Monteplase

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      ・រំលាយកំណកឈាមនៅសរសៃឈាមបេះដូងដែលកើតមាននៅក្នុងជំងឺស្ទះសរសៃឈាមបេះដូងស្រួចស្រាវ (ករណីស្ថិតក្នុងអំឡុងពេល6ម៉ោងបន្ទាប់ពីកើតរោគសញ្ញា)។

      ・រំលាយកំណកឈាមក្នុងសរសៃអាកទែរនៅសួត ដែលកើតមាននៅក្នុងជំងឺស្ទះកំណកឈាមក្នុងសួតលក្ខណៈស្រួចស្រាវដែលរួមមានរោគសញ្ញានៃចរន្តឈាមគ្មានលំនឹង។

    • កម្រិតប្រើប្រាស់

      ថ្នាំចាក់：

      ・ករណីរំលាយកំណកឈាមនៅសរសៃឈាមបេះដូងដែលកើតមាននៅក្នុងជំងឺស្ទះសរសៃឈាមបេះដូងស្រួចស្រាវ (ករណីស្ថិតក្នុងអំឡុងពេល6ម៉ោងបន្ទាប់ពីកើតរោគសញ្ញា)：

      មនុស្សពេញវ័យ：ប្រើក្នុងកម្រិត 27,500 IU/kg ចាក់តាមសរសៃវ៉ែន។

      ・ករណីរំលាយកំណកឈាមក្នុងសរសៃអាកទែរនៅសួត ដែលកើតមាននៅក្នុងជំងឺស្ទះកំណកឈាមក្នុងសួតលក្ខណៈស្រួចស្រាវដែលរួមមានរោគសញ្ញានៃចរន្តឈាមគ្មានលំនឹង：

      មនុស្សពេញវ័យ：ប្រើក្នុងកម្រិត 13,750～27,500 IU/kg ចាក់តាមសរសៃវ៉ែន។ កម្រិតអតិបរមាប្រើក្នុង1ដងគឺ 27,500 IU/kg។

      ប្រើដោយលាយឱសថនេះនៅក្នុងសេរ៉ូមប្រៃដើម្បីទទួលបានកំហាប់ 80,000 IU/mL ហើយចាក់បញ្ចូលឱសថក្នុងល្បឿនប្រមាណ10mL(800,000 IU)/នាទី។

    • ហាមប្រើ

      ・អ្នកដែលកំពុងមានអាការៈហូរឈាម (ហូរឈាមក្នុងក្បាល ហូរឈាមក្នុងក្រពះឬពោះវៀន ហូរឈាមនៅផ្លូវនោម កំហាកមានឈាម រោគសញ្ញាRetroperitoneal hemorrhage)។

      ・អ្នកដែលបានទទួលការវះកាត់ឬរងរបួសនៅក្នុងក្បាលឬខួរឆ្អឹងខ្នង (ក្នុងអំឡុងពេល2ខែ)។

      ・អ្នកដែលមានជំងឺមហារីកក្នុងក្បាល ឬ ជំងឺសរសៃវ៉ែននិងអាកទែប្រែខុសទ្រង់ទ្រាយ ជំងឺប៉ោងសរសៃអាកទែ ជាដើម។

      ・អ្នកដែលងាយកើតអាការៈហូរឈាម។

      ・អ្នកដែលមានជំងឺលើសសម្ពាធឈាមធ្ងន់ធ្ងរ។

      ・អ្នកដែលកំពុងប្រើប្រាស់ឱសថDefibrotide sodium។

    • ផលរំខាន

      សម្ពាធឈាមធ្លាក់ចុះ ហូរឈាម ជីពចរចុះខ្សោយ ចង្វាក់បេះដូងខុសប្រក្រតី ។ល។

    • ការប្រុងប្រយ័ត្នជាពិសេស

      ・ត្រូវប្រុងប្រយ័ត្នចំពោះផលរំខាននៃឱសថធ្វើអោយកើតមានអាការៈហូរឈាមក្នុងខួរក្បាល ដែលអាចធ្ងន់ធ្ងរដល់ប៉ះពាល់ជីវិតរបស់អ្នកជំងឺ។

      ・ប្រើក្នុងគោលដៅដូចទៅនឹងUrokinaseដែរ ប៉ុន្តែមានប្រសិទ្ធិភាពខ្ពស់ជាងUrokinase (2～3ដង)។

      ・ឱសថមានប្រសិទ្ធិភាពនៅក្នុងការរំលាយកំណកឈាមនៅក្នុងសរសៃអាកទែរបេះដូង ដែលកើតមាននៅក្នុងអាការៈស្ទះសរសៃឈាមបេះដូងក្នុងអំឡុងពេល6ម៉ោង។ ប្រើក្នុងរយៈពេល4.5ម៉ោងចំពោះអាការៈស្ទះកំណកឈាមក្នុងសួតឬក្នុងខួរក្បាល។

      ・នៅពេលសរសៃអាកទែរបេះដូងចាប់ផ្ដើមអាចឆ្លងកាត់បាន អាចធ្វើអោយកើតមានអាការៈចង្វាក់បេះដូងខុសប្រក្រតី។

    • សកម្មភាពឱសថ

      មានសកម្មភាពទៅលើសារធាតុផ្លាស្មីនណូជេន(Plasminogen)ដែលភ្ជាប់ទៅនឹងសារធាតុបង្កកំណកឈាមហ្វីប្រ៊ីន(Fibrin) ដើម្បីផលិតសារធាតុផ្លាស្មីន(Plasmin)។ ផ្លាស្មីនជាសារធាតុដែលមានសកម្មភាពរំលាយកំណកឈាម។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល