Monobasic sodium phosphate monohydrate + Dibasic sodium phosphate anhydrous

ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖

- ប្រើនៅក្នុងការព្យាបាលជំងឺកម្រិតផូស្វ័រ(P)ក្នុងឈាមចុះទាប (Hypophosphatemia)

- ប្រើនៅក្នុងការសម្អាតពោះវៀននៅមុនពេលធ្វើការពិនិត្យពោះវៀនធំដោយអង់ដូស្កូប។

ថ្នាំលេប：

・ករណីប្រើនៅក្នុងការព្យាបាលជំងឺកម្រិតផូស្វ័រក្នុងឈាមចុះទាប (Hypophosphatemia):

ជាទូទៅ ស្ថិតក្នុងទម្រង់ជាថ្នាំម្សៅ ដោយនៅក្នុងឱសថ1កញ្ចប់(0.48g) រួមមាន សារធាតុMonobasic sodium phosphate monohydrate 330mg និង សារធាតុDibasic sodium phosphate anhydrous 119mg ដែលនឹងផ្ដល់ជាសារធាតុផូស្វ័រ 100mg។

ជាទូទៅ លេបក្នុងកម្រិតដែលអាចទទួលបានបរិមាណផូស្វ័រ 1ថ្ងៃ 20~40mg/kg ដោយបែងចែកការលេបជាច្រើនដងក្នុង1ថ្ងៃ។ បន្ទាប់ពីនោះ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ ប៉ុន្តែ កម្រិតអតិបរមានៃផូស្វ័រក្នុង1ថ្ងៃគឺ 3000mg។

・ករណីប្រើនៅក្នុងការសម្អាតពោះវៀននៅមុនពេលធ្វើការពិនិត្យពោះវៀនធំដោយអង់ដូស្កូប:

ជាទូទៅ ស្ថិតក្នុងទម្រង់ជាថ្នាំគ្រាប់ ដោយនៅក្នុងឱសថ1គ្រាប់ មានផ្ទុកសារធាតុMonobasic sodium phosphate monohydrate 734.7mg និង សារធាតុDibasic sodium phosphate anhydrous 265.3mg។

មនុស្សពេញវ័យ លេប1ដង5គ្រាប់ ជាមួយទឹកប្រហែល200mL រៀងរាល់15នាទីម្ដង សរុប10ដង (សរុប50គ្រាប់)។ ចាប់ផ្ដើមលេបឱសថនេះនៅ4~6ម៉ោងមុនអនុវត្តការពិនិត្យពោះវៀនធំដោយអង់ដូស្កូប។

ករណីប្រើនៅក្នុងការព្យាបាលជំងឺកម្រិតផូស្វ័រក្នុងឈាមចុះទាប (Hypophosphatemia)：

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

ករណីប្រើនៅក្នុងការសម្អាតពោះវៀននៅមុនពេលធ្វើការពិនិត្យពោះវៀនធំដោយអង់ដូស្កូប：

・អ្នកដែលមានបញ្ហាមុខងារតម្រងនោមធ្ងន់ធ្ងរ រួមទាំង អ្នកដែលទទួលការលាងឈាម។

・អ្នកដែលមានជំងឺអាស៊ីតផូស្វរិចប្រមូលផ្ដុំនៅតម្រងនោមលក្ខណៈស្រួចស្រាវ។

・មនុស្សចាស់ដែលមានជំងឺលើសសម្ពាធឈាម។

・អ្នកដែលមានជំងឺខ្សោយមុខងារបេះដូងប៉ះពាល់ដល់ចរន្តឈាមក្នុងរាងកាយ (Congestive heart failure) ឬ ជំងឺត្បៀតសរសៃឈាមបេះដូងលក្ខណៈមិននឹងនរ (Unstable angina)។

・អ្នកដែលមានបណ្ដុំរោគសញ្ញានៃQTអូសបន្លាយ (Long QT syndrome) ឬ ជំងឺចង្វាក់បេះដូងខុសប្រក្រតីដោយសារបញ្ហាថតក្រោមនៃបេះដូង(Ventricular arrhythmia)កម្រិតធ្ងន់ធ្ងរ។

・អ្នកដែលមានជំងឺដែលបង្កជារោគសញ្ញាទាចទឹក (Ascites)។

・អ្នកដែលកំពុងមានឬសង្ស័យថាមានជំងឺស្ទះនៅក្រពះពោះវៀន។

・អ្នកដែលកំពុងមានឬសង្ស័យថាមានជំងឺធ្លាយពោះវៀន។

・អ្នកដែលមានជំងឺពោះវៀនធំរីកដោយសារការពុល (Toxic megacolon)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីប្រើនៅក្នុងការព្យាបាលជំងឺកម្រិតផូស្វ័រក្នុងឈាមចុះទាប (Hypophosphatemia)：

・ត្រូវប្រុងប្រយ័ត្នជាពិសេសចំពោះផលរំខាននៃឱសថនេះធ្វើអោយកើតមានការចុះខ្សោយនៃមុខងារតម្រងនោម ឬ បញ្ហាតម្រងនោមដោយសារការប្រមូលផ្ដុំនៃអាស៊ីតផូស្វ័ររិច ជាពិសេស ចំពោះអ្នកជំងឺដែលមានបញ្ហាមុខងារតម្រងនោមស្រេច។

ករណីប្រើនៅក្នុងការសម្អាតពោះវៀននៅមុនពេលធ្វើការពិនិត្យពោះវៀនធំដោយអង់ដូស្កូប：

・ត្រូវប្រុងប្រយ័ត្នចំពោះផលរំខានធ្វើអោយសម្ពាធក្នុងពោះវៀនកើនឡើង ដែលអាចបង្កជាការធ្លាយពោះវៀន ដូច្នេះត្រូវប្រើឱសថនេះដោយតាមដានទៅលើស្ថានភាពបន្ទោរបង់និងអាការៈឈឺពោះជាដើមរបស់អ្នកជំងឺ។ ប្រសិនបើមានរោគសញ្ញាឈឺពោះជាដើម ត្រូវពិនិត្យផ្នែកពោះឬធ្វើការថតរូបភាពវេជ្ជសាស្ត្រ (កាំរស្មីអ៊ិច អេកូ CT។ល។) ដើម្បីវិនិច្ឆ័យថាគួរបន្តការប្រើឱសថនេះបន្តទៀតដែរឬទេ។

・ត្រូវប្រុងប្រយ័ត្នជាពិសេសផងដែរចំពោះផលរំខាននៃឱសថនេះប៉ះពាល់ដល់មុខងារតម្រងនោម ចង្វាក់បេះដូង ជាដើម។