Mogamulizumab

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺAdult T cell leukemia lymphomaដែលមានវត្តមានCCR4

- ជំងឺPeripheral T-cell lymphomaដែលមានវត្តមានCCR4 លក្ខណៈរើឡើងវិញឬពិបាកព្យាបាល

- ជំងឺCutaneous T cell lymphomaដែលរើឡើងវិញឬពិបាកព្យាបាល។

ថ្នាំចាក់：

・ករណីជំងឺAdult T cell leukemia lymphomaដែលមានវត្តមានCCR4:

មនុស្សពេញវ័យ ប្រើក្នុងកម្រិត1ដង 1mg/kg ដោយព្យួរសេរ៉ូមតាមសរសៃវ៉ែន រៀងរាល់1សប្ដាហ៍ម្ដង សរុប8ដង។ ករណីប្រើរួមជាមួយឱសថប្រឆាំងមហារីកផ្សេងទៀត មនុស្សពេញវ័យ ប្រើក្នុងកម្រិត1ដង 1mg/kg ដោយព្យួរសេរ៉ូមតាមសរសៃវ៉ែន រៀងរាល់2សប្ដាហ៍ម្ដង សរុប8ដង។ ចំពោះអ្នកជំងឺដែលមិនធ្លាប់ទទួលការព្យាបាលដោយគីមី ត្រូវប្រើឱសថនេះរួមជាមួយឱសថប្រឆាំងមហារីកផ្សេងទៀត។

・ករណីជំងឺPeripheral T-cell lymphomaដែលមានវត្តមានCCR4 លក្ខណៈរើឡើងវិញឬពិបាកព្យាបាល:

មនុស្សពេញវ័យ ប្រើក្នុងកម្រិត1ដង 1mg/kg ដោយព្យួរសេរ៉ូមតាមសរសៃវ៉ែន រៀងរាល់1សប្ដាហ៍ម្ដង សរុប8ដង។

・ករណីជំងឺCutaneous T cell lymphomaដែលរើឡើងវិញឬពិបាកព្យាបាល:

មនុស្សពេញវ័យ ប្រើក្នុងកម្រិត1ដង 1mg/kg ដោយព្យួរសេរ៉ូមតាមសរសៃវ៉ែន រៀងរាល់1សប្ដាហ៍ម្ដង ចំនួន5ដង។ បន្ទាប់ពីនោះ ប្រើក្នុងកម្រិតដដែល រៀងរាល់2សប្ដាហ៍ម្ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន រោគសញ្ញានៃInfusion reaction ក្ដៅខ្លួន រងាញាក់ កន្ទួលក្រហមលើស្បែក ជីពចរកើនឡើង ចង់ក្អួត សម្ពាធឈាមកើនឡើង កម្រិតអុកស៊ីសែនចុះទាប រមាស់ស្បែក រលាកបំពង់កនិងច្រមុះ អស់កម្លាំង រាករូស រោគសញ្ញាខ្វះឈាម ជ្រុះរោមឬសក់ មិនសូវឃ្លានអាហារ ស្រកទម្ងន់ ទល់លាមក រលាកក្នុងមាត់(ពងបែកក្នុងមាត់) ក្អួត ឈឺក្បាល ជីវ្ហាវិញាណមានបញ្ហា។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រងាញាក់ ក្ដៅខ្លួន ក្អួតចង្អោរ វិលមុខ បេះដូងលោតញាប់ (Infusion reaction)

- ស្នាមក្រហមលើស្បែកដែលប៉ោងនៅកណ្ដាល ពងទឹកលើស្បែកដែលងាយបែក រលាត់នៅបបូរមាត់ឬក្នុងមាត់ ក្ដៅខ្លួន (បញ្ហាស្បែកធ្ងន់ធ្ងរ)

- រោគសញ្ញាដូចផ្ដាសាយ រួយខ្លួន ក្ដៅខ្លួន (ជំងឺឆ្លង)

- រួយខ្លួន ភ្នែកនិងស្បែកប្រែពណ៌លឿង ចង់ក្អួត ពិបាកផ្ដុំអារម្មណ៍ពិចារណា (ប៉ះពាល់មុខងារថ្លើម រលាកថ្លើម រលាកថ្លើមធ្ងន់ធ្ងរដោយសារវីរុសរលាកថ្លើមប្រភេទB)

- បរិមាណទឹកនោមថយចុះ នោមមានឈាម ឈឺនៅផ្នែកខាងនៃពោះ (មុខងារតម្រងនោមធ្លាក់ចុះ បណ្ដុំរោគសញ្ញាដោយសារការងាប់កោសិកាមហារីកច្រើនក្នុងរយៈពេលខ្លី(Tumor lysis syndrome))

- ក្ដៅខ្លួន ឈឺបំពង់ក (ចំនួនគ្រាប់ឈាមសថយចុះ)

- ឈាមច្រមុះ ស្នាមជាំលើស្បែក ហូរឈាមមិនងាយឈប់ (ចំនួនប្លាកែតថយចុះ)

- រួយខ្លួន បេះដូងលោតញាប់ឬដង្ហក់នៅពេលឡើងជណ្ដើរឬទីទួល ធ្ងន់ក្បាល (រោគសញ្ញាខ្វះឈាម)

- ក្អកស្ងួត ពិបាកដកដង្ហើម ក្ដៅខ្លួន (រលាកសួតប្រភេទInterstitial lung disease)

- រួយខ្លួន អស់កម្លាំង (កម្រិតជាតិស្ករក្នុងឈាមកើនខ្ពស់)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・វ៉ាក់សាំង(ប្រភេទរស់ និង ប្រភេទអសកម្ម) - អាចធ្វើអោយប្រសិទ្ធិភាពវ៉ាក់សាំងថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះទេ ក្នុងករណីចាំបាច់ប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកទាក់ទងនឹងសរីរាង្គផលិតគ្រាប់ឈាម។

・ត្រូវប្រុងប្រយ័ត្នជាពិសេសចំពោះផលរំខានប៉ះពាល់ស្បែកធ្ងន់ធ្ងរ រួមមាន ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome ឬ StevensJohnson syndrome) ជំងឺស្លាប់កោសិកាស្បែក(TEN)) ដោយអ្នកជំងឺត្រូវទទួលការតាមដានជាប្រចាំពីវេជ្ជបណ្ឌិតជំនាញខាងស្បែកផងដែរ។ ផលប៉ះពាល់ស្បែកនេះក៏អាចកើតឡើងនៅក្រោយពេលបញ្ឈប់ការប្រើប្រាស់ឱសថនេះផងដែរ។ ប្រសិនបើឃើញកើតមានរោគសញ្ញាដំបូងនៃបញ្ហាទាំងនេះ ត្រូវបញ្ឈប់ការប្រើប្រាស់ឱសថនេះ និង ត្រូវព្យាបាលដោយប្រើឱសថផ្សេងៗ ដូចជា ឱសថស្តេរ៉ូអ៊ីត ឱសថប្រឆាំងអាការៈអាលែកហ្ស៊ី ឱសថប្រឆាំងហ៊ីស្តាមីន ជាដើម។

ឱសថនេះមានសកម្មភាពបំផ្លាញកោសិកាមហារីកដែលមានវត្តមានCCR4 តាមរយៈប្រតិកម្មADCC។