Mitomycin C

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺមហារីកគ្រាប់ឈាមសប្រភេទកោសិកាទឹករងៃលក្ខណៈរ៉ាំរ៉ៃ (Chronic lymphocytic leukemia)

- ជំងឺមហារីកគ្រាប់ឈាមសប្រភេទកោសិកាខួរឆ្អឹងលក្ខណៈរ៉ាំរ៉ៃ (Chronic myelocytic leukemia, AML)

- ជំងឺមហារីកក្រពះ

- ជំងឺមហារីកពោះវៀនធំ (Colon cancer និង Rectum cancer)

- ជំងឺមហារីកសួត

- ជំងឺមហារីកលំពែង

- ជំងឺមហារីកថ្លើម

- ជំងឺមហារីកកស្បូន (Cervical cancer)

- ជំងឺមហារីកតួស្បូន (Endometrial cancer)

- ជំងឺមហារីកសុដន់

- ជំងឺមហារីកនៅផ្នែកក្បាលនិងក

- ជំងឺមហារីកប្លោកនោម។

ថ្នាំចាក់：

1. វិធីប្រើឱសថលក្ខណៈទុកគម្លាត:

មនុស្សពេញវ័យ ប្រើ1ថ្ងៃ4～6mg និង 1～2ដងក្នុង1សប្ដាហ៍ ដោយចាក់តាមសរសៃវ៉ែន។

2. វិធីប្រើឱសថលក្ខណៈបន្តបន្ទាប់:

មនុស្សពេញវ័យ ប្រើ1ថ្ងៃ2mg រៀងរាល់ថ្ងៃ ដោយចាក់តាមសរសៃវ៉ែន។

3. វិធីប្រើឱសថក្នុងកម្រិតខ្ពស់លក្ខណៈទុកគម្លាត:

មនុស្សពេញវ័យ ប្រើ1ថ្ងៃ10～30mg ដោយចាក់តាមសរសៃវ៉ែន។ ទុកគម្លាតរយៈពេលយ៉ាងហោចណាស់1～3សប្ដាហ៍រវាងការចាក់ម្ដងៗ។

4. ករណីប្រើរួមជាមួយឱសថប្រឆាំងមហារីកផ្សេងទៀត:

មនុស្សពេញវ័យ ប្រើ1ថ្ងៃ2～4mg និង 1～2ដងក្នុង1សប្ដាហ៍ ដោយប្រើរួមជាមួយឱសថប្រឆាំងមហារីកផ្សេងទៀត។

ម្យ៉ាងទៀត ប្រសិនបើចាំបាច់ អាចចាក់បញ្ចូលតាមសរសៃអាកទែ ក្នុងប្រហោងខួរឆ្អឹង ក្នុងទ្រូងឬពោះ ក្រោមកម្រិត1ថ្ងៃ2～10mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

5. ករណីជំងឺមហារីកប្លោកនោម:

សម្រាប់ការបង្កាការកើតឡើងវិញម្ដងទៀត មនុស្សពេញវ័យ ប្រើ1ថ្ងៃ1ដងឬ2ថ្ងៃម្ដង ក្នុងកម្រិត1ដង4～10mg ចាក់បញ្ចូលក្នុងប្លោកនោម។ សម្រាប់ការព្យាបាល មនុស្សពេញវ័យ ប្រើ1ថ្ងៃ1ដង10～40mg ចាក់បញ្ចូលក្នុងប្លោកនោម។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

របៀបលាយឱសថនេះ: ប្រើទឹកសម្រាប់លាយថ្នាំចាក់5mLសម្រាប់លាយឱសថនេះ2mg។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

ផលរំខានរួមមាន មិនឃ្លានអាហារ ក្អួត ចង្អោរ អស់កម្លាំងពេញខ្លួន ស្រកទម្ងន់ ងាយហូរឈាម រោគសញ្ញាខ្វះឈាម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រោគសញ្ញាខ្វះឈាម ស្នាមជាំពណ៌ស្វាយ បរិមាណទឹកនោមថយចុះ ពិបាកផ្ដុំអារម្មណ៍ពិចារណា (បណ្ដុំរោគសញ្ញាHemolytic uremic syndrome ជំងឹMicroangiopathic hemolytic anemia(MAHA))

- រួយខ្លួន ស្នាមជាំពណ៌ស្វាយ វិលមុខ (ប៉ះពាល់មុខងារផលិតគ្រាប់ឈាមរបស់ខួរឆ្អឹង ធ្វើអោយគ្រាប់ឈាមស ប្លាកែតជាដើមថយចុះ)

- ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia)

- កន្ទួលក្រហមលើស្បែក ពិបាកដកដង្ហើម សម្ពាធឈាមចុះទាប (ស្សុក(Shock) រោគប្រតិកម្មអាណាហ្វីឡាក់ស៊ីស(Anaphylaxis))

- រួយខ្លួន មិនឃ្លានអាហារ ភ្នែកនិងស្បែកប្រែពណ៌លឿង ញ័រដៃដូចទទះស្លាប (ជំងឺទាក់ទងនឹងថ្លើមនិងផ្លូវទឹកប្រមាត់(រលាកថង់ទឹកប្រមាត់ ស្លាប់កោសិកាបំពង់ទឹកប្រមាត់ ជាដើម))។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងមហារីកផ្សេងទៀតឬការព្យាបាលដោយវិទ្យុសកម្ម - អាចធ្វើអោយផលរំខានទាក់ទងនឹងខួរឆ្អឹងកើនឡើង។

・ឱសថប្រឆាំងមហារីកប្រភេទVinca alkaloid (ឱសថVincristineជាដើម) - អាចធ្វើអោយកើតមានអាការៈដកដង្ហើមដង្ហក់និងការកន្ត្រាក់នៃទងសួត។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពភ្ជាប់ទៅនឹងច្រវាក់DNA ដើម្បីរារាំងដំណើរការថតចម្លងច្រវាក់DNAនៅក្នុងកោសិកាមហារីក ដោយឱសថនេះបង្ហាញសកម្មភាពខ្លាំងជាពិសេសនៅដំណាក់កាលG1ដល់ដំណាក់កាលSនៃដំណើរការសំយោគDNA។