សោយដំណកដង្ហើម(សកម្មភាពទប់ស្កាត់ដំណកដង្ហើម) និងភាពយឺតយ៉ាវនៃការដឹងស្មារតីឡើងវិញរបស់អ្នកដែលបានទទួលឱសថសណ្ដំ។

    • កម្រិតប្រើប្រាស់

      ថ្នាំចាក់：

      មនុស្សពេញវ័យ：ប្រើ1ដង 0.2mg ចាក់តាមសរសៃវ៉ែន។ ករណីប្រសិទ្ធិភាពមិនគ្រប់គ្រាន់ អាចប្រើក្នុងកម្រិត0.2mg ម្ដងទៅ2ដងទៀតដោយទុកគម្លាត2～3នាទីពីគ្នា។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលមានបញ្ហាប្រព័ន្ធដង្ហើមមិនដំណើរការ កើតឡើងដោយសារជំងឺឬដោយសារការប្រើប្រាស់ឱសថទប់ស្កាត់មុខងារប្រព័ន្ធសរសៃប្រសាទកណ្ដាលប្រភេទមិនញៀន(Non-narcotic central nervous inhibitor) ដូចជា ឱសថប្រភេទBarbiturates។

    • ផលរំខាន

      ផលរំខានរួមមាន សម្ពាធឈាមកើនឡើង ក្អួតចង្អោរ ចង្វាក់បេះដូងលោតញាប់ ញ័រដៃជើង ឈឺពោះ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ពិបាកដកដង្ហើម ចង្វាក់បេះដូងលោតញាប់ សម្ពាធឈាមឡើងខ្ពស់ ស្លេកខៀវ (ទឹកដក់ក្នុងសួត)។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះមានសកម្មភាពភ្ជាប់ទៅនឹងគ្រឿងទទួលអូភីអ័យ(Opioid Receptor) ប្រជែងជាមួយនឹងការភ្ជាប់នៃឱសថបំបាត់ការឈឺចាប់ប្រភេទញៀន(Narcotic analgesic)ជាមួយនឹងគ្រឿងទទួលខាងលើ។ ជាលទ្ធផល ឱសថនេះមានប្រសិទ្ធិភាពកាត់បន្ថយផលរំខាននៃការបញ្ឈប់ដំណើរការប្រព័ន្ធដកដង្ហើមជាដើមរបស់ឱសថបំបាត់ការឈឺចាប់ប្រភេទញៀន។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល