Nafamostat mesilate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・រោគសញ្ញាដែលបង្កដោយអង់ស៊ីមបំបែកប្រូតេអ៊ីន(Trypsin, Kallikrein, Plasmin។ល។) នៅក្នុងជំងឺដូចជា：ជំងឺរលាកលំពែងស្រួចស្រាវ ដំណាក់កាលស្រួចស្រាវនៃជំងឺរលាកលំពែងរើឡើងវិញលក្ខណៈរ៉ាំរ៉ៃ និង ជំងឺរលាកលំពែងស្រួចស្រាវនៅក្រោយការវះកាត់។

・បណ្ដុំរោគសញ្ញានៃការកើតកំណកឈាមក្នុងសរសៃឈាមច្រើនកន្លែង(Disseminated intravascular coagulation syndrome, DIC)

・ទប់ស្កាត់ការកកើតកំណកឈាម នៅពេលអនុវត្តប្រព័ន្ធចរន្តឈាមក្រៅរាងកាយចំពោះអ្នកដែលមានជំងឺលក្ខណៈហូរឈាមឬអ្នកដែលស្ថិតក្នុងស្ថានភាពងាយហូរឈាម (ការលាងឈាម និង Plasmapheresis)។

ថ្នាំចាក់：

・ករណីរោគសញ្ញាស្រួចស្រាវនៃជំងឺរលាកលំពែង：

ជាទូទៅ ប្រើក្នុងកម្រិត1ដង10mg ដោយលាយនៅក្នុងសេរ៉ូមគ្លុយកូស5%បរិមាណ500mL រួចព្យួរសេរ៉ូមនោះតាមសរសៃវ៉ែនដោយប្រើរយៈពេលប្រមាណ2ម៉ោង។ ប្រើក្នុងកម្រិតនេះ 1ថ្ងៃ1～2ដង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・ករណីបណ្ដុំរោគសញ្ញានៃការកើតកំណកឈាមក្នុងសរសៃឈាមច្រើនកន្លែង(Disseminated intravascular coagulation syndrome, DIC)：

ជាទូទៅ លាយឱសថក្នុងកម្រិតសម្រាប់ប្រើ1ថ្ងៃ នៅក្នុងសេរ៉ូមគ្លុយកូស5%បរិមាណ1000mL រួចបញ្ចូលតាមសរសៃវ៉ែនជាប់ឥតដាច់រយៈពេល24ម៉ោង ដោយល្បឿន 0.06～0.2mg/kg/ម៉ោង។

・ករណីទប់ស្កាត់ការកកើតកំណកឈាម នៅពេលអនុវត្តប្រព័ន្ធចរន្តឈាមក្រៅរាងកាយចំពោះអ្នកដែលមានជំងឺលក្ខណៈហូរឈាមឬអ្នកដែលស្ថិតក្នុងស្ថានភាពងាយហូរឈាម：

ជាទូទៅ ប្រើនៅមុនចាប់ផ្ដើមអនុវត្តប្រព័ន្ធចរន្តឈាមក្រៅរាងកាយ ដោយលាយឱសថនេះ20mg នៅក្នុងសេរ៉ូមប្រៃ500mL ដើម្បីប្រើនៅក្នុងការលាងនិងចាក់បំពេញនៅខាងក្នុងប្រព័ន្ធវិលជុំនៃចរន្តឈាម។ ក្រោយពេលចាប់ផ្ដើមអនុវត្តប្រព័ន្ធចរន្តឈាមក្រៅរាងកាយ ត្រូវប្រើសូលុយស្យុងដែលលាយឱសថនេះនៅក្នុងសេរ៉ូមគ្លុយកូស5%ចាក់បញ្ចូលក្នុងសរសៃវ៉ែនជាប់ឥតដាច់តាមរយៈខ្សែសម្រាប់ចាក់បញ្ចូលឱសថទប់ស្កាត់កំណកឈាម ក្នុងល្បឿន20～50mg/ម៉ោង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

អាការៈប្រតិកម្មធ្ងន់ធ្ងរ(Shock) ឡើងកន្ទួលក្រហម រលាកសរសៃវ៉ែន ប៉ះពាល់មុខងារថ្លើម ។ល។

・បន្ទាប់ពីចាប់ផ្ដើមបញ្ចូលឱសថ ត្រូវពិនិត្យមើលមួយរយៈពេលថាតើមានកើតឡើងអាការៈប្រតិកម្មធ្ងន់ធ្ងរ(Shock)ដែរឬទេ។

ទប់ស្កាត់សកម្មភាពនៃសារធាតុTrypsin, Kallikrein, Plasmin, Thrombin ជាដើម ដើម្បីកាត់បន្ថយសកម្មភាពខុសប្រក្រតីនៃអង់ស៊ីម។